網購天地 今日: 0 | 主題: 70766

積分: 21510

1^#

發表於 13-8-17 16:38 |只看該作者 |正序瀏覽 |打印

本帖最後由 imlook 於 14-4-8 00:53 編輯

#集運 FAQ

咩係集運？
集運係中轉公司，幫我地先集貨，再轉運到香港。
我地響淘寶買野時，收貨地址填集運響內地既收貨地址，等集運幫我地收齊貨之後，就請集運幫我地用快遞或者物流轉寄到我地香港地址。
集運係普遍香港人同集運之間既叫法。如果同內地人溝通，佢地會唔知咩係集運，傾完成個鐘都仲係雞同鴨講，但只要同佢地講用中轉，佢地就多數都明。

咩係快遞？
快遞係送貨公司，例子：DHL、順豐。同集運係唔同既。
經常有人混淆集運同快遞，受完快遞氣走去劣評集運，係非常唔文明既行為。
集運幫我地收貨，再用快遞發貨比我地。
如果集貨領貨過程唔流暢，係間無運唔好，請轉集運。
如果發貨後快遞送貨慢，快遞哥哥唔禮貌／約好時間甩底，係快遞唔好，唔需要轉集運，只需要轉快遞。受左快遞哥哥氣，轉集運唔轉快遞，好大機會要再受氣一次。

咩係物流？
物流同快遞一樣，係送貨公司。不同於，物流主要運送較大的重型貨件，收費較平。物流多數唔送貨上門，只會送到指定貨倉／提貨點，通常可以要求加錢送貨，上唔上門要再傾。
一般有提供大貨優惠既集運，都有物流提貨服務，收費由¥50-80不等，視乎唔同貨倉遠近距離，購物前應先分別搵賣家和集運確認物流公司和提貨價錢。經賣家加錢比物流公司送貨到集運門口會比較方便同平，但都最好夾下價先。

點解集運咁好幫我地收貨？
集運通常有合作開既快遞公司，快遞公司會有優惠價錢比佢地，佢地再收我地正價或者貴少少，賺個差額。

點解要用集運？
用集運運費會平啲、慳啲時間。有啲賣家拒絕寄香港。
深圳直送香港每公斤首重¥30續重¥6，深圳寄深圳每公斤首重¥8續重¥1。
三件貨例子：
寄三件分別重１公斤既貨到香港，要¥30*3=¥90。
若同樣三份件先寄到集運，再轉寄香港，運費係內地運費：¥8*3=¥24＋寄港運費：¥30+¥6*2=¥42，共¥66。
十件貨例子：
寄十件分別重１公斤既貨到香港，要¥30*10=¥300。
若同樣十份件先寄到集運，再轉寄香港，運費係內地運費：¥8*10=¥80＋寄港運費：¥30+¥6*9=¥84，共¥164。
如果送住宅或偏遠地方有附加費，集埋送就可以由三／十次附加費節省為一次附加費。
有時候賣家會做包郵優惠，一般都只包國內郵費，香港呢個特別行政區多數無份，用集運就可以得到幾乎內地人既待遇。
慳時間係副產品，由要等收三／十次貨變成等一次貨。

用集運有咩風險？
如果收到貨物時發現有問題，正常賣家需要承擔以同樣發貨方式來回退換貨既運費。
例如：賣家由深圳用快遞發貨到深圳，用左¥8，如果證明到係貨件本身有破損，賣家需要承擔來回¥16快遞運費。用集運，件貨到左香港我地先檢查到有問題，而香港寄上深圳並無方便相宜既途徑，最少要¥30運費，同時賣家亦只需要承擔最多¥16運費。仲未計電子產品或者有牌子貨品寄唔番上去。更甚者，要親身帶件貨上大陸寄。變相除非件貨好貴，否則最終都只係多一事不如少一事。
對應方法，係揀啲評價信譽比較高既商家（請參巧分辨淘寶商戶心得）。
信譽好既賣家就算遇到問題，比較願意協商，話比佢地知件貨已經到左香港退貨唔方便，有機會可以傾到退返部分款項，或者直接補寄過另一件或者破損部分配件。
遇上信譽唔好既，可能會堅持依據淘寶條款，即使明明件貨只值¥16，佢包個來回運費已經要¥16，仲未計件貨既成本，都要你寄番件爛貨比佢。就算唔知件貨響香港唔方便退貨，佢地都會堅持，因為睇評價，唔少內地人會嫌麻煩算數，而我地香港人，即使想退都無得退，有苦自己知。

集運要點用？
而家集運發展得好成熟，唔同集運發展成唔同領貨取貨流程，唔可以一個教學教得晒，流程要睇番目標集運既介紹。而有幾樣野一定唔會錯，可以提點一下。
．第一次用集運之前，最好聯絡一下集運既掌櫃／客服。有時遇上旺季爆倉，唔少集運會唔接新客。順便可以觀察客服既回覆速度、對答態度，如果未做你生意已經回覆慢態度差，將來萬一有貨件出事要請佢地幫忙更加唔洗旨意。
．決定好用一間集運，可以去淘寶賬戶管理新增一個收貨地址，內容填集運提供既資料，最好跟足集運指示格式，每間集運有唔同系統，自把自為亂填只會令到自己領貨比其他人慢。預設地址亦轉為集運地址，購物車按結算可以睇到店家預設運費，如果運費設定合理，可以提交訂單自助購物。
．拍下付款後，等賣家發貨提供物流運單號，按已買到的寶貝＞查看物流可以查物流狀況。

按查看物流至新頁面，見到簽收成功、ＸＸＸ已簽收、投妥字眼，即貨件已到集運度。唔少集運都需要我地提供物流公司同運單號碼（不同物流編號），在下圖左邊。

．等所有貨物簽收好，認領貨件，請集運發貨到香港地址。步驟每間集運都有少少唔同，睇番集運介紹喇。

咩係體積重／泡重？
體積重係依照貨件體積去計算收取運費既重量。
假如你買一粒黃豆，用一個貨櫃車咁大既紙盒裝，請快遞幫你送貨，如果快遞按照粒黃豆再加埋紙箱既重量收費，咁快遞就蝕到入肉啦。所以對於大而輕既貨，快遞／物流係會收取體積重。
一般體積重計算方法：體積重(kg)=長(cm)x濶(cm)x高(cm)/6000
有啲集運會收平啲，除8000。
快遞，順豐，較遠地區如江浙滬送香港，可以揀順豐特惠，即係陸運，除12000，平一半。

0 3 0

私人傳訊

maymaggie

伯爵府

積分: 16297

45^#

發表於 14-6-7 22:42 |只看該作者

呢個 post 應該要置頂, 新手岩用, 樓主咁好心機寫, 唔好俾佢沉

點評

imlook BK唔好要求咁多了, 不求有功, 但求無過.

發表於 14-6-8 17:35

私人傳訊

littlewoman

積分: 2664

44^#

發表於 14-6-7 18:05 |只看該作者

回覆：咩係集運, 請看集運FAQ

勁讚！
唔該曬！

私人傳訊

yuen1818

水晶宮

積分: 57267

hashtag影視迷勳章 wyeth冷知識勳章畀面勳章親子達人勳章 BK Milk勳章

43^#

發表於 14-6-7 13:32 |只看該作者

回覆：咩係集運, 請看集運FAQ

學倒野

私人傳訊

Zebrafish

伯爵府

積分: 16765

2018復活節勳章開心吸收勳章夏天玩到顛 hashtag影視迷勳章畀面勳章 BK Milk勳章親子王國15週年勳章

42^#

發表於 14-6-6 17:35 |只看該作者

好有心機！

私人傳訊

積分: 21510

41^#

發表於 14-6-6 14:18 |只看該作者

CWS_10 發表於 14-6-6 12:21
好詳細, 令我了解更多集運, 平時用開國際轉運, 但因為圓通已經下線, 我又冇左途徑send野落黎

問題: ...

賣家寄貨時填快遞表, 有托寄物內容, 賣家多數會老實填. 中藥/食物呢啲敏感野, 要仔細查海關網頁, 例如"鴉片""生肉", 呢啲大家都估到唔送得. 快遞免煩唔運, 就多數無得直送.
集運只做收貨同打包轉寄, 一日咁多貨, 貨去到佢地手多數底單甩色甩得七七八八, 邊得閒逐件估入面有乜. 一堆過送, 用啲執得無咁嚴既快遞, 咪好似乜都送得咁. 如果想集運幫你發順豐黎香港, 順豐有機會逐件開黎睇下入面係乜, 都係送唔到既.

電池, 順豐送, 不過直送限陸運. 液體唔清楚.
電池/液體呢啲, 因為航空條例大陸送大陸,一樣係陸運, 可能只係大家無理, 只係以為咁啱快遞送得慢. 去到集運, 集運多數經陸運, 多數都送得.

私人傳訊

CWS_10

積分: 2975

40^#

發表於 14-6-6 12:21 |只看該作者

好詳細, 令我了解更多集運, 平時用開國際轉運, 但因為圓通已經下線, 我又冇左途徑send野落黎

問題: 平時見你地post有講, 集運可以運d食物, 液體物品, 總之快遞唔收嘅野, 集運都會send到黎hk, 但集運只係幫我地收貨, 最後都係用快遞send黎hk, 咁點解經集運收貨嘅所謂險品後, 快遞又可能send到黎hk呢? 我就係尼度有d唔明

私人傳訊

peaceaa1122

珍珠宮

積分: 38064

馬年勳章 2025中秋節勳章 2025勳章蛇年勳章 2024年龍年勳章好媽媽勳章醒目開學勳章畀面勳章

39^#

發表於 14-4-8 19:35 |只看該作者

回覆：咩係集運, 請看集運FAQ

正！！唔該晒

私人傳訊

S_family

公爵府

積分: 27699

38^#

發表於 14-4-8 18:54 |只看該作者

私人傳訊

wtap

子爵府

積分: 11032

37^#

發表於 14-4-8 00:14 |只看該作者

回覆：咩係集運, 請看集運FAQ

私人傳訊

pansy888hk

水晶宮

積分: 53116

馬年勳章

36^#

發表於 14-4-7 23:20 |只看該作者

謝謝 IMLOOK~~解答左好多疑難~

私人傳訊

applecc1213

複式洋房

積分: 233

35^#

發表於 14-4-7 22:46 |只看該作者

本帖最後由 applecc1213 於 14-4-7 22:48 編輯

解釋好詳細謝謝

私人傳訊

alisonfamily13

民房

積分: 9

34^#

發表於 13-8-26 15:55 |只看該作者

淘寶集運我都係同同事夾，有個同事超好幫我地gather曬d野！超愛佢呀！
不過我自己最近就試緊另一隻集運，叫 http://www.goodbox.hk/
專集係hk買ge團購野ge～
間野連住宅都送，每個月upload ge 第一coupon就$30.只後每張$10。
hehehe,我個日收貨個陣仲收到佢地送ge份禮物仔

始終我都有d c9仔>3<

私人傳訊

小丸子2012

積分: 3196

33^#

發表於 13-8-25 16:46 |只看該作者

引用：回覆+小丸子2012+的帖子請問集運那些時間是

原帖由 imlook 於 13-08-25 發表
本帖最後由 imlook 於 13-8-25 16:06 編輯

回覆小丸子2012 的帖子

Thx! 解答得好詳細。

私人傳訊

積分: 21510

32^#

發表於 13-8-25 16:05 |只看該作者

本帖最後由 imlook 於 14-4-8 01:14 編輯

回覆小丸子2012 的帖子

請問 #集運那些時間是比較特別繁忙，送件多數會延誤。我只記得農曆新年，還有其他時間嗎？我想避開這些繁忙季節。時間應什預算？
除左農曆新年，國慶長假都好恐怖。大陸仲有一個叫光棍節，係１１月１１日，淘寶會搞好多促銷，唔趕時間既野都係避一避好啲。另外一般公眾假期遇上週末變成長假，正常預多幾日。以上日子內地快遞比較忙，唔同買家寄去集運度既日期變得唔穩定，要堆響集運度既時間亦特別長，阻滯多旺旺回覆時間都會比平時慢，嚴重既可以２－３日先覆到旺旺。

另外，如不便在住宅收貨，自取可以嗎？應什安排呢？
一間間集運，有啲集運有提供自取服務，搵集運時可以留意埋。
有啲快遞提供服務網點自取服務，可以先搵自己方便既地區有咩快遞揀，再搵有邊間集運有同佢地合作。
到發貨到香港時，收貨地址可以寫番快遞門巿地址，或者自己地址再加備註寫門巿自取。同樣間間快遞規矩唔同，要問番快遞。

集運重量及體積又如何得知？我多數一個人取貨，太重就麻煩了。
一日集運唔執貨秤重，一日都唔會知道實際重量及體積。
幻想一下，你響１０間唔同既店買左１０粒黃豆，啲賣家怕用快遞紙袋會壓扁你粒黃豆，反正快遞點都要收佢地１公斤首重，於是佢地分別都用一個月餅鐵盒幫你裝起粒黃豆寄比你。每一個月餅盒對於任何一個人黎講都唔大，但十個月餅盒加加埋埋，就變得好大盒。
雖然黃豆＋月餅盒係比較誇張既比喻，但類似情況係經常發生。想得知集運重量同體積，唯有響賣家發貨前確認一下，請賣家用細啲既盒包裝。如果怕一個人取貨太麻煩，唯有每次唔好集咁太多件貨。

第一次集運，應該買幾多間店舖的產品呢？
如果有工商地址／自取唔需要附加費，第一次集３－５間店都已經有慳到之餘風險唔算太大。
如果要住宅附加費，１０間咁上下都已經好盡。
個人經驗，無客觀分析支持，每次為集而集超過１０間店，好容易衰衝動唔小心買多左無謂野。又或者要預先花太多時間去左揀右揀，到買到件貨落黎時又已經過晒氣，或者太早買左未需要買既野，響實際用之前又見到有第二間做特價抵啲。
如果三兩個街坊／朋友／同事，一人揀３－５間，咁當然就最理想啦。

另外，集運流程是否如下：
1）先選集運公司，並留意他們用什麼快遞送貨到香港，可要求他們用其他快遞嗎？＞
2）將自己個收貨地址和收件人轉做內地集運地址及收件人＞
3）去店舖 shopping，拍下產品，直送去集運，由集運收件＞
4）用旺旺通知集運發貨到港＞
5）透過淘寶拍下，付款比集運運貨來香港
上述流程是否正確？
流程大致正確，不過每間集運實際運作都有啲出入，每次轉用一間新集運前，都應該先睇清楚佢地條款細則流程。
第（１）要留意，每間集運有合作開既快遞，通常都有２－３間。除非有特別原因，否則佢地唔會茂茂然幫你搵間無合作開既快遞幫你發貨。集運本身係靠同固定快遞合作，拎個平啲既價錢轉發賺個差價，如果無端端幫你用一間無合作開既快遞發貨，好肯定賺少左錢。平時夾慣夾熟打個電話已經會黎收件，換著你，你會唔會花多啲時間去賺少啲錢呀？寄貨去集運度之前應該要了解好集運用既快遞適唔適合你，即使萬一出事，快遞咁啱忙唔收貨，一般都只有乾等。主動提出加額外服務費都或者有商量既，但都唔見得會受歡迎。

私人傳訊

積分: 21510

31^#

發表於 13-8-25 14:48 |只看該作者

本帖最後由 imlook 於 14-4-8 01:14 編輯

回覆 lam1234 的帖子

請問我點知我所淘的貨物幾重？是問賣家定 #集運公司？可以先買野前問下賣家，有個預算，但實際收費一定係跟以集運作準。
我試過只買一件２０公斤既貨，賣家話係２０公斤，到集運話係２２公斤，當我提出賣家話件貨只係２０公斤既時候，集運話可以磅重影相比我睇。件貨響集運度無咩好拗，佢要響個磅度做手腳亦唔難，一般情況都係乖乖比錢，下次轉過第二間集運。

私人傳訊

積分: 21510

30^#

發表於 13-8-25 14:43 |只看該作者

本帖最後由 imlook 於 14-4-8 01:13 編輯

回覆 ella821 的帖子

我想知道 #集運公司喺咪用收件人個名即我個名去分貨？我只要通知佢我個名同埋有幾多件貨就ok？每間集運營運模式都唔同，實際運作要問番你打算用果間集運。
通常集運會用收件人個名和物流運單號。但唔少賣家會懶醒唔得醒，見到你個收件人寫"陳大文轉你a/c名"，會好醒咁只寫陳大文、亦有時字體太潦草、或者手寫快遞面單唔夠力，底單矇查查望唔真。咁就只能用物流運單號去認番件貨。

私人傳訊

apsm

禁止訪問

積分: 10893

29^#

發表於 13-8-25 14:36 |只看該作者

引用：+本帖最後由+imlook+於+13-8-17+17:18+編輯

提示: 作者被禁止或刪除內容自動屏蔽

私人傳訊

小丸子2012