網購天地 今日: 2 | 主題: 70779

積分: 21551

1^#

發表於 13-8-17 16:38 |只看該作者 |倒序瀏覽 |打印

本帖最後由 imlook 於 14-4-8 00:53 編輯

#集運 FAQ

咩係集運？
集運係中轉公司，幫我地先集貨，再轉運到香港。
我地響淘寶買野時，收貨地址填集運響內地既收貨地址，等集運幫我地收齊貨之後，就請集運幫我地用快遞或者物流轉寄到我地香港地址。
集運係普遍香港人同集運之間既叫法。如果同內地人溝通，佢地會唔知咩係集運，傾完成個鐘都仲係雞同鴨講，但只要同佢地講用中轉，佢地就多數都明。

咩係快遞？
快遞係送貨公司，例子：DHL、順豐。同集運係唔同既。
經常有人混淆集運同快遞，受完快遞氣走去劣評集運，係非常唔文明既行為。
集運幫我地收貨，再用快遞發貨比我地。
如果集貨領貨過程唔流暢，係間無運唔好，請轉集運。
如果發貨後快遞送貨慢，快遞哥哥唔禮貌／約好時間甩底，係快遞唔好，唔需要轉集運，只需要轉快遞。受左快遞哥哥氣，轉集運唔轉快遞，好大機會要再受氣一次。

咩係物流？
物流同快遞一樣，係送貨公司。不同於，物流主要運送較大的重型貨件，收費較平。物流多數唔送貨上門，只會送到指定貨倉／提貨點，通常可以要求加錢送貨，上唔上門要再傾。
一般有提供大貨優惠既集運，都有物流提貨服務，收費由¥50-80不等，視乎唔同貨倉遠近距離，購物前應先分別搵賣家和集運確認物流公司和提貨價錢。經賣家加錢比物流公司送貨到集運門口會比較方便同平，但都最好夾下價先。

點解集運咁好幫我地收貨？
集運通常有合作開既快遞公司，快遞公司會有優惠價錢比佢地，佢地再收我地正價或者貴少少，賺個差額。

點解要用集運？
用集運運費會平啲、慳啲時間。有啲賣家拒絕寄香港。
深圳直送香港每公斤首重¥30續重¥6，深圳寄深圳每公斤首重¥8續重¥1。
三件貨例子：
寄三件分別重１公斤既貨到香港，要¥30*3=¥90。
若同樣三份件先寄到集運，再轉寄香港，運費係內地運費：¥8*3=¥24＋寄港運費：¥30+¥6*2=¥42，共¥66。
十件貨例子：
寄十件分別重１公斤既貨到香港，要¥30*10=¥300。
若同樣十份件先寄到集運，再轉寄香港，運費係內地運費：¥8*10=¥80＋寄港運費：¥30+¥6*9=¥84，共¥164。
如果送住宅或偏遠地方有附加費，集埋送就可以由三／十次附加費節省為一次附加費。
有時候賣家會做包郵優惠，一般都只包國內郵費，香港呢個特別行政區多數無份，用集運就可以得到幾乎內地人既待遇。
慳時間係副產品，由要等收三／十次貨變成等一次貨。

用集運有咩風險？
如果收到貨物時發現有問題，正常賣家需要承擔以同樣發貨方式來回退換貨既運費。
例如：賣家由深圳用快遞發貨到深圳，用左¥8，如果證明到係貨件本身有破損，賣家需要承擔來回¥16快遞運費。用集運，件貨到左香港我地先檢查到有問題，而香港寄上深圳並無方便相宜既途徑，最少要¥30運費，同時賣家亦只需要承擔最多¥16運費。仲未計電子產品或者有牌子貨品寄唔番上去。更甚者，要親身帶件貨上大陸寄。變相除非件貨好貴，否則最終都只係多一事不如少一事。
對應方法，係揀啲評價信譽比較高既商家（請參巧分辨淘寶商戶心得）。
信譽好既賣家就算遇到問題，比較願意協商，話比佢地知件貨已經到左香港退貨唔方便，有機會可以傾到退返部分款項，或者直接補寄過另一件或者破損部分配件。
遇上信譽唔好既，可能會堅持依據淘寶條款，即使明明件貨只值¥16，佢包個來回運費已經要¥16，仲未計件貨既成本，都要你寄番件爛貨比佢。就算唔知件貨響香港唔方便退貨，佢地都會堅持，因為睇評價，唔少內地人會嫌麻煩算數，而我地香港人，即使想退都無得退，有苦自己知。

集運要點用？
而家集運發展得好成熟，唔同集運發展成唔同領貨取貨流程，唔可以一個教學教得晒，流程要睇番目標集運既介紹。而有幾樣野一定唔會錯，可以提點一下。
．第一次用集運之前，最好聯絡一下集運既掌櫃／客服。有時遇上旺季爆倉，唔少集運會唔接新客。順便可以觀察客服既回覆速度、對答態度，如果未做你生意已經回覆慢態度差，將來萬一有貨件出事要請佢地幫忙更加唔洗旨意。
．決定好用一間集運，可以去淘寶賬戶管理新增一個收貨地址，內容填集運提供既資料，最好跟足集運指示格式，每間集運有唔同系統，自把自為亂填只會令到自己領貨比其他人慢。預設地址亦轉為集運地址，購物車按結算可以睇到店家預設運費，如果運費設定合理，可以提交訂單自助購物。
．拍下付款後，等賣家發貨提供物流運單號，按已買到的寶貝＞查看物流可以查物流狀況。

按查看物流至新頁面，見到簽收成功、ＸＸＸ已簽收、投妥字眼，即貨件已到集運度。唔少集運都需要我地提供物流公司同運單號碼（不同物流編號），在下圖左邊。

．等所有貨物簽收好，認領貨件，請集運發貨到香港地址。步驟每間集運都有少少唔同，睇番集運介紹喇。

咩係體積重／泡重？
體積重係依照貨件體積去計算收取運費既重量。
假如你買一粒黃豆，用一個貨櫃車咁大既紙盒裝，請快遞幫你送貨，如果快遞按照粒黃豆再加埋紙箱既重量收費，咁快遞就蝕到入肉啦。所以對於大而輕既貨，快遞／物流係會收取體積重。
一般體積重計算方法：體積重(kg)=長(cm)x濶(cm)x高(cm)/6000
有啲集運會收平啲，除8000。
快遞，順豐，較遠地區如江浙滬送香港，可以揀順豐特惠，即係陸運，除12000，平一半。

0 3 0

私人傳訊

積分: 21551

2^#

發表於 13-8-17 16:39 |只看該作者

暫時寫住咁多先.. 諗到有咩再加遲下再寫

私人傳訊

blink_blink

珍珠宮

積分: 30090

環保接龍勳章大廚勳章

3^#

發表於 13-8-17 16:40 |只看該作者

好post!!!! 要求置頂呀!!!

The moon is reaching for me~

私人傳訊

BACDROM

積分: 4665

4^#

發表於 13-8-17 17:06 |只看該作者

回覆：咩係集運, 請看集運FAQ

好有心機

私人傳訊

super888

水晶宮

積分: 55656

畀面勳章 BK Milk勳章

5^#

發表於 13-8-17 17:06 |只看該作者

回覆：咩係集運, 請看集運FAQ

勁好細心

Cheer up! Enjoy every Little Thing in LIFE

私人傳訊

sally722

積分: 2902

BK Milk勳章

6^#

發表於 13-8-17 17:46 |只看該作者

引用：+本帖最後由+imlook+於+13-8-17+17:18+編輯

原帖由 imlook 於 13-08-17 發表
本帖最後由 imlook 於 13-8-17 17:18 編輯

集運FAQ

好Detail解釋

私人傳訊

maymaggie

伯爵府

積分: 16297

7^#

發表於 13-8-17 20:38 |只看該作者

勁

私人傳訊

stella816

珍珠宮

積分: 38945

畀面勳章親子王國15週年勳章

8^#

發表於 13-8-18 01:30 |只看該作者

回覆：咩係集運, 請看集運FAQ

方便新手了解更多！

私人傳訊

mondymondy

公爵府

積分: 25985

9^#

發表於 13-8-18 01:34 |只看該作者

回覆：咩係集運, 請看集運FAQ

你打救左我呢隻迷途小羔羊～～～

私人傳訊

chloe666

珍珠宮

積分: 44659

畀面勳章 BK Milk勳章

10^#

發表於 13-8-18 03:10 |只看該作者

Thx

私人傳訊

陸仟圓

積分: 2242

11^#

發表於 13-8-18 09:51 |只看該作者

回覆：imlook 的帖子

好詳盡

私人傳訊

C9C9

別墅

積分: 909

12^#

發表於 13-8-19 19:31 |只看該作者

回覆：咩係集運, 請看集運FAQ

請問用集運，是否先向集運公司溝通然後再拍？拍前向賣家提供集運資料？

物品的最後重量（包裝後）由賣家決定還是集運公司？因為以前速遞香港，好多時叫你到付，有些店子把物件大大大打包，結果很重（懷疑興速遞合作），所以我都會叫他輕包，尤其是一般物件。

私人傳訊

積分: 21551

13^#

發表於 13-8-19 21:52 |只看該作者

本帖最後由 imlook 於 14-4-8 01:09 編輯

回覆 C9C9 的帖子

請問用 #集運，是否先向集運公司溝通然後再拍？拍前向賣家提供集運資料？

大部分情況唔需要, 直接用集運地址當係自己地址拍+付款就OK. 有啲JM會備註留言, 希望用細個啲既盒/包裝得好啲, 希望壓低少少轉送香港既體積運費/打爛野既機會.

但如果買大型傢俬電器, 同賣家講清楚, 問定貨件尺寸, 可以預算到運費/走物流既提貨費, 有時直送香港反而會抵啲.

物品的最後重量（包裝後）由賣家決定還是集運公司？因為以前速遞香港，好多時叫你到付，有些店子把物件大大大打包，結果很重（懷疑興速遞合作），所以我都會叫他輕包，尤其是一般物件。

送港包裝重量係集運公司決定. 想穩陣啲唔想被呃秤, 唯一辦法係搵啲信譽好啲既集運.

正常送港運費到付, 有無同速遞合作呃秤唔知, 但係包得大件可以係保障佢地自己既方法之一, 因為件貨爛左佢地要負責.

暫時講住咁多先~ 得閒整理番去#1

私人傳訊

mercysheep

積分: 1882

14^#

發表於 13-8-19 22:02 |只看該作者

我想問下"確認收貨", 是貨物到了集運後確認, 還是自己收到貨後才確認呢? 謝謝!

私人傳訊

積分: 21551

15^#

發表於 13-8-19 23:11 |只看該作者

本帖最後由 imlook 於 14-4-8 01:12 編輯

我想問下"確認收貨", 是貨物到了 #集運後確認, 還是自己收到貨後才確認呢? 謝謝!

賣家發貨後有10日時間確認收貨。如果集貨既單數唔多，就住先買遠既地方後買近既地方，預啲貨差唔多日子到集運度，一集齊貨即刻轉送到香港，正常情況下可以等到香港收貨後先確認。不過如果中途有阻滯，有賣家／快遞唔生性拖遲左，可以自己響淘寶系統度申請延遲三日。如果三日都仲唔夠，可以同賣家解釋你用中轉，實際件貨未到手，要求賣家幫你延遲確認收貨。

個人經驗係，願意負責任既店舖，即使你自動確認後十日八日先同佢地講你個情況，佢地大多會積極協商解決問題。無良店舖就算你未確認收貨，出左問題都會左推右推，最壞情況係抵賴話你唔係響快遞面前拆貨，佢地唔會負責。所以講到尾，揀間信譽好既店舖比延遲確認收貨重要。

私人傳訊

winglim

禁止訪問

積分: 4075

16^#

發表於 13-8-19 23:56 |只看該作者

回覆：咩係集運, 請看集運FAQ

提示: 作者被禁止或刪除內容自動屏蔽

私人傳訊

C9C9

別墅

積分: 909

17^#

發表於 13-8-19 23:58 |只看該作者

回覆：imlook 的帖子

謝謝您！
我看了幾家集運的網頁，比較複雜。因為我一向用順豐，不過佢費用越來越貴。

當我拍了後，是否直接通知賣家我用那家集運，賣家是否自己通知集運來取件？

是不是我拍了幾家的店後，然後到集運公司再拍要選的運送地點？

集運何時收取費用？
如果賣家承擔運費，我是否不用付集運？是否所有集運基本上集齊物都會送到香港，是否要另外再拍送香港？

私人傳訊