memiliu,
唔好咁唔開心啦～加油呀～
其實個個新手媽咪都係咁架啦～我自己都係緊張大師，好多野未發生過都好驚好緊張，好似ｂｂ初初出世有黃（其實唔係好厲害），但眼見奶奶成日睇ｂｂ話佢黃，都好唔開心～但現在過咗都覺得好少事～
之後ｂｂ成日喊又唔瞓教，都唔知咩事，又話初生的ｂｂ唔係瞓就食，但我ｂｂ又唔係咁，我覺得自己的ｂｂ好唔乖，好難湊～當ｂｂ瞓咗，真係好驚佢醒，因為一醒咗又要抱佢湊佢，因為一醒咗又喊～但後來ｂｂ轉飲番奶粉後就好番好多啦～原來可能之前ｂｂ飲人奶食唔飽～（因為自己太緊張唔夠奶）呢ｄ都係因為自己未湊過ｂｂ，唔知咩事啫～後來我發現我自己抱ｂｂ成日都喊，原來因為自己太緊張
，ｂｂ都比我影響咗
～ 所以你都唔好咁唔開心呀，ｂｂ都會比你影響架～
至於老公嘅問題，我老公之前都係咁～照顧阿b，安排工人多數都係我，無辦法啦，女人天性都係要照顧屋企，我老公一日都唔知有無同個工人講一句說話丫:tongue:～不過我同我老公講，依架你有機會湊ｂｂ你又唔湊，唔好第日話ｂｂ痴我唔痴你，只不過係你在ｂｂ認人嘅時候放棄咗呢個機會咋:tongue: ～之後佢就成日爭住湊ｂｂ啦，因我同我老公都好驚ｂｂ淨係認得個工人
～不過諗返轉頭有時都係自己諗得太多，轉咗牛角尖，我諗真係要自己放下手，交比人做下，可能其他人的方法重好呢～自己都要輕鬆ｄ～同埋你自己真係都要休息多ｄ，你唔可以病，因為你病咗，ｂｂ又好易病，為咗ｂｂ，你都要強壯ｄ丫～
我同我老公依架放工都係以極速返屋企，因為我地要趕住返去幫ｂｂ沖涼，我地大約六點半至七點返到去，幫完ｂｂ沖涼又要趕住食奶，總之返到屋企，仲忙過返工啦～
至於其他人講咩唔好理咁多啦，照顧好家庭同自己份工先啦～已經好忙架啦～:time:
另外，你ｂｂ成日嘔奶，係咪佢有痰頂住？如果係，你可以試下比佢食余仁生的猴棗散，可以化痰，都好work架，好多bk媽咪都試過話ok～
而且好似其他bk媽咪咁講，比bb少食多餐，慢慢bb就會食多d架啦～不過最好定時比bb飲奶，如果少食多餐，你咪三個鐘比佢飲一次（如介咗夜奶），如未介夜奶就四個鐘頭比佢飲一次啦～加油呀～ 至於ｂｂ發展比較慢少少，你唔駛灰心架，我ｂｂ都未識轉身，連側身都未有意欲～ 只要你同佢多ｄ練習，一定無問題嘅～大家一齊努力呀～:loveliness: :loveliness: 而且ｄ人話ｂｂ瘦ｄ，學野會快ｄ架～（不論係轉身，爬或者走路～）放心啦～ 原文章由 memiliu 於 07-9-22 18:09 發表 
我個bb成日嘔,飲奶又唔多,依家仲係一個小bb, 每次出街0的人都問他滿月未,我都不知幾心痛,近日阿b仲比我傳染了感冒,要食藥, 所以我心情真係好差好差,呢三個幾月以來,我不知哭了多少次,前兩日有報導產後自殺死,我心想, ...
[link=http://www.TickerFactory.com/][image noborder]http://tickers.TickerFactory.com/ezt/d/1;10051;29/st/20101228/dt/14/k/e4b9/preg.png[/image]
[/link]
時 , 好:evil: 時 , 我一想起這句話便可以充滿力量湊女! 試吓啦 !
發表於 
返回列表
