我有個朋友，佢個仔係讀特殊學校架，有次個朋友介紹左一個佢仔同學既媽咪畀我識，我真心覺得佢好偉大，好偉大﹗
位媽咪係外籍人士，本來係亞太區某行業既CEO，佢收養左一個全身唔識動同無說話能力既細路，長期要坐輪椅。
本來，個女士請左兩個賓姐專門服待個小朋友，但始終呢D係辛苦工，D工人唔會做長，到最後有兩個賓姐做時，令小朋友好抗拒，一見個女士都流淚，一見工人就發出怪叫。
其後，位女士發現左原來嗰兩個人形物體 ，蝦個細路唔識講，虐待佢，打佢，餵佢食就食，唔食就強灌。
位女士，好怪責自己，覺得對個細路唔住，令到佢受傷害，佢話無人會好似佢兩公婆咁愛錫個細路。
於是，佢辭職全力照顧個仔。好彩佢老公都好支持﹗
我當時(都十幾年前)間接咁 問佢，點解唔領養一個健康既，或領養多一個健康既呢？(而家想起，當時既我真係口直心快，太失禮。)
佢話，如果健康既孤兒，佢地被領養既機會多D，反而身體有問題既，被人領養既機會好少，尤其係响中國人既社會。(我面紅﹗)
佢仲話，佢想將全部既愛，畀晒佢兒子一人，唔想佢有任何唔開心既感覺。
佢又話，佢有朋友兩公婆(都係外籍)，本身有個仔，但都收養左個智力有問題既小朋友，佢兩小朋友一齊大，好好感情添﹗
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
