夫婦情感 今日: 3 | 主題: 42743

積分: 1290

1^#

發表於 13-8-10 13:08 |只看該作者 |正序瀏覽 |打印

本帖最後由小肥bbb 於 13-8-10 13:10 編輯

以前從來都唔會入嚟呢個版,因為覺得不會發生在我身上,但原來幾咁恩愛都好,都會發生,唔同好似我D FD所講係必經階段....

一直以來,覺得C6好鍚我,成日話愛我,由拍拖到結婚成9年幾,一直也相安無事,也很少鬧交,從來對佢也很信任,不會CHECK佢,因為我成日覺得個人個心唔係度,CHECK來都無用,就係上星期日,佢手機鬧鐘響,我幫佢關掉,你知啦,IPHONE一掃開就會出返之前auto lock前的畫面,我震驚地見到佢之前一晚趁我瞓咗用LINE用個女同事互SAY我愛你,其他內容已經嬲到睇唔入眼,可能你地會話message啫,又無做D乜,但我知我C6唔係周圍flirt人的,那刻我也很冷靜,因為怕是我誤會,隔了幾個鐘,趁佢唔為意的我再CHECK多次,但我發覺已DEL,我即刻覺得如果無嘢洗咩DEL,我忍不住嚎哭,佢第一句跟我說的是對不起,我多麼多麼想他說是我誤會了....

佢不停send msg叫我原諒佢,話乜都無對佢做過,是一時諗歪,第二晚佢話對我坦白,只跟她吃過一次晚飯睇過一場戲,但我都仲好嬲唔肯同佢講嘢同成日喊,第三日我send msg問佢,同佢有無拖過手KISS過上過床,佢話只係拖過手,乜都無做過,我最興既係我問多D先滲多D,我真係無辦法想像佢有幾多嘢呃我,佢話講晒我知,話msg講乜都無得,但我唔知點再信佢,亦覺得2夫妻失去咗信任,以後的我又可能少少嘢都會懷疑一大餐,咁一齊做有乜意思,但佢求我唔好分開....

嗰幾日好迷失,成日覺得如果唔係比我發現咗,佢地可能會繼續發展下去,個C6仲想我地有BB,如果有埋細佬咁仲死,佢話已經解決咗,話同個小三講明連朋友都無得做,但佢地一間公司GA,個小三又青春,得21歲,日對夜對我點安心...

朋友叫我寬恕,坦白,但我真係唔識點寬恕佢,走去書局找書睇,又走嚟呢度搵類似CASE,得出結論係比多次機會大家,始終人誰無錯,我同佢講肯比多次幾會,但呢刻我無法做到原諒,因為心裡仍好痛好痛,佢好開心,但其實我心裡仍充滿懷疑,呢2日佢攬住我,我係有D抗拒,亦無拖過佢,因為一拖佢,我就諗起佢拖住個小三,個心好矛盾,覺得好似只係表面好番,有冇JM可以開解下我,支持下我,教下我點做? 有冇過來人可以分享下,係咪呢條刺永遠都係度,去唔返以前咁?

0 0 0

私人傳訊

victory_win

積分: 1578

35^#

發表於 13-8-12 20:53 |只看該作者

回覆：老公有小三,係咪一世都有條刺?有冇過來人分享下?

我都已經過左一年多，但事件仍然在我腦海徘徊，依家久唔久都會發癲咁喊同發脾氣，我知咁樣係會令我地惡化，但我真係要發泄，我真係谷得好辛苦

私人傳訊

boise

積分: 8322

34^#

發表於 13-8-12 19:40 |只看該作者

引用：回覆+biloveu+的帖子我今年34啦,再唔生BB就

原帖由 小肥bbb 於 13-08-12 發表
本帖最後由小肥bbb 於 13-8-12 15:02 編輯

回覆 biloveu 的帖子

你老公嘅解釋真係同我老公一模一樣。

我現在心情很差，晚點再和你說。

私人傳訊

CurrySo

積分: 7242

開心吸收勳章

33^#

發表於 13-8-12 16:11 |只看該作者

其實我真係冇資格教你捱過呢段時間，當年我喺事發後都極度傷心，瘦了20幾磅，C6對我做小小親熱d動作，我都會諗起佢同小三。所以你所講嘅感受，我完全明白。如果你決定原諒你C6，咁你就千祈唔好再問你C6以前同小三嘅嘢，一來已經係過去嘅事實，既然係冇法改變歷史，䇩越問越傷心，放生自己，既然決定原諒，就只可展望改善兩人日後嘅𨶹係，相處嘅方式。你嘅情況比我好d，你沒有小朋友，冇咁多顧慮。你現在可先觀察你C6，一方面睇佢係咪真係有誠意改，一方面你自己睇吥係咪可以淡忘嗰條刺，觀察一年半載，自己再作決定吧。
現在等於你啱啱整損咗有個傷口，沒有嘢可以做到，只有等時間一天天咁過，讓傷口自己慢慢癒合。樓主，加油。

私人傳訊

biloveu

子爵府

積分: 10324

32^#

發表於 13-8-12 15:57 |只看該作者

傻女, 而家科技咁發達, 高齡問題不大, 我都36幾先生BB. 我剛有個FRIEND早幾日生, 37TIM!
要搞清楚先好生, 唔係對你同個BB都唔好

私人傳訊

積分: 1290

31^#

發表於 13-8-12 15:00 |只看該作者

CurrySo 發表於 13-8-12 01:59
我覺得現在其實樓主最重要唔係去搓踱你C6日後重會唔會出軌，就算佢以後真係乖乖哋，佢今次嘅出軌，你係咪真 ...

我呢刻真係無辦法放低,初初同C6拍拖時,知佢仲掛住EX,嗰一刻我又係顛晒,花咗好幾年時間先平伏,我諗今次呢件事我呢世我都唔會忘記到,只會傷痛慢慢減低,但呢一刻真係好辛苦,偶然又會發作,我知道咁係唔好,令大家關係轉差,甚或將他推去小三,但我真係好難控制,平時工作時我EQ很好,情緒控制得好好,基本上無人知我有事,亦唔想返工喊嚇親同事,但一返到屋企靜下來,或同C6一齊時,我真控制唔到自己唔去諗,你係過來人,可唔可以教下我點樣捱過呢段日子?點樣可以對C6重拾信任? 我都希望你可以開心D,一齊學下點忘記呢D唔開心嘢

私人傳訊

積分: 1290

30^#

發表於 13-8-12 14:50 |只看該作者

本帖最後由小肥bbb 於 13-8-12 15:02 編輯

回覆 biloveu 的帖子

我今年34啦,再唔生BB就高齡.

呢幾日情緒好不穩,本身前幾日話肯同佢重新嚟過,但昨晚又忍唔住哭著問佢同小三一齊幾耐,鍾意佢D乜,我有乜做得唔好,佢話同小三明知沒有結果,只係貪心貪玩,覺得同佢傾偈好舒服,但佢話心裡仍有我,當拖住小三時,有諗起我同佢第一次拖手....我諗極都唔明點解佢話心裡有我,點解可以拖第二個,之後喊咗又好幾次

呢幾日雖然有同佢出街,但我唔敢拖佢, 因為我知道一拖佢我就會諗起....呢段日子好辛苦,好無安全感,唔知道幾時會再有下一次...

私人傳訊

積分: 1290

29^#

發表於 13-8-12 14:35 |只看該作者

回覆 amber-darling 的帖子

多謝您,我嘗試努力,但真係好艱難

私人傳訊

積分: 1290

28^#

發表於 13-8-12 14:34 |只看該作者

本帖最後由小肥bbb 於 13-8-12 14:39 編輯

soso1227 發表於 13-8-11 15:13
咁你C6同小三幾耐先斷? 依家C6對你好嗎?

其實可能係天意,應該開始咗唔係好耐,就比我發現咗,佢而家對我好愧疚,但我依然放唔低

私人傳訊

biloveu

子爵府

積分: 10324

27^#

發表於 13-8-12 13:57 |只看該作者

我係你, 會問佢幾時可以同小三食到飯, 睇到戲.

佢地係同事, 我覺得好難斷.

你話有下次一定離婚, 咁你要比佢知你係好認真, 一定要比佢知你底線, 亦要佢諗清楚自己想要D乜.

你幾大? 我係你, 亦會重新考慮生BB問題, 我會HOLD住先, 亦要比佢清楚因為佢呢個行為而HOLD住呢個決定.

另外, 要問佢或者諗下佢有小三原因,你地之間有無問題, 定係貪玩, 貪新鮮. 如果係貪玩, 貪新鮮. 你同佢講, 你而家咁後生(我諗想生BB唔會好老掛, 即使高齡)都咁, 你好傷心, 再一次要佢諗清楚自己想要D乜.

私人傳訊

CurrySo

積分: 7242

開心吸收勳章

26^#

發表於 13-8-12 01:59 |只看該作者

我覺得現在其實樓主最重要唔係去搓踱你C6日後重會唔會出軌，就算佢以後真係乖乖哋，佢今次嘅出軌，你係咪真係可以完全忘記？我係過來人，事發都有三年了，touchwood,我C6都好似乖哂，對我都好好，表面睇我哋都好恩愛，但係老實講，我並不開心！

私人傳訊

boise

積分: 8322

25^#

發表於 13-8-12 00:14 |只看該作者

引用：Quote:boise+發表於+13-8-10+23:48+你現在

原帖由 soso1227 於 13-08-11 發表
咁你C6同小三幾耐先斷? 依家C6對你好嗎?

在被我揭發第三次才算是斷吧！我也不肯定還有沒有下文，因為只是二星期前的事。由第一次知道到現在，只是二個多月，這段日子就像過了二年一樣！！

小三是女同事，更悲是一個大陸女子在港讀大學，及已拿了hk id. 估計她26-28歲，這種人不要面亦扮作沒要求。

每一次發現後他對我更好，令我以為他真的清醒知錯，但卻換來下一次的欺騙。

希望大家也能早日脫離這困局，過回正常生活。

私人傳訊

Freedomfish

伯爵府

積分: 16571

24^#

發表於 13-8-11 23:02 |只看該作者

你已經好幸運因發現得早，否則上左床，d妹妹仔好隨便，男既就用下面唸野，我case直頭同你一樣,個妹妹仔十九歲，不過冇你甘醒目發現，係個天要比我知

私人傳訊

Peasmama

積分: 1880

23^#

發表於 13-8-11 22:29 |只看該作者

回覆：老公有小三,係咪一世都有條刺?有冇過來人分享下?

如果C6仍然對你好，有值得留住他的因素，選擇冇左佢唔得呢條路，便要說服自己去忘記他們背叛你的一切一切，不要再為此事閙交，只可以忍受，因為你越追問越令佢討厭，不要推他去小三！不問不提也不用特別對他好！這段時間你是會很辛苦的，但希望雨過天晴！之前我就是不甘心和男的其它方面也不很好，所以每次講起就大吵，最後佢心已向小三，而我冇左佢後亦不覚可惜。每個case也不同，最重要是他仍否值得你繼續行下去。

私人傳訊

taitaibee

積分: 1135

22^#

發表於 13-8-11 22:16 |只看該作者

回覆：老公有小三,係咪一世都有條刺

有一次就會有第二次，第三次；呢d好多jm都經歷過，问題係你想吾想再一齊

私人傳訊

fannyhui928

積分: 1955

21^#

發表於 13-8-11 20:06 |只看該作者

回覆：老公有小三,係咪一世都有條刺

我都以為自己好幸福，但男人始終用下面諗野，有一次就有第2次，我知道佢背叛我那一刻，我人都崩潰了，真的想死左佢。點解要咁對我。。。我都選擇俾一次機會大家，點知佢都係令我失望，我覺得他的心已經無我了，唔會再為我做任何事，我都決定放棄了，只係心仍然很痛很痛

私人傳訊

amber-darling

侯爵府

積分: 22317

20^#

發表於 13-8-11 16:33 |只看該作者

回覆：老公有小三,係咪一世都有條刺?有冇過來人分享下?

唉，睇到我心都實埋，雖然宜家同老公係好恩愛，但真係好驚呀

各位姊妹加油，做女人，真係一D都唔易，樓主，支持你，明白你呢段時間一定好困難，加油呀

私人傳訊

Belle-Belle

複式洋房

積分: 284

19^#

發表於 13-8-11 15:40 |只看該作者

回覆：小肥bbb 的帖子

同我嗰個都一樣，又係問多一點才說多一點，結果又係續樣被我揭穿，過程相當痛苦。既然你選擇原諒，就唔好再問，向前看。越問只會越知道一這對你冇益的事實及痛苦一生，條刺就更難拔走。

私人傳訊

soso1227

珍珠宮

積分: 37354

醒目開學勳章畀面勳章

18^#

發表於 13-8-11 15:13 |只看該作者

boise 發表於 13-8-10 23:48
你現在不需要去諗如何拔走心中的剌，你先再觀察他是否真的和小三分手。

我是過來人，case也跟你相似。第一 ...

咁你C6同小三幾耐先斷? 依家C6對你好嗎?

私人傳訊