回覆：男人！點解係母乳餵哺室唔走？有點長...
老實講，餵奶樽果d, 識字又好唔識字又好，要佔用母乳餵哺室，實有千千萬萬個理由，同佢地嘈都哂氣。
我埋身，屯市d 母乳餵哺室我成日去。
通常等勁耐果d房，最後出來都係拎住個奶樽奶粉格，推住bb車的。
既然有車又餵奶樽，點解唔可以係出面坐低餵？出面有櫈wo。
我抱住個大喊B係門口等成半個鐘，如果我仔肯用餵奶巾，邊洗搞到咁呢hea?
反而餵人奶果d大家都識互相體諒，餵完就盡快離開，因為大家都知d房唔夠用。
(一眼睇得出架，人奶媽通常兩手空空而且係手抱BB的)
如果你話入去泵奶，當然歡迎，但用樽餵真係可以考慮下出去出面餵。冇人等緊當然唔緊要，但有人敲門，是否亦應互相體諒？衡量一下邊個更有需要用房？
餵人奶真係障礙重重架，在街打開心口餵實比人話你不知廉恥，想揾房，又被d餵奶粉的佔用。因間又有d人過分到話，咪餵奶粉囉！bb會餓就咪出街啦！超唔文明。我努力說服緊自己nurse in public, 唔用巾，過到自己果關就唔洗搞到咁麻煩。
香港d房設計真係好有問題，換片餵奶整埋一齊。我寧願男女廁角落整多幾塊換片板，然後有間房仔一排櫈，男人止步，人奶媽齊齊坐低餵/泵奶。好過成班人餵奶換片等一間房嘛係咪先。慳到d空間隨時可整多個area比人餵奶粉餵固體，咁咪唔洗爭囉。
七個月成功從全奶粉轉為全人奶，nothing is impossible！
get rid of formula, normalize breastfeeding
入面已經夠迫，仲推埋bb車入去！應該係大門外面等囉！佢太太又係有問題！幾位媽咪抱bb係度等緊，有d見多人已走左（佢冇關門）前面其中一個媽咪a問「唔好意思，你用樽餵可唔可以讓一讓我？」（當時果位媽咪個b已喊到拆天），樽餵緊果個媽咪話「讓你做咩？換片你咪出面塊板換囉！」；a「唔該你丫我想餵奶bb餓」；樽「你即係要我企係度餵呀？我都餵緊奶架！」（佢有老公，有bb車，正常可放bb係車上再拎住樽餵，我自己好多時用樽都係咁！）a「我想埋身餵，但...咁由佢啦我等下！」之後我同a講「如果唔係有個男人係度，就唔使叫人讓啦，就係度餵ok!」之後果對夫婦先好唔情願咁出黎房仔門口企住餵，仲怒目望我:;pppp:其間仲要一有人想入育嬰室兩公婆就大聲話「大把人等緊呀！啱啱入去有排排架，我地都要企係度餵...」之類說話
期間a個b間唔間有發出喊聲，樽太太話「又話餵奶嘅？食緊都會喊架咩？」哇！口臭到丫！雖然同a互不相識，但果下真係好想幫口鬧爆果個女人
但我抱住bb廢事嚇親，就氣頂頂咁走出去搵我老公拎張被仔去左熱辣辣樓梯滴晒汗坐住餵！
發表於 
但起碼冇男人
返回列表
