婆媳關係今日: 0|主題: 27775

收藏本版

發帖

返回列表

跳至頁

查看: 945 | 回覆: 4

自大狂62（1）- 睇死你地 [複製鏈接]

melmelyan

男爵府

積分: 8594

1^#

發表於 13-8-26 13:44 |只看該作者 |正序瀏覽 |打印

終於要開post 呻，如果唔呻，日日戴住個假面具真係覺得自己就快精神分裂。

背景：
其實我心知62份人冇咩野既，係自大啲，把口永遠曲線讚自己，踩到其他人一文不值。我知道呢個係佢性格，我成日同自己講唔好理佢當佢唱歌，但有時有啲說話真係好惡頂，串返佢或反駁就大鑊喇，即刻有位俾佢入俾佢瘋狂發脾氣發癲鬧人掉野，所以我打死都唔出聲，由得佢發表偉論，我地繼續專注個電視。
62太多經典自大野，自大到覺得我地所有人冇左佢會死。

99係超級賢良淑德典型家庭主婦，好太太好媽媽好99，思想開通，鐵甲萬能俠，我同99關係好好。咁我99幫我湊bb，湊日頭，夜晚收工及放假我會自己湊，盡量唔想99辛苦想佢休息下，因為我好清楚湊一個小朋友有幾辛苦，仲要打理到個屋企妥妥當當，真心佩服我99。

事件：
最近剛入紙申請公屋，日前c6朋友來訪，閒談間提到邊個幫我湊bb，我話99，佢問我點解唔自己湊，我話我都唔想打工，好想自己湊返bb，陪住佢成長，但我冇可能唔做野，因為得c6一個搵錢唔多。咁我就話有諗過唔打工，自己湊，網上搞啲小生意幫補開支。62聽到，搭訕，發表偉論，我保持微笑聽佢講野。講講下，
佢話：你應該唔好做野，攞綜援，申請晒政府啲乜乜物物資助，反正你地都貧窮線啦，合晒資格。
聽到佢咁踩我地，我忍唔住戴上假面具講左一句：哈哈，我唔貪政府，我淨係想有間公屋咋，其他野我地有手有腳點可以做大食懶攞政府著數。
62繼續講：宜家唔同架喇，你地啲80後，宜家有得攞就攞晒去啦。點似得我地以前咁捱得，死都唔去申請呢樣申請果樣丫。

又曲線讚自己，仲要喺外人面前！都傻既，你自己都申請過公屋住左10幾年再換居屋，你乜都唔申請係因為你開公司，都明知政府唔會批俾你架啦。

唉…成日睇死我c6，睇死我地冇出色！我更加要努力爭返口氣，一定要快啲脫離佢，咪等佢以為我地唔同佢住會死！再咁忍落去我唔知幾時會變成一個不孝新抱！！