吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 去錯私人廁所，叫住有人都監硬用鎖匙開門！ ...

自由講場今日: 140|主題: 1356635

收藏本版

發帖

返回列表

跳至頁

查看: 11061 | 回覆: 321

去錯私人廁所，叫住有人都監硬用鎖匙開門！

[複製鏈接]

12 3 4 5...17

pakbu

大宅

積分: 1497

1^#

發表於 13-12-25 00:31 |只看該作者 |正序瀏覽 |打印

本帖最後由 pakbu 於 13-12-25 01:12 編輯

(好長篇)
今日喺某商廈度買野，一層有4-5間舖嗰d , 買完等lift嗰陣我仔仔話要去廁所，當時我見到有個洗手間打開門，門上冇任可舖頭名/只供私人嘅牌，咁我以為係for呢層樓嘅人用，就叫姐姐帶仔仔去，我&c6就喺出面開奶比bb車內嘅細仔。

之後有間舖嘅女人拎住條鎖匙想開門入去，咁我就叫住話"唔好意思呀，入面有人", 點知個女人望下我，然後就唔理我直接用鎖匙打開道門，當時我個角度只見到度門開左⅓就撞到野頂住，我幾驚度門撞到個仔，好彩當時仔仔仲去緊廁所，姐姐企後面所以頂左，姐姐就即刻用手推返埋度門！

我：妳點可以叫住有人都專登用鎖匙開門架！
女人：呢個廁所係我地私家架！
我：就算用錯妳個私家廁所都洗直接用鎖匙開門丫？
女人：我個廁所要用鎖匙開門，我唔信妳話入面有人，梗係要開門睇啦！
我：妳唔信我講咪敲門囉，廁所黎架，正常人都敲門而唔係直接開門啦！妳咁做係專登要羞辱人喎！
可能佢地驚比客聽到我地爭執，所以有另一個女人出黎，斥責我地"做父母要注意自己言行！"
我話"就係做父母先要保護仔女，冇可能去緊廁所比人咁樣羞辱呀 "

呢個時候c6忍唔住話：你咁都得嘅？調轉你去緊廁所我開門得唔得丫？
佢講"你"嗰陣順勢舉起手指住其中一個女人，係小動作嗰隻，一下就即刻放返底，唔係督住唔放嗰隻指住。
但個女人咬住我地話：你唔好手指指呀！你地唔好攪事!
當時我怕佢地屈我c6郁手，所以報警。
等警察嘅時候，隔離2間舖都走出黎話聽到我地嘅對話，佢地都認為個女人唔應該直接開門，仲話可以同警察證明我地只係理論，冇攪事。

警察黎左，解釋比我知個女人行為係不當，但法例上冇辦法幫到小朋友(因為私人廁所呢度蝕章), 只可以盡量調解希望對方願意道歉，而我都聽到另一個警察同個女人講"雖然係妳地私人廁所，但度門冇任何牌，妳唔好話度門鎖住，人地都話度門本來開住嘅，如果鎖住，人地冇鎖匙點會入到去？就算真係用錯廁所，情理上都唔會直接開門架喎，咁刑事上我地冇野做到嘅，但人地有權就妳突然開門嚇親小朋友同撞到工人而民事索償架！"

可惜個女人堅持冇錯唔道歉，我見佢冇屈c6郁手，都唔想繼續麻煩警察，唯有走囉，之後落到樓下，個警察都再教我點經"民事"追討，但我知一定唔容易，只可以比嗰個變態嘅女人繼續得戚

補充：我唔係因為佢開門而報警架，係因為個女人不停咬住我老公用手指佢，叫我地唔好郁手同攪事，但我地絕對冇動粗，當時我唔係打999, 係打去警署問"對方話我地郁手咁應該點做"，係警署叫我唔好繼續爭論，等佢地派同事黎處理，我手機有history證明尋日揾過警署電話架(請睇#11)

點評

babymj33 1000 個吾明, 廁所鎖匙係用嚟開門, 如果有人用緊, 摔有門有匙都開吾到吖發表於 13-12-26 01:06

0 1 1

私人傳訊

木土土

琥珀宮

積分: 167073

322^#

發表於 13-12-27 01:41 |只看該作者

引用：樓主去嘅係商廈，其實原來嘅設計係用作寫字

原帖由 winniesee 於 13-12-26 發表
樓主去嘅係商廈，其實原來嘅設計係用作寫字樓，只不過而家好多人改咗用途，變咗樓上舖，所以呢啲設於走廊嘅 ...

其實所有商廈廁所都一定係私人，有無上鎖都唔expect街外人可以「不問自用」，無理由任何街外人尿急都可以上去用！就算去好多人出入幫襯既診所商廈，去廁所都一定係問個診所攞key！

私人傳訊

boboblublu

水晶宮

積分: 64625

2018復活節勳章育兒性格勳章畀面勳章

321^#

發表於 13-12-27 01:21 |只看該作者

回覆：pakbu 的帖子

咁鬼賤gee人都有！個衰人咩公司ka?你一定好激气

私人傳訊

k_lego

侯爵府

積分: 22086

畀面勳章

320^#

發表於 13-12-27 01:12 |只看該作者

回覆：去錯私人廁所，叫住有人都監硬用鎖匙開門！

鬧完嘈完咪算，報警你期望警察有乜幫到你？一家大細出街開開心心，咁搞大家都掃慶

私人傳訊

Sfc9

大宅

積分: 3846

319^#

發表於 13-12-27 01:04 |只看該作者

回覆：去錯私人廁所，叫住有人都監硬用鎖匙開門！

睇晒所有post, 結論係：
你用錯人哋私人廁所，咁你死喇，因為唔啱要認，打就企定。
話明私人廁所，你去緊，入面姐姐話not finished yet, 你要expect 人哋會照開門，因為依個係私人廁所。門開咗，比人睇晒，請保持冷靜，因為你要先say sorry, 洗完廁所，先可以著褲走。
所以有JM 話，如果小朋友急，有廁所都唔好亂去。快D搵個安全嘅公廁先。非常精明。

Anyways, 祝大家聖誕快樂，新年進步！