婆媳關係

跳至

首頁

尾頁
   2


大宅

積分: 4591


1#
發表於 13-8-29 10:49 |只看該作者
我有兩個妹一個細佬,衣家我都25歲,細佬最細都18,我中5十六歲開始就無問屋企拎錢,唔係自己叻係因為阿媽一日只俾15蚊返學,根本唔夠食早餐同中午飯,所以我中4開始已經做兼職救生員,自己靠自己,兼職出糧阿媽要求我俾一半佢,姐係揾2000要俾1000,到全職做野揾10000要俾4000,仲要無包伙食,由細到大只識問我幾時出糧,一蚊都同我計到盡,細個返學運動鞋,皮鞋爛左好耐都唔肯買,好似乞丐咁,學校要交雜費,問親佢拎好似欠左佢咁,學校旅行更加唔洗諗,連我孝救生章既錢都係親戚俾我,真係靠自己揾左個技能,好呢d一幕一幕都好記得!
幾年前爸爸過左身,佢更加嚴重!
好啦,衣家大個左同媽去親飲茶佢都奉旨要朋友俾錢,要仔女俾錢,永無自動自覺,有一次飲茶,我,佢,佢朋友三個飲茶,佢朋友襯佢去左洗手間埋左張單,我媽襯佢朋友去左洗手間,佢問我邊個埋左單,我話佢朋友,佢話你傻架,你做咩唔埋單啊?我話,點解要我請你同你朋友食野?我話咁點解你又唔埋?要我埋?我心諗我只會俾返自己個份,唔係個幾百蚊問題,係基於過去個二十幾年你點對我既問題,自私自利,貪著數!真係有病!
我細個生日紅雞蛋都無隻,但其他細佬妹有蛋糕,有水果!衣家大個左,佢生日要我請佢食自助餐,慳d啦!我肯出黎同你食已經好好!
3月我生左個女,我坐月佢一星期黎4日煮中午飯我食,我老公俾左3000蚊佢買送,答車,但得兩樣送,仲要留埋夜晚食,然後拍下patpat就走人,我老公話有無搞錯,唔係錢既問題,個個究竟係咪你阿媽,其實我都好想知,但個樣咁似無理由唔係!
我女出世佢只係封左100利是,真係多謝哂佢咁慷慨!
到左衣家有自己家庭,而且奶奶對我都唔差,有個女我同自己講,我唔可以咁對自己個女,親情係最重要!錢係買唔到!感恩有個好老公,幸福家庭!所以我成日覺得,個天唔會對你差,你無左一樣野,佢會俾返一樣野你!


呻完!舒服哂!


複式洋房

積分: 122


61#
發表於 13-9-7 12:29 |只看該作者

回覆:奶奶衰?其實自己阿媽仲衰!

我阿媽都係啦!
我細個嗰時,佢已經好坦白同我講佢錫家姐唔錫我,因為佢覺得我唔識討佢歡心喎!




大宅

積分: 4591


60#
發表於 13-9-5 15:20 |只看該作者

回覆:minlok 的帖子

真係大家咁話,我衣家無俾錢我媽,所以月頭唔會打俾我,但每次打親黎都無好野


男爵府

積分: 8140


59#
發表於 13-9-5 14:57 |只看該作者

回覆:奶奶衰?其實自己阿媽仲衰!

鄧你開心有個幸福家庭和錫你既老公!





大宅

積分: 4872

大廚勳章 BK Milk勳章


58#
發表於 13-9-5 12:49 |只看該作者
我次次見完佢地都唔開心幾日
所以我決定唔再搵佢地
佢想見既佢地自己會搵我
可惜既係除左月頭會搵我之外(因為要拎家用)
平時係搵都唔搵

心淡啦


大宅

積分: 1808


57#
發表於 13-9-5 12:15 |只看該作者

回覆:奶奶衰?其實自己阿媽仲衰!

我每次見都唔開心架,不過每次都安慰自己,老人家見得一次得一次,畢竟佢養左我18年。
我為左呢段關係見過醫生,社工,每次都哭得死去活來,但又可以點


別墅

積分: 778


56#
發表於 13-9-5 09:38 |只看該作者

引用:我中五都仲係$50一個月,晏晝飯佢要我去親

原帖由 Belovedjohnjohn 於 13-09-05 發表
我中五都仲係$50一個月,晏晝飯佢要我去親戚到食。
第一份工搵6170,佢要我俾5000佢做家用。
我成世女佢無 ...
如果佢真係咁衰真係唔見好過見


大宅

積分: 4591


55#
發表於 13-9-5 04:25 |只看該作者

回覆:Belovedjohnjohn 的帖子

唉,,,,親生都要咁!早知唔好生我地出黎,有時見人地老豆老母咁好真係好想自己都有!


大宅

積分: 4591


54#
發表於 13-9-5 04:24 |只看該作者

回覆:Sunnn 的帖子

真係一山還有一山高!


大宅

積分: 4591


53#
發表於 13-9-5 04:23 |只看該作者

回覆:minlok 的帖子

你講得好岩,佢地唔會改變架!唯有自己睇開,少揾為妙,我媽打親黎都無好野!


大宅

積分: 1808


52#
發表於 13-9-5 02:30 |只看該作者

回覆:奶奶衰?其實自己阿媽仲衰!

我中五都仲係$50一個月,晏晝飯佢要我去親戚到食。
第一份工搵6170,佢要我俾5000佢做家用。
我成世女佢無肯定過我任何嘢。
結婚時女家禮金佢收起哂,我無見過。
10幾年無同我慶祝生日,提都無提過。
平日請佢食飯就講啲難聽說話「呢世女未食過咩咩咩,唔係你請我真係無機會食……我未食過咩咩咩,唔知幾時有機會食…………」
我女出世,俾左100蚊利是,阿女一歲都無講過生日快樂。
佢同親戚講佢有2個女,一個係佢用左8年嘅印傭,另一個係佢新抱。

我都好唔明我究竟做錯咩事,唔可以得到佢關注。


複式洋房

積分: 243


51#
發表於 13-9-4 23:08 |只看該作者

回覆:奶奶衰?其實自己阿媽仲衰!

好小见自己啊妈會系甘哦




大宅

積分: 2805


50#
發表於 13-9-4 21:22 |只看該作者

回覆:奶奶衰?其實自己阿媽仲衰!

我媽都係偏個仔、由細到大佢要乜有乜、我好似乞丐咁


大宅

積分: 2805


49#
發表於 13-9-4 21:21 |只看該作者

回覆:奶奶衰?其實自己阿媽仲衰!

我大肚我媽都我理過我、係醫院生佢都係買外賣咋


男爵府

積分: 9543


48#
發表於 13-9-4 14:53 |只看該作者

引用:我有兩個妹一個細佬,衣家我都25歲,細佬最

原帖由 kwan_tomato 於 13-08-29 發表
我有兩個妹一個細佬,衣家我都25歲,細佬最細都18,我中5十六歲開始就無問屋企拎錢,唔係自己叻係因為阿媽 ...
每日15算多…我$0...我8-13歲先同我媽住…煉獄一樣…


大宅

積分: 4872

大廚勳章 BK Milk勳章


47#
發表於 13-9-4 14:45 |只看該作者
本帖最後由 minlok 於 13-9-4 14:47 編輯

我阿媽知我病佢永遠唔會搵我
相反我99係我病個時會煮野比我食,仲會煮好湯拎埋黎比我飲
我結婚我阿媽阿爸床單都無買比我
反而我阿妹結婚就有金有鑽石
我個個月比家用佢
佢就個個月比錢我阿妹用
由細到大學費都係我自己諗,我A-level有A有B無人讚我
我細妹會考唔合格升唔到中六阿媽比左4000蚊佢

仲有好多...
其實我唔明點解
點解佢會對阿妹咁好,對我咁
我自問由細到大都唔需要佢擔心
我阿妹比人搞大肚硬結婚佢都話我阿妹叻,有人要

我阿媽佢地永遠出街都係要我比錢
前個排我搵緊野做,佢都係咁問我拎錢


我結婚個時我阿爸拎晒女家既人情...
男家已經找埋數,成個婚禮女家無出錢更加無出力
雖然我奶奶無所謂,但我好記得個日走既時候唔見女家人情
於是我問我阿爸女家d人情去左邊,佢仲話我依家養大你唔係免費架...
佢禮金都預早2年問我老公攞....
我本來諗住全部人情佢同男家一人一半
呢件事每次諗起都好唔開心
一諗起佢地就頭痛...

不過個天好公平
我99對我好好
99同我講佢生2個都係仔,好想有個女
所以好錫我

我都係結左婚之後先睇開左
佢地唔會變架啦
唔想自己唔開心
唯有少D見



大宅

積分: 4591


46#
發表於 13-9-4 05:06 |只看該作者

回覆:sui019 的帖子

無錯,感恩我有個好老公,同可愛既女女


子爵府

積分: 13005

2018父親節勳章 畀面勳章 DHA勳章


45#
發表於 13-9-3 09:25 |只看該作者
上天真係好公平架,你失去一樣野,佢會比返其他野你!
現在,你家庭美滿,恭喜晒,開心D啦!


複式洋房

積分: 177


44#
發表於 13-9-2 23:41 |只看該作者
無論點都好,佢始終系你媽媽。


別墅

積分: 530


43#
發表於 13-9-2 22:44 |只看該作者
回覆 hkcscs 的帖子

同意隹最後個兩句的說法,雖然有唔好的經歷,但就當是歷練可使人成長!我無你同樓主咁慘但都是來自單親家庭!慘處唔相同,但主要都係無人理自己搞掂。

首頁

尾頁

跳至
Presslogic Logo
Baby Kingdom Logo