自由講場今日: 3179|主題: 1351716

收藏本版

發帖

返回列表

跳至頁

查看: 1170 | 回覆: 28

同男友捱麥記就有幸福？ [複製鏈接]

Undead

男爵府

積分: 7496

1^#

發表於 13-11-8 19:26 |只看該作者 |正序瀏覽 |打印

本帖最後由 Undead 於 13-11-8 19:35 編輯

是咁的，網上一篇麥記潮文被拍成短片，個多星期已有超過百萬瀏覽量，更成為身邊男女朋友茶餘飯後嘅熱門話題。究竟肯同男友捱麥記嘅女生，係咪一定係完美女生？一齊睇吓潮文背後嘅三大迷思！

迷思1︰唔捱麥記＝勢利港女？
潮文講到，男生聚埋一齊，講起理想女生總會提到想對方有劉心悠嘅面孔、陳法拉嘅笑容……殊不知，一個不介意和男生捱麥記的女生，才是世間清泉，娶得過。其實唔食麥記嘅女生真係有好多，並非因為麥記cheap，而是為身體着想。聰明而又愛錫身體嘅的女生都會知道，一個麥記套餐的卡路里含量近乎女生一日所需嘅總和，而且煎炸食品更加是皮膚嘅大敵，當然要敬而遠之！而且，以一客麥記套餐的價錢亦不難找到抵食而又較為健康的食品，所以唔「捱」麥記，大可齊齊歎返碗雲吞麵，又何來勢利港女之名呢？

迷思2︰拍拖食飯平均消費＄300？
潮文用咗男主角前女友作例子，道出某些女生拍拖食飯平均消費最少$300，而且大多由男生埋單。究竟拍拖食飯消費幾多才合理？現今在香港食飯貴就眾所周知，不過平有平食、貴有貴歎，應該消費幾多，一切都取決於不同情侶嘅個人收入。大學生時代做 part-time收入未算多，每餐平均消費可能是＄100樓下；踏入社會工作後有穩定收入，大可稍為調高食飯預算；遇上節日，花費可能會更多。最重要的是量入為出，女生亦不應「老馮」每餐要男生埋單，有時互相請客，才能令段關係更為長久。約會堆單問題可參考︰「約會時埋單，邊個俾？」

迷思3︰肯捱麥記就等於好快嫁得出？
男生如果找到一個肯和自己捱麥記嘅女生，係咪等於一定會同呢個女生結婚？其實結婚是愛情的其中一個里程碑，當中要考慮嘅問題除咗雙方嘅經濟狀況，更重要嘅係二人嘅性格、價值觀、信仰等更深層次嘅元素。即使一個女生肯陪男朋友餐餐食麥記，但在生活上二人南轅北轍，一個追求未雨綢繆，另一個卻奉行及時行樂；一個深閨內向，另一個卻喜愛日蒲/夜蒲/戶外蒲……若然大家人生取向相差太遠，即使肯同男友捱麥記，但其他方面都格格不入，又點會有幸福的愛情關係呢？

無錯，一個肯同你捱嘅女生係好難得，不過，男生對一個女生好、愛錫佢、珍借佢、鍾意到佢爆炸，通常係咪就淨係因為個女生肯捱咁簡單？

http://hk.lifestyle.yahoo.com/同男友捱麥記就有幸福-090819631.htmL

約會時埋單，邊個俾？

http://www.cosmogirl.com.hk/love/love-insight/who-pay-bill-dating