自由講場今日: 87|主題: 1362423

收藏本版

發帖

返回列表

跳至頁

查看: 378 | 回覆: 9

小朋友每日遊戲一個鐘，你能给他/她嗎？ [複製鏈接]

joetsang

子爵府

積分: 11530

貓狗褓姆

1^#

發表於 13-12-14 00:23 |只看該作者 |正序瀏覽 |打印

今日亞仔幾個同學上嚟做專題，空閒時我同佢地傾計，問佢地每日9-13樣功課覺唔覺好多,佢地一齊答我ok la, 做到8:30左右。於是我再問，咁你地一日有冇一個鐘睇電視玩下玩具，或者好似我仔咁玩下話劇，練下水，跑下步，做d佢鐘意又開心的活動，唔係温書或補習的事架？佢地又一致答我，冇架唔係做功課就温書，15分鐘玩的時間都冇，休息就係9:00上床瞓覺。
咁我就話不如我同老師講叫佢地減少d功課，咪可以早d完成有時間玩law, 佢地居然又一致答我，冇用架，媽咪見少咗功課就會比補充我地做啦，習慣晒了！我當時只笑了笑冇講野。
跟住佢地又同我講，話我仔小息唔做功課，只顧住食小食，講笑話，班中大多數係一小息就做功課，只有幾個例外，叫我話下我仔。我心諗小息係休息，食小食，傾計好正常wor.
我嗰刻真係覺得佢地好可憐，小五生一點兒童真都冇，只懂讀書，做功課, 選校，只會追成績咩都冇得玩。
媽媽們，真係比一小時佢地做佢地自已喜歡的真係好難嗎？

0 1 0

私人傳訊

joetsang

子爵府

積分: 11530

貓狗褓姆

10^#

發表於 13-12-14 09:52 |只看該作者

引用：唉，我仔無温習，晚晚10點半先上床，都一分

原帖由 ChoMan 於 13-12-14 發表
唉，我仔無温習，晚晚10點半先上床，都一分鐘都無得玩。係咁吹佢快啲快啲，做完功課去玩，學校日日得3，4樣 ...

咁，冇計啦！佢自己要hea,可能hea的時候佢已經玩緊呢！

點評

ChoMan 係呀。惟有係咁諗啦！（；￣ェ￣）
見佢日日都無掂下玩具，我覺得好慘。。。。發表於 13-12-14 15:02

私人傳訊

ChoMan

男爵府

積分: 5190

9^#

發表於 13-12-14 02:03 |只看該作者

回覆：小朋友每日遊戲一個鐘，你能给他/她嗎？

唉，我仔無温習，晚晚10點半先上床，都一分鐘都無得玩。係咁吹佢快啲快啲，做完功課去玩，學校日日得3，4樣功課，佢都做兩個半鐘。

5點落校巴，換校服拎功課出黎已經5點半，做完8點，食完飯9點，hea一陣然後再用超慢動作刷牙攞衫沖涼洗頭，呢個過程點都要攪1粒鐘。。。阿仔專注能力低，無辦法，講嘢多過做嘢，叫就郁一郁，話玩就快過火箭，但其他嘢就長期slow motion 。可能你會話氹下佢，話佢聽快啲有得玩，但我已經試過N咁多次，佢係會繼續用自己嘅講住嘢慢動作去完成佢所有嘅事。。。

真係人人資質唔同，我都想佢玩下，我好似仲緊張過佢有無得玩咁，但日日連8個鐘都訓唔夠，點玩？