吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 友誼何處尋

心聲留言今日: 0|主題: 17502

收藏本版

發帖

返回列表

跳至頁

查看: 6538 | 回覆: 90

友誼何處尋 [複製鏈接]

12 3 4 5

秋思

男爵府

積分: 8888

1^#

發表於 13-10-5 23:17 |只看該作者 |正序瀏覽 |打印

做全識媽七年，識左一班朋友，
自以為識到一班好朋友，一次旅行後覺得，
自己錯估人地對自己的友誼，被人代薄了，
亦因此開始發覺大家對教育小朋友的方向，
有很大的對立，表面大家還是好朋友，
內心呢？誰知曉，
自問待人不薄，還是落得給此下場！
往後日子，該如何自處呢！

0 0 0

私人傳訊

sanwalker

禁止訪問

積分: 340

91^#

發表於 14-7-25 00:24 |只看該作者

回覆：友誼何處尋

提示: 作者被禁止或刪除內容自動屏蔽

私人傳訊

十五樓師奶

伯爵府

積分: 16348

90^#

發表於 14-7-24 22:44 |只看該作者

人情紙咁薄

私人傳訊

little_fairy

大宅

積分: 1638

89^#

發表於 14-7-21 19:25 |只看該作者

引用：放得低就好了。+遇到可以交心既人係一種福

原帖由 dder 於 14-07-21 發表
放得低就好了。遇到可以交心既人係一種福氣。但緊記要相對先係。
仲要大家相處舒服。成日吾開心幾friend ...

多謝你地。睇到你地留言，好有治癒心靈既感覺。
一開始，真心換絕情既感覺太難受。但睇到你地既留言後，有種清醒左既感覺。
只可慨嘆，大家緣盡了吧。但都好多謝佢喺我人生中陪我走過一段路。。即使結局有d難睇。
正如你地所講，每個經歷都總會學到d野。。

私人傳訊

dder

伯爵府

積分: 18978

88^#

發表於 14-7-21 11:48 |只看該作者

回覆：友誼何處尋

放得低就好了。遇到可以交心既人係一種福氣。但緊記要相對先係。
仲要大家相處舒服。成日吾開心幾friend 都係假

私人傳訊

little_fairy

大宅

積分: 1638

87^#

發表於 14-7-21 00:29 |只看該作者

dder 發表於 14-7-20 14:48
你對佢太好。太就佢啦。佢已經當咗理所當然。真正朋友可以咩都講。吾啱聽咪再傾囉。一走了知我最接受吾到 ...

其實我都係呀...覺得大家咁大個人,有咩咪拎出黎講....何況真係好少事...
佢既行為好幼稚....

多謝你地由我0係度呻...
昨晚真係個心屈住訓唔到...
但而家睇左你地留言無野了...多謝你地~

睇化左....緣來緣去~其實我真係好怕D麻麻煩煩既人...
成日怕講錯一隻字就會得罪佢,好辛苦~
我都要學識唔好係人都咁交心.....

呢個人會0係我生命中消失了....
始終.... 一次無知,兩次蠢,三次抵死麻...

私人傳訊

dder

伯爵府

積分: 18978

86^#

發表於 14-7-20 14:48 |只看該作者

回覆：little_fairy 的帖子

你對佢太好。太就佢啦。佢已經當咗理所當然。真正朋友可以咩都講。吾啱聽咪再傾囉。一走了知我最接受吾到

私人傳訊

little_fairy

大宅

積分: 1638

85^#

發表於 14-7-20 13:23 |只看該作者

回覆：little_fairy 的帖子

你地真係好好～無論發生咩事，打上黎，總有一班jm會有耐性睇，同我傾，或者比意見我。
好warm。。多謝你地。。

點評

dder 遲下佢又會再揾返你。知你會心軟

發表於 14-7-20 14:49

私人傳訊

little_fairy

大宅

積分: 1638

84^#

發表於 14-7-20 13:12 |只看該作者

引用：+本帖最後由+滿足+於+14-7-20+12:45+編輯+\\

原帖由滿足於 14-07-20 發表
本帖最後由滿足於 14-7-20 12:45 編輯

唉。。。其實到佢放飛機前一晚，大家既對話都好正常架。。都仲傾緊心事。。所以我都唔知幾時踩親佢條尾。。

佢之前同我呻過。。話好憎d人同佢傾，淨係要人一味附和，唔接受別人意見。。所以。。。

佢之前有另外2個識左10幾年既朋友，就係去左次旅行反晒面，其中一個仲曾經同佢講過「其實我真係好想睇住你死」。但佢嗰2個絕交朋友到今時今日都只係wtsapp間中叫佢食飯。佢永遠唔覆咁羅。
反而我真心為佢好，分析問題。我真係唔知我做錯咩佢要咁玩我，仲block晒我d野咁誇張。

我朋友話。。。佢應該係好樂於活喺自己包裝好既幻想世界。。而我好似將佢個bubble整穿左，要佢面對現實。佢接受唔到，所以避開我。

私人傳訊

滿足

男爵府

積分: 6601

83^#

發表於 14-7-20 12:40 |只看該作者

本帖最後由滿足於 14-7-20 12:45 編輯

little_fairy 發表於 14-7-20 12:07
多謝你。。
另一好友知道後，都安慰我，早d知佢真面目都好，唔洗再晒時間落佢度。
講真。年頭去外國結婚， ...

都唔關事識唔識睇人嘅，人係會變吖麻 ~~ 聽你咁講，其實你朋友係好感性嘅人咯，想朋友咩都支持自己，可能喺佢角度，覺得你唔明白佢麻 ~~~~ (不喜勿插)

其實識左十年，無左朋友係好可惜嘅，但你仲有其他朋友，即使十年都仲係朋友，都要大家同步，先可以咁交心嘅 ~

私人傳訊

little_fairy

大宅

積分: 1638

82^#

發表於 14-7-20 12:07 |只看該作者

回覆：秋思的帖子

多謝你。。
另一好友知道後，都安慰我，早d知佢真面目都好，唔洗再晒時間落佢度。
講真。年頭去外國結婚，因為佢嫌貴，我cancel晒自己機票酒店，再book過d cheap酒店，直航機改做轉機。（同佢講左淨係出席擺酒嗰日我都好開心，但佢堅持黎，我唔想得失佢）
而家諗返好後悔。因為佢，我地都無好好享受個trip。全程都要應酬佢。。

其實個心好痛。。始終識左10年，大家經歷咁多。一直當佢best fd。。可能我真係唔識睇人。。。

唔好意思。。可能有點長氣。。

私人傳訊

秋思

男爵府

積分: 8888

81^#

發表於 14-7-20 11:43 |只看該作者

引用：多謝呢個post。。昨晚發生左件事，個心一直

原帖由 little_fairy 於 14-07-20 發表
多謝呢個post。。昨晚發生左件事，個心一直那住那住。。。睇完各jm留言後，個心舒服左少少。。
如果唔介意 ...

我唔會當佢朋友，做盡朋友傷心事

由其你就結婚，已有很多事要處理，
唔幫手都算，還耍脾氣！

私人傳訊

little_fairy

大宅

積分: 1638

80^#

發表於 14-7-20 10:51 |只看該作者

回覆：友誼何處尋

多謝呢個post。。昨晚發生左件事，個心一直那住那住。。。睇完各jm留言後，個心舒服左少少。。
如果唔介意，我分享下自己故事。。
自問自己對朋友真係好到加零一，可以為佢地2脅插刀，扑心扑命。。但。。原來不值得的。。
呢個朋友識左10年。。
其實之前已經反過一次面。事源佢細個時識左個衰男人，正宗騙財騙色。作為朋友，聽到佢平時發生既事，真係唔忍心睇住佢磡頭埋牆，有一次忍不住話佢，叫佢清醒d，佢就同我絕交。block曬我電話，fb。嗰時其實都好心痛。
過左2年。佢終於同個死佬散左開始新生活，佢主動找返我。我真心替佢高興。好快我地又好似以前咁fd。
年頭我喺外國結婚，佢點都要跟黎。因為佢性格有d古怪。。少少事就會唔高興，又絕交又星。我都好就佢。基本上成個trip，我除左夜晚訓覺先有時間同老公獨處外，其他時間都同佢一齊。。
年尾補擺酒，佢本黎會做我伴娘，裙都一早買左比佢。（佢黎觀禮時話想著，我買左比佢）
話說，佢返e家份工返左5年。但近一年，每2個月就辭一次職。每次問我意見，我都好聲好氣同佢慢慢分析。早2日，佢又係咁。。可以我比既意見好硬耳，佢唔岩聽。。（我既意見只係叫佢諗清楚，唔好成日少少事就辭職。）
昨日本黎約左出黎傾下我擺酒嗰日既野。。。到約定時間出到去，打電話唔聽，msg唔覆。。心諗。。咁大個人唔係仲搞d咁既野咁老土丫。。。
最後打佢屋企，佢媽媽話佢喺房訓緊覺。。
返到屋企，連我fb都del埋。。。
呢一刻，我驚覺。。原來10年友情都係如此脆弱。。。真係一句說話唔岩聽就可以88。。。
身邊其他朋友都有安慰我。。
人大左會變。。每個階段都會有新既朋友。。
亦都幸好，佢係昨日放飛機而唔係擺酒嗰日先玩野。。
唔好意思。打左咁大段野。
同埋睇左其他jm留言，個心舒服左d。。多謝你地。