吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 求好心人收養兩隻貓

興趣嗜好今日: 0|主題: 124541

收藏本版

發帖

返回列表

跳至頁

查看: 1961 | 回覆: 35

[寵物] 求好心人收養兩隻貓 [複製鏈接]

sueec

大宅

積分: 1620

BK Milk勳章畀面勳章

1^#

發表於 13-9-10 12:46 |只看該作者 |正序瀏覽 |打印

家中有兩隻養左8年嘅貓，生大仔時大仔無事，直至幾個月前細女出世，就發現女有濕疹問題。兩個月前試過將貓貓寄養在朋友家，細女濕疹又好番。到上個星期再接番貓貓回家，細女濕疹又再番發。所以我地相信細女對貓毛過敏。
好頭痛，希望貓可以響屋企之餘亞女皮膚問題唔會惡化。買左淨化機，每日吸塵抹傢俱，勤同貓梳毛，盡量將女放入房人貓分隔，但情況都得唔到改善。
考慮到個女，亦都考慮到我兩隻貓，我希望大家可以幫忙俾個建議我，或者有無好心人可以收留我的貓。謝謝。

0 0 0

私人傳訊

藍貓仔

大宅

積分: 4693

36^#

發表於 13-9-21 09:40 |只看該作者

另外,你生大仔是頭一胎,bb吸收母体的營養是最充份,相對免疫力會較高
如果在身体機能未恢復、工作壓力、年齡增長种種情况下,第二胎吸收母體營養相對弱,可能不止貓毛,如果將來在家外空氣質素差,同樣會引發濕疹
現在首要提升bb的身体抵抗力,但我不知道有冇bb的維他命,但知道餵人奶是可增加bb的抗體

私人傳訊

藍貓仔

大宅

積分: 4693

35^#

發表於 13-9-21 09:27 |只看該作者

濕疹是個人脾胃虛弱水份不能正常運作而浮在皮膚上,源於身体抵抗力
西医只會給類固醇千祈唔好試
中醫就可能說奶類引致敏感(有些BB体質不同不能喝牛奶),你試試問下有冇代替牛奶e.g 羊奶或豆奶給BB飲

私人傳訊

hlho1220

洋房

積分: 81

34^#

發表於 13-9-20 12:35 |只看該作者

引用：不是什麼煽情藉口也不是要博同情，我只係想

原帖由 sueec 於 13-09-20 發表
不是什麼煽情藉口也不是要博同情，我只係想講出我面對緊的問題。

你批評我唔緊要，最好俾埋建議我才有意思 ...

不想博罵樓主應用「細女出濕疹點算」為題，而不是「求好心人收養兩隻貓」。你開post原意係乜大家心裡有數，一眾反對聲音令你軟化也是事實。祝事情早日解決，加油！

私人傳訊

Lavenda-S

男爵府

積分: 9913

33^#

發表於 13-9-20 12:29 |只看該作者

我c6以前都對貓敏感, 手同眼都會痕.

但養耐左自己產生左抗體, 無再痕.

我夏天會幫佢地剷毛, 因換毛會成家都係佢D毛.

你同佢地梳密D毛, 沖下涼睇下會唔會好D.

私人傳訊

LL6684

大宅

積分: 3735

畀面勳章 BK Milk勳章

32^#

發表於 13-9-20 08:40 |只看該作者

本帖最後由 LL6684 於 13-9-20 08:56 編輯

我仔女好細個巳經養貓，重有4隻，個女開頭都對貓毛有敏感，成日傷風咳，後尾就習慣咗無再有呢d情況，我對我d貓好似自己生的仔女咁去愛錫，我的仔女由细就學識點樣愛錫貓貓，我的仔女學識好似照顧细佬和細妹咁和佢哋相處，我老公都好喜歡貓貓，第一隻都是他叫我養先，我學會凑仔女和貓貓，我哋一家八口添，試過阿媽媽和奶奶上我家話養咁多貓重咩？話我哋吸晒好多貓毛，身體吾好架，叫我哋唔好養咁多送d比人，我好反感，同我媽媽講你將你個女我送比人養得唔得呀？我承諾了當初要養就要養佢地一世，直到最後一刻吾會放棄，我媽媽她即刻無再講野叫我唔好養，上來我家坐都咁多嘢講，如果同埋佢地住，佢哋接受吾到咁我哋都為了貓同老公仔女選擇搬走，即係你哋養貓當初一早要想有無會有負任養到佢地一世，佢地唔會好長命，但佢哋當你開心和唔開心都笑面歡迎你回家和陪伴你逗你開心，為何有些人一個自私養養吓貓貓重要養到幾歲比人抛棄，咁當初又要養？希望楼主珍惜和貓相處的日子，吾好放棄！

點評

angiebun good~ 好榜樣俾小朋友! 發表於 13-9-22 18:24

私人傳訊

sueec

大宅

積分: 1620

BK Milk勳章畀面勳章

31^#

發表於 13-9-20 08:06 |只看該作者

回覆：angiebun 的帖子

多謝你建議，蜂膠我試下先。
其實我而家買左專俾濕疹用嘅bath oil. 馬油會好d?
之前都有想過將貓貓d毛剃短佢，但我怕佢地唔開心，所以打消左。

點評

angiebun 吾好幫貓貓剪毛, 後果不堪!! 試左其他方法先~ 發表於 13-9-22 18:28

私人傳訊

sueec

大宅

積分: 1620

BK Milk勳章畀面勳章

30^#

發表於 13-9-20 07:39 |只看該作者

回覆：hlho1220 的帖子

不是什麼煽情藉口也不是要博同情，我只係想講出我面對緊的問題。

你批評我唔緊要，最好俾埋建議我才有意思。
我夠知我係佢地嘅全部啦！難道我專登出post博鬧嗎

私人傳訊

sueec

大宅

積分: 1620

BK Milk勳章畀面勳章

29^#

發表於 13-9-20 07:29 |只看該作者

回覆：angiebun 的帖子

早幾日買左部好勁的空氣淨化機，希望幫得到。

私人傳訊

milau

珍珠宮

積分: 31627

28^#

發表於 13-9-19 02:39 |只看該作者

回覆：sueec 的帖子

又一隻poor cat

私人傳訊

angiebun

複式洋房

積分: 198

27^#

發表於 13-9-19 01:54 |只看該作者

關於選擇仔女定貓狗, 我不作評論~ (我本人有一個女, 一隻狗, 一起成長, 之前都有敏感問題)
首先, 我建議做好家居清潔, 特別係冷氣機 (這是必須的)~
第二, 買一部空氣淨化機 (要買部勁D嘅)
第三, 買盒蜂膠俾你老公食, 鼻敏感一個月一定好好多 (之後要 KEEP 住食, 咩牌子無所謂)
第四, 貓活動範圍係廳, 吾可以入房
第五, 買支日本馬油俾BB查, 專治濕疹, 好WORK, 最好用埋馬油沖涼 (要就PM我, 話你知邊度有得賣)
第六, 好好分配時間, 希望每日有半小時可以摸下貓咪, 其餘可以俾晒仔女

我知你好辛苦, 希望你明白, 寵物生命好短, 既然已經八年, 你大概知道佢會仲有幾多時間,
生兒100歲長憂99 ..... 即係你仲有排憂心你嘅子女, 但貓咪只剩幾年~ 就算貓咪佢地而家知道你少時間陪佢, 可能會吾開心, 但都一定不及佢地去適應一個新環境, 畢竟都已經八歲, 老人家點會想被人拋棄, 住老人阮, 就算最後無辦法, 都曾經 TRY YOUR BEST!! 希望幫到你, 都希望幫到佢地(all as your family, don't giveup for anyone) All the best!!!!

私人傳訊

hlho1220

洋房

積分: 81

26^#

發表於 13-9-19 01:34 |只看該作者

引用：Quote:cherie211+發表於+13-9-17+13:06+生

原帖由 sueec 於 13-09-17 發表
最好當然係仔女同貓都一齊要.

你個"例子".....我只可以話, "唔夾"係唔會選擇放棄. 明無?!

貓只係你生活既一部份，但對貓來説，你就是他的一切，你放棄就等同判了他們死刑，所以你冇資格批評人家 (cherie211) 反應大。

你提到直至細女出濕疹前沒想過唔要貓貓，那麼後來說的什麼大仔/老公鼻敏感、要番工冇休息blah blah 都是後來補上的煽情藉口，根本不值一提。

要解決就第一時間找出過敏原，自己估估下就想放棄D貓，不負責任！已有好幾個\"過來人\"給了意見，只是冇人認同你放棄所以你聽不入耳。

私人傳訊

KamMui

伯爵府

積分: 15459

25^#

發表於 13-9-19 00:02 |只看該作者

回覆：求好心人收養兩隻貓

八歳貓好難有人收養喇，一係就交比愛協（死路一條，等於你親手殺死佢）一係繼續養，一係揾可靠親戚朋友收養，費用你比

點評

sueec 絕對! 不會去愛協發表於 13-9-20 09:17

私人傳訊

sueec

大宅

積分: 1620

BK Milk勳章畀面勳章

24^#

發表於 13-9-17 13:36 |只看該作者

cherie211 發表於 13-9-17 13:06
生左仔女之後仔女地位一定高過貓狗？？
唔好意思囉，呢個只係你！係你自私先會咁樣！
口口聲聲講到幾錫隻貓 ...

最好當然係仔女同貓都一齊要.

你個"例子".....我只可以話, "唔夾"係唔會選擇放棄. 明無?!

其實響度SHARE, 都係想大家交流下意見, 幫我諗下有咩方法可以唔駛行到最後O個步O者.
你唔駛咁大反應.

反而我想問一下, 有無人同我既情況一樣? 我好需要過來人的分享.

私人傳訊

cherie211

大宅

積分: 1304

23^#

發表於 13-9-17 13:06 |只看該作者

引用：多謝你地既意見.有仔女的你們,+相信你地都

原帖由 sueec 於 13-09-17 發表
多謝你地既意見.

有仔女的你們, 相信你地都會明白同體會到, 有左仔女之後, 仔女既地位一定會超越家中既貓 ...

生左仔女之後仔女地位一定高過貓狗？？
唔好意思囉，呢個只係你！係你自私先會咁樣！
口口聲聲講到幾錫隻貓，講到幾為難，根本全部係藉口！
我問你，如果你生左兩個仔，大仔同二仔唔夾，成日打交，你會唔會話為左兩個都好而放棄其中一個？？
如果唔會咁你而家又放棄你隻貓？？
你係自私就自私
唔好講到自己幾無奈，真正無奈既係貓貓！比一個自己咁信任既人拋棄！
祝貓貓快啲脫離陰影，搵到真係愛佢既主人，
唔該你永遠都唔好養任何動物！唔好害佢地！

私人傳訊

sueec

大宅

積分: 1620

BK Milk勳章畀面勳章

22^#

發表於 13-9-17 10:04 |只看該作者

多謝你地既意見.

有仔女的你們, 相信你地都會明白同體會到, 有左仔女之後, 仔女既地位一定會超越家中既貓貓狗狗.

兩個月裡面亞女完全無濕疹問題, 一接觸到貓又出番, 我當然希望亞女濕疹同貓無關, 但呢個係眼前所見到的.

兩歲既亞仔之前流鼻水流左個幾月, 以為傷風, 食傷風藥食到便秘發脾氣. 睇專科醫生話佢係鼻敏感. 我要求做敏感測試, 醫生唔建議我做, 一係亞仔太細, 做測試要用兩舊野"銳"落背脊度, 醫生話大D既小朋友都頂唔順. 叫我唔好養貓. 當時我已經好唔開心, 唔好叫我揀.

我C6, 佢都係有鼻敏感, 日日起身鼻水都流不停, 塞半日. 我知佢好辛苦, 一早番緊工同我講電話佢都唔願, 因為佢透唔到氣唔想講野. 不過佢咁大個人, 又無開聲投訴D貓, 我無理佢咋.

但小朋友唔同大人, 大人唔舒服都辛苦, 何況係小朋友

呢個係事實. 如果真係要選擇, 根本就係無得選擇. 不過, 唔代表貓貓已經唔再重要. 佢地都好重要. 佢地都好需要我.

我係在職媽媽, 放工番到屋企八點, 跟住煮飯, 照顧個大仔, 食完飯九點攪掂個女跟住同個仔沖涼睇故事書訓覺, 自己沖涼跟住餵埋亞女飲最後一餐奶. 攪晒所有野都一點半, 第二朝六點幾起身又番工. 番工已經累到半死, 星期日更加無得休息. 日日如是, 年中無休.

我心痛既係, 我俾貓貓既時間少左好多, 另外就係, 因為我自己一個要養貓, 我C6我仔同我個女都唔舒服, 我對我既貓好內疚, 我對我家人同樣內疚.

點解會覺得無奈, 就係因為兩者都重要先會覺得無奈.

私人傳訊

fannielau

複式洋房

積分: 105

21^#

發表於 13-9-17 07:13 |只看該作者

回覆：sueec 的帖子

我自己個仔未養貓時都已有濕疹，而家都已十六歲，醫生話濕疹係一世，沒有完全好番，只係時好時壞，如果，你問醫生關唔關事，佢話一定有關，但依我話一定唔關，連我個仔都話唔可以唔養！

私人傳訊

ZueChan

大宅

積分: 3142

20^#

發表於 13-9-17 04:14 |只看該作者

我有兩隻貓，個女四個月，都有濕疹，我不覺得因為我有貓所以我個女有濕疹，因為好多bb都有濕疹，朋友經驗小朋友大d...濕疹會自己好返。希望你唔好放棄佢哋

私人傳訊

BBFan

大宅

積分: 2138

19^#

發表於 13-9-16 21:58 |只看該作者

我都有寵物, 睇住小朋友出世, 長大. 當然唔贊成棄養.

但BB只有幾個月大, 作為MAMA又真係好無奈! 濕疹係真係好苦惱, 特別BB唔會乖乖瞓,又會抓....
不如做個貓毛敏感測試, 肯定咗是什麼問題先. 或者唔係貓呢! 如果不幸是貓毛, 找個親朋好友寄養, 你負責一切開支. 等小朋友大些, 身體強壯, 吃中藥或者得. 佢亦或者可慢慢適應到.
雖然貓咪暫別係可憐, 但起碼肯定有人錫. 比人養開住貓場好慘呢! 唔習慣呀!

我上年執隻貓咪回家, 兩個月後囡囡都出濕疹. 但唔知是否關事? 之後食中藥, 而家冇事了, 加油! 唔好咁快放棄.