吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 會脫水嗎？

母乳餵哺今日: 0|主題: 85708

收藏本版

回覆發帖

返回列表

跳至頁

查看: 496 | 回覆: 4

會脫水嗎？ [複製鏈接]

bohenia

大宅

積分: 2284

1^#

發表於 13-8-4 22:07 |只看該作者 |正序瀏覽 |打印

身在外國，屋企冇冷氣，仔仔七個半月大。
本來呢輪開始食固體食到可以兩餐奶之間頂多一個鐘（平時三個鐘，一日五餐）先再餵。呢幾日一個熱浪吓吓卅五六度，預咗佢食得冇咁好。我已經加到一日六餐，隨時候命去返feed on demand.不過最慘係佢唔肯用樽飲水，又熱得滯唔可以成日抱埋身（佢到食奶時間就好乖，但囗渴要抱啜兩啖太熱會推開我喊）。用匙羹餵冰奶（已解凍冇加熱）每次只係飲10ml左右……。佢又唔夠濕片，同平日比，依家成日加埋都未必有以前兩條加埋咁重。

今日上到卅八度，我諗屋企就算室內有開風扇都有廿七度。阿仔成朝熱到瞓唔到，到下晝埋身埋咗成個鐘後（我想抽乳頭出來佢會醒會喊）我先甩到身。依家佢再瞓多三個鐘，我準備叫醒佢食奶啦。佢成頭汗（食奶前先沖過涼！）同唔知係攰定真係食得唔好，對眼凹哂！好心痛。

不過小心起見，請問有冇jm知道脫水有咩徵狀？我好驚，嚟緊幾日都仲咁熱，起碼星期四先去返卅度……

0 0 0

私人傳訊回覆引用

bohenia

大宅

積分: 2284

5^#

發表於 13-8-6 21:11 |只看該作者

bosch 發表於 13-8-6 06:40
你個b 食過乳酪未? 或者俾d 乳酪俾佢食, bb 6個月大可以食得.

bb 唔肯用樽飲水, 咁試下用匙羮或者杯仔去 ...

我呢邊醫生建議 8個月先試 yoghurt，我先生好古版，一定要跟足，又唔俾我餵果汁 (就算係我自己打都唔得)
其實我已經多數瞓喺度、吹住風扇餵啦。

奶樽、學習杯、小朋友用的膠杯(單耳/雙耳/冇耳)，甚至我自己隻杯都試過。佢只係咬吓當牙膠，一啜到有水即bu。匙羹就淨係肯飲凍奶，你提及餵完固體餵水嗰招我都試過，都係淨係要凍奶。
冷氣又關先生事，佢唔想買，尤其我個仔6個月未夠支氣管炎入過醫院，佢話吹冷氣唔好...

依家仔仔房有部tower fan (冇吹得咁"應" wor), air purifier & humidifier, 另一部風扇就睇吓少爺去邊間房玩就搬去。

我係喺歐洲呀，呢個熱浪好緊要，上到37度啦，聽日仲話39

我湊仔湊到飲水去廁所嘅時間都冇，仲有份freelance跟緊。其實，隨時中暑脫水嗰個可能係我

私人傳訊回覆引用

bosch

瑪瑙宮

積分: 128508

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

4^#

發表於 13-8-6 06:40 |只看該作者

bohenia 發表於 13-8-4 22:07
身在外國，屋企冇冷氣，仔仔七個半月大。
本來呢輪開始食固體食到可以兩餐奶之間頂多一個鐘（平時三個鐘， ...

你個b 食過乳酪未? 或者俾d 乳酪俾佢食, bb 6個月大可以食得.

bb 唔肯用樽飲水, 咁試下用匙羮或者杯仔去餵. 試下訓響度餵, 唔駛你熱佢又熱.

佢肯唔肯食固體? 肯食既話, 佢食完野之後, 你用番同一個碗仔 (唔駛洗), 加 d 水俾bb 飲, 睇下佢肯唔肯飲.

或者係溝稀d 果汁俾bb 飲.

你係咪住歐洲? 我住呢度等左差唔多成年終於夏天到, 但夏天一黎無耐就有熱浪, 只係冇你果邊咁癲.. 撞正我要坐月,真係搞到好似醃鹹魚咁, 出街有風反而好d... 上個禮拜成36度, 好彩呢個禮拜會涼番d. 早兩個禮拜真係日日3x度, 我個 b 又到左猛長期, 我都唔知係我熱得滯多左出汗定係bb 出汗多, 我唔覺我多左奶之餘, 餵極都係緊緊夠濕片, 果陣真係又熱又攰加埋餵果陣個胸好痛, 所以成日都想去補奶粉. 而家猛長期完左, bb 訓多左, 我至有時間谷到奶, 但奶量同以住餵2個仔有差別, 唔知同天氣熱有冇關...

可以的話, 你去買d 細細部可以周圍推既冷氣仔好d呀... 擺佢響廳度用, 降到少少溫都好過冇. 我有一部, 到夜晚抬番上樓用, 響房度用就好好多, 起碼d 小朋友訓得到先.