自由講場今日: 2567|主題: 1353537

收藏本版

發帖

返回列表

跳至頁

查看: 18901 | 回覆: 466

做左結紥都有左(已有決定）

[複製鏈接]

12 3 4 5...24

悠mama

男爵府

積分: 9069

1^#

發表於 13-8-29 12:40 |只看該作者 |正序瀏覽 |打印

本帖最後由悠mama 於 13-8-31 23:09 編輯

今年40歲，已經有4個小朋友，而且喺11年前生完細女時已經跟住做埋結紥，諗住收工唔生！點知，早幾日驗到又有左，我同老公都O哂咀

待續....

我前日去睇婦科（私家），醫生都承認所有結紥手術並唔係100%安全，佢叫我好好考慮要唔要，（如果選擇唔要，最快下星期會做手術）但我好矛盾，始終而家講緊係一條人命。
現實生活中，我地一家6口而家住喺公屋，大仔剛出黎做野，老公有份穩定職業，我就同媽媽夾份開左間舖仔賣野，平時小朋友返左學我就幫下手。

如果而家再生，我就要考慮請工人，（但公屋地方有限，即使請到工人都無地方俾佢瞓）唔請嘅自己又未必照顧到其他小朋友！

當然，如果選擇唔要（理性地諗），所有問題就立即變左唔係問題，但（情感上）始終覺得係唔捨得！

經過兩日考慮，同老公好好商量後，加上尋日見埋醫生，我最後落左一個最痛苦嘅決定〜〜唔要

大家立場：

1.老公年紀開始大（而家50），搵錢能力同體力會隨年紀增長而下降。而且老公最多俾佢做多10-12年就退休，到時細b都係得10-12歲，岩岩升中，係最駛錢時候。
（假設老公在未退休前每日搵$1000，佢每日可以用$400人工，作為養育4個兒女，係絕對冇難度；但退休後肯定每日搵唔到$1000之餘，仲要去搵錢養仔，即使只係$100，都未必搵到）

2.教養一個小朋友真係嘔心瀝血，我怕自己有心無力。
3.如果呢次意外早5年前發生，我地反而會選擇生出黎。因為時間上仲容許我地去養，但而家......

我落左呢個決定後個心真係好痛，好痛......始終都係親骨肉

，但考慮到生左出黎而唔可以好好養育佢，咁對佢又係唔係件好事？

=================================================================================

首先要多謝咁多位jm嘅關心，其實大家出發點都係為我同個bb好。

作為一個媽媽/爸爸，生兒育女係天性，能盡心盡力教養兒女係責任。如果能夠喺有生之年睇到兒女健康成長、成家立室，相信都係每個為人父母對自己/仔女嘅基本願望。

好多jm覺得我應該生bb出黎，因為bb有哥哥姐姐愛錫。無錯，兄弟姊妹間大家互相照顧係應該，但唔係應份要幫手養。

做父母嘅認為有能力養到佢出身咪生囉，但點可以奢望或要求其他兒女去承擔養細佬妹嘅責任？
呢d咪就係舊社會嘅父母做成囉！我唔會評論係岩定錯，只係當時嘅社會風氣係咁。

我做左媽媽20年，全職照顧4個小朋友從來未試過假手於人，就算請工人都只係幫手做家務。我唔係想標榜自己點叻，只係自己責任心重，希望自己能一手一腳教養兒女，即使日後做唔到人中龍，都唔好成為社會負累。
無錯bb係有出世權利，父母亦有養育嘅責任，但與其預計到自己日後對教養bb嘅能力係比以前差時，點解仲要生出黎逼bb去面對現實？

仔女成長後出社會做事，係咪真係會一帆風順，平步青雲？份人工係咪真係能夠養到父母弟妹同時又養到自己？當然我呢d顧慮有機會係俾人話我係多餘，但呢d亦都係一個事實，我地係要面對。