吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 父親中風, 如何能從他戶口拿錢醫他呢?

自由講場今日: 1952|主題: 1351934

收藏本版

發帖

返回列表

跳至頁

查看: 5335 | 回覆: 16

父親中風, 如何能從他戶口拿錢醫他呢? [複製鏈接]

bigtomm

洋房

積分: 56

1^#

發表於 13-12-22 09:03 |只看該作者 |正序瀏覽 |打印

我八十二歲的父親十一天前入院, 病狀是胡言亂語, 醫生稱腦混亂, 你問佢野, 佢唔識答你, 你叫佢舉右手, 佢會慢四拍才舉左手. 開始時腦掃瞄唔到咩, 我以為是食錯藥, 因為十一月中我母親因差不多病態入廣華, 腦掃瞄唔到咩, 驗血就發現到過量鎮定劑. 點知四日後醫院再掃瞄, 發現是中風, 醫生話語言思考區出血. 我問幾時至會好返? 醫生話需要d時間. 我第日又問幾時至好返? 都是話需要d時間.
我母親有腎病有糖尿病, 最怕聽到就是中風兩字, 年初我家姐輕微中風(結果是平衡力和脾氣差了) , 媽已給嚇壞, 所以我暫時不告訴她. 雖然我見到她偷偷喊, 但是我真的害怕.
過兩日醫院又通知我已把父親轉了去九醫. 新醫生話不是出血,是血管梗塞,負責語言思考的細胞死了, 是永久損害. 算唔算無得醫呢? 我心下一沉. 第日家姐找她的中醫來, 中醫對針腦成效有保留, 就介紹新療法, 要幾皮一療程. >< 我原本想話屬小問題, 但現實已異變成大麻煩. 再思前想後, 麻煩仲越發越大添.
我父親雖有幾十萬有股票有間舖, 但現在他神智失常, 不懂得從自己戶口提錢, 有錢等於無錢, 欠債又唔曉還, 真是罰錢比息都死得. 而我是跟父親工作的, 薪水由他每月支付, 所以不日光塘.

我知道明報都有講的監護令, 但個萬二蚊都不夠付爸個人的醫療費, 更不會理會媽的藥費, 也不會替爸找街數交租金管理費.
爸的醫療費和媽的藥費都很厲害又長遠的啊. 我現在很需要由他的戶口拿錢出來應急. 社工與銀行經理都說過唯有入稟high court甚麼的, 卻說不出詳情.
我也有在這兒論壇聽說"中風"跟"high court"甚麼的.

請教, 其實究竟有無邊位親身試過這方法呢? 需要比幾多律師費? 花多少時間? 結果又可會如願獲得授權理財呢?

我已跟財務公司借了少少來付父母的中西醫療費. 我害怕再借錢來上court, 得不到幫助之餘, 反而害苦了自己.

多謝幫忙先

0 0 0

私人傳訊

ahylee

複式洋房

積分: 368

17^#

發表於 13-12-22 19:26 |只看該作者

如果冇提款卡及密碼，
我建議你都係直接打電話去你爸爸間開戶口分行問個肯定既處理辦法啦，
唔好係度問了。
又或者你可以用輪椅推你爸爸親身去銀行，問下主任或者分行經理可唔可以將你爸爸的現有銀行戶口授權比你處理。

私人傳訊

selinako^^

翡翠宮

積分: 99047

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章親子王國15週年勳章

16^#

發表於 13-12-22 19:14 |只看該作者

本帖最後由 selinako^^ 於 13-12-22 19:18 編輯

係唔得既..
早大半年前我屋企人都試過, 就算醫院社工都幫你唔到, 寫乜証明都冇用, 就算要搞都好麻煩同好耐
最後, 我地幾兄弟姐妹夾錢搞晒所有費用

私人傳訊

wonderlulu

珊瑚宮

積分: 118281

15^#

發表於 13-12-22 19:03 |只看該作者

引用：Quote:wonderlulu+發表於+13-12-22+09:16+

原帖由 bigtomm 於 13-12-22 發表
上論壇都是博下搵唔搵到有這經歷的人聽下是那1回事.
我是1舨小市民, 1聽到要上法庭, 就不期然打冷戰.
已搵 ...

其實好多老人都抓實錢財的，最好係佢同配偶或子女有聯名戶口啦，冇啲確好難移轉。

Call up事務律師（可以搵公會網址找）查詢，呢part一般由「師爺」同你傾、了解情況，要乜乜乜物文件，之後報價俾你，啱先正式做野，呢時就收費啦。

至於上法庭，係指一個步驟，要經法院審理，唔好當係你睇電視果啲，絕大多數係文件批程嚟。

你點都要搵返醫院醫務社工，主診醫生寫醫學證明，會計師交待父親生意個人財產情況，託管人是否合適(全部親人要同意啦)•••••冇可能一時三刻搞掂。

如果入公院十一天已經陷入財務困難，你去同醫務社工認真講，網上出手的，真係三思再三思。

私人傳訊

akachanman

水晶宮

積分: 56512

父親節2025勳章母親節2025勳章 2025勳章蛇年勳章 2024年龍年勳章開心吸收勳章育兒性格勳章畀面勳章 BK Milk勳章

14^#

發表於 13-12-22 17:56 |只看該作者

回覆：父親中風, 如何能從他戶口拿錢醫他呢?

聽日即搵駐院社工喇

仲有，如果呢度pm你，自己小心喇

私人傳訊

sukkiu

珍珠宮

積分: 46566

好媽媽勳章醒目開學勳章畀面勳章

13^#

發表於 13-12-22 17:56 |只看該作者

樓主要搵律師,連銀行經理都講唔到要點做.

私人傳訊

bigtomm

洋房

積分: 56

12^#

發表於 13-12-22 17:53 |只看該作者

vet 發表於 13-12-22 11:49
他似乎信唔過仔女

阿爸每個月的支出如卡數, 都是我替他繳付先, 之後才問他拿回錢.
聽完你咁講, 我才明白是我一直太信任他了.

不過我一樣咁愛他.

私人傳訊

bigtomm

洋房

積分: 56

11^#

發表於 13-12-22 17:40 |只看該作者

wonderlulu 發表於 13-12-22 09:16
呢啲搵醫院社工正經做事，你唔會係第一個。上論壇七嘴八舌，其實冇人知你地詳情，更難搞。

...

上論壇都是博下搵唔搵到有這經歷的人聽下是那1回事.
我是1舨小市民, 1聽到要上法庭, 就不期然打冷戰.
已搵過醫院社工問, 她說律師才知詳情. 我想搵律師傾計之前, 做好心理準備姐.

私人傳訊

tammychun

禁止訪問

積分: 1233

10^#

發表於 13-12-22 17:28 |只看該作者

引用：問律師好似好D，因為係有関法律事項

提示: 作者被禁止或刪除內容自動屏蔽

私人傳訊

bigtomm

洋房

積分: 56

9^#

發表於 13-12-22 17:26 |只看該作者

回覆我愛Corina 的帖子

跟仔女聯名? 我肯定姨媽姑媽都無, 因為表哥表姐們正忙著辦理遺產. 今年好唔吉利, 姨媽姑媽大伯先後過身.
多口講句, 我有位同學父母沒離婚卻早已分開, 現在因為母不在場, 所以拿不到佢父遺產.
可能我識得人少, 好奇問過幾位老細, 年紀唔輕的同事, 老朋友舊同學, 有無同太太聯名戶口? 只有兩位有跟太太聯名, 但沒批准太太可以動用其戶口. 之後, 我又問他們家長有無寫低平安紙? 答案是無. 他們自己都無做, 所以唔覺有咩問題. 希望那幾位老細聽過我現在的麻煩後, 會拋開忌諱, 寫低張紙啦. 而我同事朋友就表示, 自己無屋又唔係有錢, 所以唔留紙仔.