自由講場今日: 120|主題: 1352407

收藏本版

發帖

返回列表

跳至頁

查看: 379 | 回覆: 0

山頂纜車奇遇 (長篇, 呻) [複製鏈接]

ChristieMing

侯爵府

積分: 20768

好媽媽勳章畀面勳章

1^#

發表於 13-8-7 20:36 |只看該作者 |正序瀏覽 |打印

今日同家人上山頂行下, 回程坐纜車時我同仔仔 (7歲) 坐o左兩個位o既座椅, 當o的人上晒車後, 因為人太多, 所以唔夠坐有o的人要企, 跟住有個內地女子(講國語)好唔客氣叫我坐埋o的, 比o的位佢坐, 又話我地張椅係3個人坐, 但事實根本只夠坐兩個人, 雖然我仔係小朋友, 但都無理由叫我咁做呀?!?! 我當面就拒絕o左佢, 之後, 有個亞叔用國語同我講(可能佢以為我係講國語, 我用國語同o個個女人講野), 話我其實可以坐埋o的, 讓半個位比個女人坐, 我初初冇理佢, 但老公聽完好火, 就叫我唔好睬佢, 點知原來個男人係本地人, 用純熟o既廣東話話我地唔o岩, 講o的唔好聽o既說話 (但諷刺o既係, o係排隊等坐纜車時, 突然間落大雨, 我前面o個幾位遊客冇帶傘, 而我有帶, 而且有一件便利雨衣o係袋, 我就拎比佢地用, 佢地都好有禮貌多謝我).........o個下真係好嬲, 但因小朋友o係度, 唔想同人嘈所以忍住度氣。但越諗越嬲, 所以先出post 呻下.............

其實, 如果o個個女人好聲好氣有禮貌叫我讓, 可能我都會比少少位佢坐, 又或如果o個個女人有需要(如大肚, 唔舒服), 我唔坐讓比佢坐都冇所謂, 車程都係幾分鐘啫, 點知.....竟然比一個「自己人」話番轉頭, 真係嬲!!