吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› bb7個月啦, 諗返bb o係肚入面o既時候有咩特別事呢?! 分 ...

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1869 | 回覆: 30

[2006年] bb7個月啦, 諗返bb o係肚入面o既時候有咩特別事呢?! 分享下呀! [複製鏈接]

baby_yuyu

男爵府

積分: 5508

1^#

發表於 07-7-18 22:59 |只看該作者 |倒序瀏覽 |打印

時間過得好快好快, 唔捨得個女咁快就7個月, 諗返起佢初生o既樣, 都已經有少少模糊, 因為日日都好似好忙碌咁過, 不過真係好開心。

諗起05年尾開始想要bb時, 個個月都好緊張, 成日怕自己身體唔係好好 (其實身體都唔係差), 好難有bb...個個月都話可能中喎, 講到我老公都唔係幾理我..哈哈...點知3月尾o既時候又覺得好似中喎, 驗一驗, 真係好似中o左喎...話比老公聽, 佢都唔係幾理我, 仍然依為我係講下...

我記得我頭o個幾個月食得訓得, 之後開始有少少嘔啦, 一嘔就嘔黃膽水, 不過又唔算係好辛苦...

之後就係個肚比較細啦, 到生之前有2個醫生都話我個b細, 有一個話要開刀tim...最後呀b好乖自己出世, 2.62kg, 細細粒, 5mins就生o左啦, 仲冇剪tim

, 依家大個o左好多啦

不過我仍然記得我o係屋企陣痛唔入院, 一入院就去待產室, 我老公比姑娘叫入產房同埋產後一個人o係醫院o既時候...真係我人生一o的好特別o既經歷:lol:

其實個腦入面仲有好多野, 不過寫唔到咁多出來了, 你地又覺得點?!

0 0 0

私人傳訊

伴伴me

子爵府

積分: 10647

2^#

發表於 07-7-18 23:45 |只看該作者

太太太難忘太辛苦,由細到大我都吾怕辛苦,但舊年真係變左另一個人,無唸個會受吾到,一直等佢等左咁耐以為會

點知:-( (不過依家就

)
~吾知有左,見紅左幾日等先知有左,去到醫院話我小產要挖,我大咸大叫,醫生叫我番屋企先,過左一星期我私家醫生話係到,就係咁訓床保住佢
~點知有嚴重劇吐,完全食吾到野,水都飲吾到,成面,眼都嘔到微絲血管爆晒,一路輕磅,吾得要成日入醫院吊水保命
~我擔心個肚,我覺得比吾到營養佢,對佢吾住,加上每日不停嘔,所以有產前抑鬱
~一直嘔到生,7個月我都食到幾啖飯同幾條炸菜粟米,點知佢又話bb要出世,得3磅人我又擔心過,又訓床,成日同佢講叫佢住耐d,自己就嘔都食
~囡又聽話吾出世住,22號見紅入院,24號穿水開始陣痛但開吾到男醫生話催生25號比直通車霸左位一路等,打左一支吾得再打,40幾個鍾痛左破左醫院記錄,26號開矛刀,終於出世,為左見佢我撐落地爆左傷口
~我既一年就係咁度過太太太難忘太辛苦:cry:

私人傳訊

baby_yuyu

男爵府

積分: 5508

3^#

發表於 07-7-19 01:16 |只看該作者

你真係經歷o左好多喎...真係想像唔到當時o既情境, 不過你地一家好叻呀, 伴伴又咁得意, 咁靚女, 過o左一關又一關, 希望你地日後一家平安快樂!

原文章由 伴伴me 於 07-7-18 23:45 發表
太太太難忘太辛苦,由細到大我都吾怕辛苦,但舊年真係變左另一個人,無唸個會受吾到,一直等佢等左咁耐以為會點知:-( (不過依家就 )
~吾知有左,見紅左幾日等先知有左,去到醫院話我小產要挖,我大咸大叫,醫生 ...

私人傳訊

motakmo

大宅

積分: 4290

畀面勳章

4^#

發表於 07-7-19 01:41 |只看該作者

原文章由 伴伴me 於 07-7-18 11:45 PM 發表
太太太難忘太辛苦,由細到大我都吾怕辛苦,但舊年真係變左另一個人,無唸個會受吾到,一直等佢等左咁耐以為會點知:-( (不過依家就 )
~吾知有左,見紅左幾日等先知有左,去到醫院話我小產要挖,我大咸大叫,醫生 ...

之前都聽你講過, 不過無咁詳細.....
依家睇晒你呢個咁辛苦嘅經歷,
覺得你好慘之餘仲係好偉大好堅強!!!

伴伴大個一定要孝順番你黎補數至得喇!
繼續努力呀~ 真係辛苦晒你喇! 媽咪~

[ 本文章最後由 motakmo 於 07-7-19 01:44 編輯 ]

私人傳訊

伴伴me

子爵府

積分: 10647

5^#

發表於 07-7-19 01:52 |只看該作者

先苦後甜

最緊要bb健康快樂,平平凡凡就得la

私人傳訊

baby_yuyu

男爵府

積分: 5508

6^#

發表於 07-7-19 01:55 |只看該作者

係呀, 原來齊齊正正平平安安係好好架啦!!

原文章由 伴伴me 於 07-7-19 01:52 發表
先苦後甜最緊要bb健康快樂,平平凡凡就得la

私人傳訊

cc930666

大宅

積分: 1981

7^#

發表於 07-7-19 09:24 |只看該作者

諗番起舊年, 真係好難忘, 係呢一世都唔會忘記, 由開始想要 bb, 就唔知 why 會成日發炎, 搞左成半年, 真係有 d 灰心, then 未去下 travel 散下心, 番到 lai 驗話有左, 好開心等到睇醫生個日點知見紅, 又見唔到個胎 long, 幾 weeks 後保得住佢有心跳 la, 點知 Oscar 又高危, 等足一個月先可以抽羊水, 個個月真係度日如年, 好辛苦等到抽羊水前一日 la, 又撞車入埋醫院, 真係 cry 到我屎屎下, 抽羊水冇事以為 ok la, 點知飲糖水又 fail, 要入醫院又要戒口戒到生, 阿仔又大隻, 我又成日發炎, 一路都想自己生 but 都係唔得要開刀, 就 lai 生個2個月, 我個肚係好好大, 好辛苦 but 又要搵屋又要搬, 真係忙到九彩, 入院個日都仲係到執屋, 開刀成個過程我都有 feeling, 餵人奶又冇奶, 又抑鬱又睇醫生 ..........

私人傳訊

cyclamen

大宅

積分: 1007

8^#

發表於 07-7-19 09:25 |只看該作者

原文章由 伴伴me 於 07-7-18 23:45 發表
太太太難忘太辛苦,由細到大我都吾怕辛苦,但舊年真係變左另一個人,無唸個會受吾到,一直等佢等左咁耐以為會點知:-( (不過依家就 )
~吾知有左,見紅左幾日等先知有左,去到醫院話我小產要挖,我大咸大叫,醫生 ...

嘩,妳真係好偉大呀.

痛0左咁耐先開刀比起妳我就真係小兒科0羅.

私人傳訊

little_ribs

複式洋房

積分: 378

9^#

發表於 07-7-19 10:13 |只看該作者

睇到我有D想喊:-( 你為BB付出好多好堅強呀!

伴伴同伴伴爸爸一定錫晒你:-P

原文章由 伴伴me 於 18/7/2007 23:45 發表
太太太難忘太辛苦,由細到大我都吾怕辛苦,但舊年真係變左另一個人,無唸個會受吾到,一直等佢等左咁耐以為會點知:-( (不過依家就 )
~吾知有左,見紅左幾日等先知有左,去到醫院話我小產要挖,我大咸大叫,醫生 ...

私人傳訊

domcheng

大宅

積分: 1191

10^#

發表於 07-7-19 12:12 |只看該作者

2006年係一個令人驚喜交集ga一年.
一開始陀, 全身浮腫, (生完個中醫先同我講 – 佢一路擔心我同亞b都…, 好感恩..bb 7個多了)

我都係由開始嘔到生. 當時入院吊水係好平常, +埋偏頭痛, 一痛就要用準方法要去嘔, 無任何藥可以幫到我. +上我腰骨同膝蓋都做過手術, 越陀越重, 坐低同訓低起身都無力. 上年今日, 成個夏天ga星期六, 日都只可以係家中避暑. 一見太陽就暈陀陀.. 唔敢喊, 驚智影響bb, 好彩可以上bk, 吹下水 relax 吓. 原先預產12月中, 打算開刀, 就早兩星期, 点知11月尾去覆診, 醫生話要即刻當日開刀, 因為bb情況唔太理想, 當時都味pack 走路袋, 仲無醫院有位生, 那份傍惶真係唔知点describe.

一心唸住生得就ok.点知開刀過程因子宮唔識收縮, 足足一個钟都止唔到血, 流咗大約1lit.血. 一個手術45分鐘做完, 我就要做2個钟.好彩個c+醫生好好, 佢不注咁唸方法, 最終好彩止到血, 唔係就要cut咗個子宮了. 跟住返咗屋企幾日, 發高燒到40度, 入醫院住不斷咁試藥都唔退燒. 吊消炎藥吊到一對手腫哂. 唸住可以ok ga 時候. 点知一對手ga 手根發炎, 係因為陀ga時候, 太依賴對手support自己起身, 跟住要係2隻手ga手腕吉2支針. 當時真係有d產後抑鬱. 日日只會喊, 唔做亞媽都唔知做亞媽咁難. 回望7個月前, 同今日見到個lovely bb係面前都係值得.

私人傳訊

lsycarmen

別墅

積分: 637

11^#

發表於 07-7-19 12:24 |只看該作者

見到咁多媽咪喱d經歷真係睇到我眼濕濕:-( 大家都為BB付出好多&好堅強! 做mami嘅我要比100分, 做bb嘅我就要比200分.

私人傳訊

yenmyvv

別墅

積分: 987

12^#

發表於 07-7-19 12:33 |只看該作者

原文章由 domcheng 於 07-7-19 12:12 發表
2006年係一個令人驚喜交集ga一年.
一開始陀, 全身浮腫, (生完個中醫先同我講 – 佢一路擔心我同亞b都…, 好感恩..bb 7個多了)

我都係由開始嘔到生. 當時入院吊水係好平常, +埋偏頭痛, 一痛就要用準方法要 ...

睇完你地呢幾個媽咪o既經歷, 真係覺得你地好好好偉大呀, 雖然我陀住bb 時都有辛苦o既時候, 但就差得遠...

大家最辛苦o既時候過去了, 而家雖然都辛苦(因為冇覺好訓, 又擔心佢), 不過呢d 都係開心o既辛苦時光...大家繼續加油啦

私人傳訊

629

大宅

積分: 1150

13^#

發表於 07-7-19 12:38 |只看該作者

真是每個bb都得來不易.
每個mama每個感人經歷.
現在大家都好努力,用心湊b.
做個健康開心mama, 健康開心bb:lol:

私人傳訊

LMCK

伯爵府

積分: 17062

好媽媽勳章醒目開學勳章畀面勳章 BK Milk勳章

14^#

發表於 07-7-19 13:04 |只看該作者

見到你地陀bb同生仔ga經歷咁辛苦, 我已經算係好好, 好好喇. 我成個懷孕期都好舒服, 無嘔過, +埋唔使返工, 每日都只係食同訓, 食自己鐘意ga野, even凍野, 奶茶, 可樂都照飲可也, 間中只有恥骨痛比較辛苦一點, 由開到1度到生得都只係用左4個鐘頭.

要數最難忘就係 - 我老公份人係好緊張, 呢樣驚, 個樣怕, 搞到我因為佢ga不安而喊左好多次. 我喊係因為佢比太大壓力我, 佢睇有關懷孕期ga書, 就只會睇懷孕期會出現ga問題, 而走黎同我講,

剛剛知道有左, 又驚我宮外孕, 照到無宮外孕, 又擔心照唔到bb心跳, 照到有心跳, 又驚bb唔發育..........我係c+做ocscar係低危, 佢擔心唔準確, 到16週o係我唔願意ga情況下要我再驗血, 點知係高危, e生話可能我的賀爾蒙的變化影響個result, 另外照u/s, e生都唔覺得bb有唐氏的徵狀, 叫我地放心同考慮抽羊水,

到決定抽唔抽羊水呢一環, 我係堅持要抽的, 我唔係驚bb有問題, 而係想快d証明比我老公睇bb係好健康的. 但我老公就好矛盾, 一方面想我抽, 另一方面又怕我會流產, 最後都係抽左, 到知道結果ga日子, 老公出差去左上海, 我話俾佢知bb正常ga時候, 佢大聲喊左出來, 不斷同我講sorry, 知道係佢ga不安而令我無端端要去抽羊水......

其實唔到生bb個日, 未真正抱bb上手個一刻, 佢都唔能夠放鬆一點.

私人傳訊

hellokitty1011

男爵府

積分: 5087

15^#

發表於 07-7-19 13:51 |只看該作者

所以對於仲生唔生多個, 我都有所保留, 帶1個BB來這個世界, 都係唔容易.

看左你地的經歷, 真係看到眼濕濕:-( :-( :-(

回望番整個懷孕的過程, 由發現有左的喜悅, 到阿B出左世的時間, 真係萬般滋味在心頭!:cry:

我初初有左阿B都唔係有太大的問題, 有嘔過, 不過都係好輕微, 之後就好似過關甘啦, 過完一關又一關.11周就去左照OSCAR, 好彩低危, 一心想著一切都順利啦, 點知去到好似15周去照結構性超聲波,發現阿B個心仔有個洞, 醫生話有機會生埋, 如果生唔埋就係先天性心臟病, 即係心漏, 仲要話阿B有機會會係唐氏, 嚇到我兩公婆都唔知喊左幾多次, 去QE又話唔會同我地攪, 包括抽洋水, 結果我地都係走去私家抽洋水, 抽的過程好痛, 等結果的時間仲痛, 簡直係度日如年. 好彩快速測試(都要1個星期),發現阿B唔係唐氏,老公話話這個消息係個天比佢的一份大禮 (因為知道結果的那天係老公的農曆生日). 不過之後又要擔心阿B的心仔問題, 期間情緒真係好低落, 好擔心錢啦,好擔心去私家生定係QE生啦, 阿B個心會唔會生埋啦, 真係好擔心, 一想起如果阿B出世後即要做心臟手術, 我的眼淚就會自動甘流, 直至而家想起都會, 照超聲波真係密到好緊要,平均2星期都有1次, 直至生之前的一星期都仲有係QE照, 不過結果都係仲未生埋, 轉眼間阿B出世啦, 我第一件事係去問兒科醫生, 阿B的心仔情況, 係好開心, 因為醫生話唔覺阿B有問題, 個心跳同心聲都好正常, 之後係醫院的每一日, 我都有問兒科醫生相同的問題, 好彩每次都正常, 不過出院前1日, 醫生同我講阿B有G6PD缺乏症, 我又喊啦, 因為我心裡想, 點解又係我阿B呀! 幸好之後對這個病認識多左才無甘擔心.

我成個懐孕過程都係好擔心, 唔知同我阿B而家時時皺眉頭係唔係有關?

所以對於仲生唔生多個, 我都有所保留, 帶1個BB來這個世界, 都係唔容易.

分享煮食的樂趣, 是減壓的一種好方法!

私人傳訊

lsycarmen

別墅

積分: 637

16^#

發表於 07-7-19 14:13 |只看該作者

我都分享下先..我係第十週先知有bb, 知道之前發生左.........
1) 有bb之前走去學詠春, 學到知道有先停左無返學

2) 行行下跌左落個坑到, 個坑有我條腰咁高, 可能學左詠春關係我係9秒9喺個坑到彈返上地, 之後整親左腳到大比咁走左去照x光又做物理治療&睇跌打&食中藥
3) 隻腳未好翻就走左去騎馬, 彈上彈落
4) 唔知點解成日都想食雪糕, 飲凍嘢(之前唔係好鍾意食凍嘢)

知道有bb之後.......
1) 陀到中段有2日覺得bb唔yuk, 走去睇醫生
2) 照bb時發現有條線係bb身邊, 醫生話可能會cool住bb"景",手,腳, 好彩後來比bb踢走左.
3) 生之前一個星期bb yuk少左好多, 到預產期嗰日醫生話要即刻安排入院&崔生
4) 作動時顧住睇電視唔發覺自己作動, 到睇完之後諗諗下先去計作動時間, 點知已經係3-5分鐘痛成分鍾
5) bb個頭出左嚟原來臍帶cool住bb條"景"
6) "馮"針時仲係流好多血仲比姑娘鬧"你唔好咁啦, 流咁多血唔得嫁........." 之後堆左我去唔係產後室嘅床位, 叫我如果睇bb就自己行過去(我係聯合生嫁, 聯合係可以mami同bb同室嫁, 係mami自己照顧bb, 到時到候先推bb去bb室), 但之前又叫我係床10個鍾唔可以落床

, 之後係我, c6, 99嘈到拆天之後先安排我去產後室我先可以同bb一齊 (原本跟本係有床位, 都唔知點解唔比我)
7) 出院前bb檢查, 發現bb有心漏病.....

不經不覺bb已經7個半月啦................

私人傳訊

little_ribs

複式洋房

積分: 378

17^#

發表於 07-7-19 15:23 |只看該作者

托賴整個懷孕過程都好順利﹐唯獨是選醫生方面出了問題。

原本我有一個資深的婦產科醫生﹐她在告訴我預產期(27/12)的同時告訴我這日子碰正她的長假期﹐並給了我一些提意。當時只是我懷孕的初期 (大約四個月) ﹐我想自然分娩及很希望可由一個醫生由頭跟到尾﹐於是我便轉了另一個何醫生。

在第一次看這位何醫生時我已清清楚楚的交待了事原及說明我的要求﹐她亦回覆說﹕"你放心﹐那段時間我唔會放假"。自此之後我便找她為我做產檢﹐直到預產期前五個星期的一次檢查。。。我和她reconfirm她在我預產期那段日子付近是不會放假的﹐她竟然回被我個問題﹐以下是我們的部份對話

何: 你放心啦﹐我一定可以同你接生的。
我: o甘你係咪即係唔會放假呀?
何: 會放假.
我: o甘幾時?
何: 16 號.
我: 一月16號呀﹖
何: 十二月
我: 放到幾時呀?
何: ??? (一個過了我預產期的日子)
我: o下﹐o甘你點樣肯定你可以同我接生呀??-(
何: 我會用藥/一D方法另到你早D作棟﹐早三個星期都已經叫足月架喇﹐唔使擔心。
我: o甘咪即係催生﹐我唔想.
何: 我地醫務中心還有另外一個婦產科醫生楊醫生
...

呢個時間又叫我轉醫生!!?? o甘我當初點解要睇佢丫﹐她還有很多很多籍口﹐我聽到她甘講真係好嬲﹐覺得她非常無醫德﹐無醫德的醫生又怎會為個大人和BB著想﹐點可以交呢個接生重任給她。最荒謬係我點解要因為她去旅行而催生呢

臨生時都已經好忙自己野又要準備BB野﹐仲要因為佢無醫德而煩和嬲﹐又唔得閒告佢﹐真係便宜了佢﹐唔知佢呢招害了幾多人。

佢呢間醫務中心係好多區都有﹐我去的一間在旺角某中心 808 室。

私人傳訊

fion2504

大宅

積分: 4007

18^#

發表於 07-7-19 16:14 |只看該作者

睇完你地ｏ既經歷，真係睇到我好想好想喊:-( :-( ，真係好辛苦好辛苦啊．我自己係因為成日見紅，紅左成兩星期，去睇醫生，醫生話我賀爾蒙失調，叫我打通經針，我怕痛，所以食通經藥．之後因為我跳緊belly dance, 攪到只腳好痛，又走去照ｘ光．跟住食左成個星期通經藥都係見紅，走去睇婦科，一照就話我有左１０個星期，仲作小產所以才見紅，我個心都唔知點算好．醫生又怕我之前食ｄ藥會影響ｂｂ，所以ｓｅｎｄ左我去贊育到的產前診斷科到．成日ｃｈｅｃｋ住，又話我ｄ藥如果生女會影響性器官．之後就成日都好擔心仔定女．跟住又要立即攪結婚（３日ｂｏｏｋ晒所有ｏ野

ops:" /> ），又要計＄＄（失晒預算），之後又攪搬屋．到醫生話係仔，但之後醫生又話可能呢ｄ藥會影響ｂｂ心仔．成日都ｃｈｅｃｋ住，跟住醫生又話我７個月時個一個月肥得太多，要我減肥，我唔食飯，食１�３個麵，自己煮菜，日日餓住個肚．跟住又話我可能有孕ｘ糖尿病，ｓｅｎｄ我去檢查，抽紅，飲糖水．．．．自己又有小腸氣攪到行路好痛（２００份之一的機會的孕婦才有，我都仲左

），又因為賀爾蒙影響到只手痛，有次條尾龍骨刺痛，直情起唔到床，陏唔到仲差ｄ要ｃａｌｌ白車．又有一次一起身就頭暈，暈到立即去廁所嘔，嘔完都係勁暈，唔陏得，一陏就嘔，又唔訓得低，又食唔到．真係一步一驚心．成日都失眠，訓唔到覺．．．．生完ｂｂ一起身，９９就叫我食疆飯，可能ｄ飯太勁，一食就嘔，之後又迫我再食，又嘔．．但個人又勁肚餓，勁辛苦，之後攪到咳又傷風，回家後自己仲發燒，燒到１０８度．成個人散晒．但又要餵夜奶（４個鐘一次），病左兩次．生完後去小便又勁痛，以為發炎，去種尿，好彩唔係，不過都痛左個幾星期．．．．．好好彩，小叭好得意，肥肥白白．．．做啊媽真係好辛苦好辛苦啊．:-( :-(

原文章由 yenmyvv 於 07-7-19 12:33 發表

睇完你地呢幾個媽咪o既經歷, 真係覺得你地好好好偉大呀, 雖然我陀住bb 時都有辛苦o既時候, 但就差得遠...

大家最辛苦o既時候過去了, 而家雖然都辛苦(因為冇覺好訓, 又擔心佢), 不過呢d 都係開心o既辛苦時 ...

[ 本文章最後由 fion2504 於 07-7-19 16:41 編輯 ]

小叭係06年12月5日出世時重3.23kgs,1個月4.55kgs,2個月6.40kgs,3個月7.72kgs,4個月8.20kgs,5個月8.80kgs, 6個月10.00kgs, 7個月9.55kgs, 8個月10.00kgs, 9個月10.16kgs, 10個月10.45kgs, 11個月10.91kgs
(4個月第一次反身, 5個月坐, 8個半月爬, 9個半月出牙(上面兩只),10個月出牙(上面兩只)12個月7只牙, 11.81 kgs

細叭係09年1月26日出世, 體重6磅半.
4個半月轉身, 5個月識坐, 7個半月出第一只牙(下面)

私人傳訊

ruby168

大宅

積分: 1756

好媽媽勳章

19^#

發表於 07-7-19 19:51 |只看該作者

我都同大家分享一下我的經歷∼∼

我等左呀ｂ足足三年喇！足於俾我等到了，初初未知有左的時候，成日擒高擒低攞鞋俾客試（因為個時幫我老公家姐看鞋舖），後來發覺留啡已經一星期，個人就無咩餵口食野和見暈，自己就係屋企驗啦！真係有左，知後去婦科檢查，醫生話我作小產要訓床，當時好驚會失去呀ｂ，就拿拿聲同我老公家姐講話唔可幫佢看鞋舖喇，足足訓左個幾月床，又食唔到野，又成日作嘔作悶見暈喎，嘔到生呀！個段日子真係好難過，好想呀ｂ快ｄ出來，到要生呀ｂ時都痛左１２個鍾都只係開左３度咋，最後都要開刀，仲係要全身麻醉tim，因為落左半身麻醉時都感覺到有感覺呀，當時我驚到:-( 到收唔到聲，醫生見我:-( 成咁，就決定同用全身麻醉生呀ｂ，好可惜我和ｂｂ爸爸唔可以親眼睇住ｂｂ出世，真係好遺憾．

雋彥bb出世重3.125kg

私人傳訊