我地有一個1歲大的BB，我們沒有第三者。
剛相識的時候，老公一切都很好，在我眼中他是一個很堅定、堅強、為理想而付出一生、很努力的人，而且人很純品，當時他大約是25歲，從未拍過拖。
當時我身旁另有男友，但曾經揭發過他背著我偷偷結識女仔，自此對他愛意已減了許多，認識了老公後，我感覺到他是我想結婚的終身伴侶，所以我跟男友分手，與老公一起。
大約半年左右，我們訂婚了，再半年之後，我們結婚了，一年過後，我們決定生BB。
這段關係最開心的時候，是最初相識的三個月，一切都是多麼美好，大家都感覺要搵的就係對方。
但三個月過後，他真正的性格出來了，原來之前的印象都是假的，他不是甚麼堅定、堅強、努力的人，他是一遇到挫折會發瘋，一有困難就會退縮，一發脾氣會亂講說話，人際關係差，在街上會因小小事而對人破口大罵的人。。。
到真實明白到他的真面目時，卻總覺得他會改變的、會變成熟的、只係時間問題。。。
我跟他一起以後，便離職全力跟他一起打拼，這三年他的成績都很好，由最初窮到無錢開飯，到現在可以有自己一個家，三餐溫飽。這期間幫他完成一項項工作，所以我一直覺得，係天父要安排我在他身邊，幫助他成長，幫助他成功，所以每當覺得想分開的時候，我都會用呢個原因黎說服自己……
其實我們一起的時間，不斷都有很多大大小小的爭執，隔天就是爭執、吵咀，其實我們性格大不同，我是一個很衝的人，最喜歡工作工作，但他最希望就係唔使做有錢收，每當他工作上做錯了事、出現問題，他就會說這些根本唔係我想做既野，我根本唔適合做，我淨係適合坐office、咩都唔使做hea住每個月有穩定人工…我聽過他說呢句話就每一次都好嬲，因為路係佢自己揀，係佢選擇要創業，唔做打工仔，係佢選擇自己要做D咩，我好討厭佢話自己唔適合做，亦都好討厭佢成日覺得打工就係可以隨時hea。。。
總之，我們在一起，環繞的就係工作，我地既關係彷忽就係建基於工作上面，說穿了，如果不是因為他的工作，我應該已經一早離開了他，可能係自己有點不甘心，付出左咁多心血，令公司run得越黎越好，我唔想我一離開，公司就咁無左…
一齊咁耐，我地所有既生活都係同工作有關，我地每一次出街都係因為工作需要，行街買衫我地從來無做過，睇戲只係試過1、2次，去商場逛逛這些都無做過，去外地都係因為工作，早一排玩遊戲贏左泰國五星酒店位宿，他有朋友都贏左，我地約好一起去玩，但結果他朋友請唔到假，就將住宿券都俾埋我地，一共四晚住宿，我係好想好想去，因為陀BB到生完之後，我都想可以放低BB鬆下抖下，結果當然去唔成，因為佢話同工作無關，去到都無野做，所以最後D住宿券賤價賣左俾人。。。
每一次特別日子我都想去一D特別既地方，可能係聖誕節出去行下，或者中秋節去賞月光，或者去數碼港睇下等等…但每次都係激氣收場，因為每一次佢應承左，但結果到果一日臨出門口就會甩底唔去。出左街做完工作既野後，我想去邊度邊度睇下，佢就會話唔舒服、頭暈、頭痛要番屋企、但當係佢睇佢鐘意既野，佢就會生猛番，咩事都無。。
這些日子持續左3年有多，一起以後，尤其是生完BB之後，每日都好忙，既要忙他的工作，亦要忙家務，亦要忙照顧BB，我已經好耐好耐無扮過靚，無膚過Mask，無護過膚，我的身形暴漲左好多，皮膚亦都差了很多，而家既外表同以前係兩個人，我、好希望變番以前既自己。
之前，我們罵過很多次，我說大家分開吧，但最後他都會說服我，後來，大家罵得很凶，我都無再說分開，不過每次都會走開俾自己冷靜下，近呢排，大家又在吵，這次是他說一定要跟我離婚，因為他已不能再忍受我。
其實、到底是誰忍誰？
我開始覺得，分開，是一個俾自己既出路，一段建基於工作上的關係，兩個不停的吵吵鬧鬧，其實真的好累。。。
如果離婚以後，我很想離開香港，去另一個地方過一排，但我的BB應該點，跟我還是跟爸爸，我唔想我兒子離開我，但跟著我，我未必能給他好的生活，因為我要工作，就只能搵其他人照顧他，亦都因為工作賺唔到多錢，都無辦法給他好的教育栽培他…如果他跟爸爸，我相信BB會有好既成長條件，亦都可以有好好既教育，而照顧佢既人都會好錫佢。。
唔分開，就會繼續一模一樣的生活方式，3日一小吵、4日一大吵，然後鬧交既時候，就會聽到佢乜野狗屎垃圾都會罵出黎，我會越黎越無左自己，亦都會覺得自己越黎越不濟，越黎越覺得自己可憐。
分開，其實我知道佢一定會後悔，因為呢D係佢無經大腦講出黎既說話，但我覺得既然大家都係成年人，就要為自己講出黎既野負責任。分開以後，我可以重新做回自己，但我亦都會因為呢樣野，而無左個BB…
最後，我應該點選擇？
為了孩子，勉強自己繼續過每一日？
為了自己，但失去照顧BB既機會？
發表於 
返回列表
