想生BB 今日: 1|主題: 109561

收藏本版

發帖

返回列表

跳至頁

查看: 1162 | 回覆: 28

曾經小x的jm加油呀(長) [複製鏈接]

littlezoo

珍珠宮

積分: 38693

育兒性格勳章我的育兒心得勳章環保接龍勳章畀面勳章

1^#

發表於 13-8-10 15:49 |只看該作者 |正序瀏覽 |打印

我試過兩次小x，今次終於成功，bb剛剛出世一星期了！想借lee到為同路的jm打打氣！！

上年，為了生bb，我每朝量體温，紅d綠d,clearblue電子排卵棒全部都試過。終於，第三個月，我懷孕了。第一次懷孕，心情興奮，第七週見到bb有閃閃，聽到bb心跳聲，感覺非常奇妙同感動。點知，第十週做第二次產檢，發現bb無左心跳。果一刻晴天霹靂，覺得無可能的，喺街大喊，接受唔到，再睇多個醫生，證實bb真係無左心跳，size停留喺8週就再無生長。第二日去私家醫院做吸宮，情緒持續低落。西醫話等3次m同心理上ok就可以再試。

過左3次m，我又再努力，跟住又中左。今次約左第8週先做產檢，一心覺得過到第8週就會無事。又點知去到第6週，開始流啡，唯有提早睇醫生。照到胎long但未見胎心，個心都沉埋，唯有bed rest等。等到第7週，開始流血，個心都知無希望，去急症室，照完都係無心跳，仲要個胎long已經開始縮小，醫生話可以等，不過都係無咩希望，因為正常胎long係圓碌碌的，我個胎long已經縮細緊，好似一個漏緊氣嘅波咁，係小x左嘅癥狀。今次無咁傷心了，因為起碼bb從來無成長過，從來未有過心跳，喺政府醫院塞药流產。塞药嘅過程唔係好痛，但就要等胎long排出，結果我第左三日先排出，還好，排得清，唔洗刮宮。心情都係好低落，成日問自己點解我會咁唔好彩。

之後我去左睇中醫又去左金花廟同龍母廟求子，中藥一飲就飲左半年了。(中醫係同事介紹，不過唔好問我係邊個了，睇中醫人夾人，夾我的中醫未必夾大家，各位可以試下，睇下飲藥後的反應同埋自己對個中醫有無信心去決定睇邊個中醫。)中醫話我係陀得唔穩，可能係我排的卵唔夠靚，所以個胎長得唔好，但又未至於宮寒，可以一直調理下，不過暫時未適合再懷孕。我開始左一星期要飲六日中藥的日子，好不容易飲左四個月，醫師話我可以再嘗試了！醫師會叫我一直量體温，到差多排卵時會用藥令我粒卵靚d。結果頭兩個月都唔中，我又再好氣餒。之前每次排卵後都驚會bingo,飲食會好小心，唔會做劇烈運動，但次次都無中獎，令我好灰心。好耐之前plan左去旅行，我有諗過不如唔好去，但又覺得個個月都就住就住好辛苦，結果今個月排卵後照去旅行，仲帶埋中藥去飲。個心諗住放棄一個月，吃喝玩樂後再努力過，心情真係前所未有咁輕鬆！仲勁食刺身飲凍野，超爽！！去玩完返香港就識驚，食左咁多違禁品，如果bingo都唔知有咩影響！點知，真係bingo,不過我係擔心多過興奮！全個孕期，9個幾月，次次產檢都擔心bb會無左心跳，擔心呢樣擔心果樣，直至感覺到胎動，懷孕嘅感覺先實在一d。不過有時胎動無咁明顯又好擔心。

各位經歷過小x的jm,你地要加油呀！難關一關一關過！努力呀！