吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有冇JM了解「過度活躍症」

自由講場今日: 60|主題: 1361595

收藏本版

發帖

返回列表

跳至頁

查看: 1185 | 回覆: 27

有冇JM了解「過度活躍症」 [複製鏈接]

rickybb123456

珍珠宮

積分: 47921

最關心BB問題熱投勳章認識瑞士牛牛第一回我的育兒心得勳章 DHA勳章畀面勳章 BK Milk勳章

1^#

發表於 13-12-20 13:21 |只看該作者 |正序瀏覽 |打印

如有，請賜教

事源我仔仔個班有個男仔，成日搞人例如推下你，偷偷地將其他同學既文具丟去垃圾桶，試過有一次明搶個小朋友D野丟去垃圾桶，又會無端端打人，一放小息就喪跑、冇時停，老師都攪佢唔掂

0 0 0

我為貓狂

私人傳訊

~仔仔媽咪~

水晶宮

積分: 51912

28^#

發表於 13-12-21 19:01 |只看該作者

summerpo 發表於 13-12-21 15:35
我亞女個同學仔都係呀。上到中學就唔洗食藥。但有時都會打下人。

都冇計架, 啲葯又唔係咩神葯,都只係監粗整攰佢地,但去到呢啲年紀,葯既效用不大,再者醫生都唔想佢地過份倚賴食葯去控制自己,去到呢啲年紀,啲醫生都開始同佢地停葯架喇.

其實佢地有番咁上下大個囝,葯又食咗咁耐,道理聽唔少(因成日俾人話俾人罰),講真佢地都開始識諗,

有好多時佢地原本之前會出手打人既事情,有好多時,會睇到佢地依家會開始識得solve咗個怒氣,會忍到唔即時出手打人...

再者講真,依家啲細路,就算冇標註係有特殊問題,實情依家啲細路都好惡頂...有時我聽番我囝或老師講俾我囝打既同學點解會捽慶我隻囝,比着我在場都好想兜巴車埋去佢地度...又多口多手多多事幹,真係人地俾佢地激到扯火都好正常囉...雖則都好知郁手點都係唔啱,但可以理解.

依家我都只係鵝隻囝,叫佢閒事莫理,人地點過份都好,點都要俾面&鍚住班老師,我話佢啲老師都年紀大喇...心血少,,,佢再出手搞多鑊粥番嚟,老師好難唔心臓病發囉(我囝有個科主任係老人家嚟,成日都好燥底,又同我地講佢好易心臓病發...一.一|||好勞嘈好好好長氣...)!依家老虎都同個囝講,佢已經大個囝,係有責任保護弱小,而唔係增添麻煩俾老人家...(下刪九萬幾個道理...我都好長氣...)

其實呢類囝係好聽道理,所以想佢地有改善,唔係用鬧用罰囉,真係要俾佢地知道,人地其實都想佢地好又有進步...對住呢類囝點都要正面啲...否則您用既態度同方法負面時,佢地俾既effect反應仲負面極端過您十倍......=="

私人傳訊

summerpo

禁止訪問

積分: 18357

畀面勳章 BK Milk勳章

27^#

發表於 13-12-21 15:35 |只看該作者

引用：暫時咁睇，佢啲問題似係其他因素（例如家庭

提示: 作者被禁止或刪除內容自動屏蔽

私人傳訊

rickybb123456

珍珠宮

積分: 47921

最關心BB問題熱投勳章認識瑞士牛牛第一回我的育兒心得勳章 DHA勳章畀面勳章 BK Milk勳章

26^#

發表於 13-12-21 15:01 |只看該作者

引用：Quote:MINIBEAN+發表於+13-12-20+15:29+我

原帖由 ~仔仔媽咪~ 於 13-12-21 發表
好似我囝以前嗰啲同學咁,個個都好識蝦人,我囝雖則係ADHD,但反而成為佢地蝦既其中一個目標,因為我囝實在太 ...

爸爸好淒涼

我為貓狂

私人傳訊

~仔仔媽咪~

水晶宮

積分: 51912

25^#

發表於 13-12-21 11:47 |只看該作者

rickybb123456 發表於 13-12-20 18:41
6歲

六歲啱啱開始起,如果佢堅真係ADHD,基本上佢都係响呢個年紀至俾人發現佢有問題...

MAYBE佢父母同學校都正在束手無策中...因為啱啱認識"全新"既佢.

我囝都係响呢個年紀至正式評估為ADHD,之前啲醫生都係話佢自閉傾向ONLY.

盡量俾多啲包容同耐性佢啦,至少少啲投訴,老師同家長都有番少少心力同時間去諗計點教呢個囝.

最難過最難教都係小學呢段時期架喇...能夠俾佢地順利過渡,父母同老師有得花心思盡量幫到佢,

去到中學佢地又大個囝咗,已經開始識控制番自己,

有好多道理,佢地早已打從有呢個症開始已經接收到,只係細個駛唔到出嚟,

但大個咗,我地唔駛多講,佢地已經可以自行摷番我地教過既道理而去自行判斷同改善,

呢吓,我係响我囝身上度睇到的...至少我依家唔駛再抑鬱,仲係同一個道理又講又鬧到牙血都出埋嚟咁啦!

一講,佢就明,依家仲識管番我轉頭...我變咗佢個囡!一.一|||

私人傳訊

~仔仔媽咪~

水晶宮

積分: 51912

24^#

發表於 13-12-21 11:39 |只看該作者

MINIBEAN 發表於 13-12-20 15:29
我仔都有adhd,慶幸由一年級到而家六年級都未試過打人，仲好多朋友添，不過就係把口停唔到，同埋會玩文具， ...

好似我囝以前嗰啲同學咁,個個都好識蝦人,我囝雖則係ADHD,但反而成為佢地蝦既其中一個目標,因為我囝實在太有反應喇!EQ負到爆!又唔識點應付佢地.

到我地知番其中有幾位明顯比較惡同玩野既同學,發現佢地平時唔玩野唔發作嗰陣其實都係個好仔嚟,

再睇番佢地家庭背景,一個係單親家庭,個媽本身都係教師堅要番全職孭起頭家,但個媽其實都真係有心冇力,

結果壓力爆煲,係有鬧爆個仔唔係又鏟爆個仔,結果都好難要個囝唔憤世嫉俗囉!始終小朋友都幾受父母情緒影響;

另一個童黨大佬,佢家庭更複雜!聽老師講,佢又係來自破碎家庭,媽媽好早過咗身,

唔知咩問題,佢成家人以前响內地成日俾人打,佢有兩位哥哥,一個因為打交而入咗冊,

另一個就俾人打到癱咗,成世都需要爸爸照顧,

個阿爸本身又要番工養家,又要照顧癱咗既囝,

結果根本冇時間同心機去教呢個細囝,佢都係由嫲嫲照顧...

有時,一個小朋友既言行問題,都可以涉及好多因素,講真,唔係個個都係咁幸福.

私人傳訊

rickybb123456

珍珠宮

積分: 47921

最關心BB問題熱投勳章認識瑞士牛牛第一回我的育兒心得勳章 DHA勳章畀面勳章 BK Milk勳章

23^#

發表於 13-12-20 18:41 |只看該作者

引用：小朋友幾歲?

原帖由 wycha12 於 13-12-20 發表
小朋友幾歲?

6歲

我為貓狂

私人傳訊

wycha12

複式洋房

積分: 364

22^#

發表於 13-12-20 17:48 |只看該作者

小朋友幾歲?

私人傳訊

marykk

侯爵府

積分: 22886

21^#

發表於 13-12-20 17:04 |只看該作者

引用：又唔多似過度活躍，因為過度活躍小朋友唔會

原帖由 魔怪媽媽 於 13-12-20 發表
又唔多似過度活躍，因為過度活躍小朋友唔會有暴力傾向

我識一個兩樣都有

私人傳訊

lingchanwong

伯爵府

積分: 15613

20^#

發表於 13-12-20 15:31 |只看該作者

回覆：有冇JM了解「過度活躍症」

點先知小朋友有無過度活躍症，我成日都覺得我仔有

點評

maychik516 我都覺得我個仔有..

發表於 13-12-20 16:29

你好

私人傳訊

MINIBEAN

大宅

積分: 2328

好媽媽勳章

19^#

發表於 13-12-20 15:29 |只看該作者

引用：如有，請賜教事源我仔仔個班有個男仔，成日

原帖由 rickybb123456 於 13-12-20 發表
如有，請賜教

事源我仔仔個班有個男仔，成日搞人例如推下你，偷偷地將其他同學既文具丟去垃圾桶，試過有一 ...

我仔都有adhd,慶幸由一年級到而家六年級都未試過打人，仲好多朋友添，不過就係把口停唔到，同埋會玩文具，做野甩甩漏漏咁囉，不過會被投訴嘈住人上堂

我諗你個單應該唔關個小朋友有冇病事，可能只係小朋友性格如此，或似家庭教育問題多d

私人傳訊

~仔仔媽咪~

水晶宮

積分: 51912

18^#

發表於 13-12-20 15:22 |只看該作者

回覆：有冇JM了解「過度活躍症」

暫時咁睇，佢啲問題似係其他因素（例如家庭環境問題）多於出自過度活躍症症狀，如果佢本身堅評估咗係過度活躍症，呢樣都好靠大家無限包容，佢地係天生冇咗舊剎車制，佢剎唔停自己，佢自己都唔想，講真有邊個人會鐘意或想人地討厭自己呢？就算佢唔在意人地點睇佢，佢成日都係人鬧俾人罰，佢都嫌煩啦！

其實都好靠老師同父母點教，唔係話佢父母唔教，而係教養呢類細路唔係咁簡單，唔係話你肯用心教就能改變到佢。

如果你囝學校肯配合既話，大可以叫個小朋友平日响學校多啲活動，俾佢响小息可以响操場度跑，有班務就叫佢做，簡單幫老師搬枱椅搬書簿，一嚟俾多啲機會fing走過多既精力，二嚟其實俾佢分散下注意力，等佢唔好成日集中响佢成日出問題既地方繼續重覆做相同既行為。同埋有得俾佢做下班務，幫下手，佢個人自信心都會正面啲，而唔係連自己都覺得佢天生係有破壞冇建設既麻煩友。至少平日佢都可以俾人應同下又讚下啦！至少久唔久都俾佢認真感受下佢原來都係一個正常人，係做到好事。呢啲正是呢類囝需要，反而下下一面倒ignore佢同鬧爆佢，只會令佢啲問題言行更多更嚴重。

利申: 我囝都係過度活躍症友仔嚟，佢唔搞人，但EQ負數，又係俾人講兩句會失控打人嗰隻嚟。依家升到中學明顯好咗好多又識諗好多既。冇咁惡教。