吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 有冇媽媽好似我咁?

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1829 | 回覆: 33

[2007年] 有冇媽媽好似我咁? [複製鏈接]

PearPear

大宅

積分: 1292

1^#

發表於 08-3-14 14:59 |只看該作者 |倒序瀏覽 |打印

自從放完產假返工後, 覺得個人好忙好忙, 好攰好攰! 自己完全無時間做其他野, 就連新聞都唔得閒睇...

我唔駛返工日子, 就自己湊返. 放工返到屋企, 同小b沖涼, 跟住自己食飯, 跟住同佢玩一陣, 就餵佢食最後餐奶, 佢通常好眼訓所以食得好慢. 跟住佢訓左(佢同我地一間房), 我先自己沖涼,做下自己野, 通常成12:30訓.

如果小b訓得好都無問題, 但間歇性, 突然中途醒. 好似呢個星期, 唔知無拿拿4點幾醒. 琴日最慘, 佢醒左十幾次, 我起左十幾次身, 今日返工個人好攰好辛苦.

公司又做得唔開心, 已經無時間, 都仲要搵時間搵工....

想知道有冇8月媽媽好似我咁?? 入黎一齊"呻"下...

0 0 0

私人傳訊

My-BeeBoy

別墅

積分: 947

2^#

發表於 08-3-14 16:42 |只看該作者

唉! 點解咁熟口熟面?
bb現在7個月大, 完全無理自己嘅外觀. 無時間做其自己野, 唔好話新聞唔得閒睇, 有時幾日都無開電視機. 不過我訓練bb睇天氣, 最鍾意天氣先生. 咁開始睇番新聞同天氣lu

呢個星期bb都好反訓,噚晚醒三次4:30am 起身玩到天光. 我呢就食飯時間恰一恰

公司好多妖怪,搵工都無時間, 唯有忍不住先

私人傳訊

Karena1015

男爵府

積分: 9099

3^#

發表於 08-3-14 18:39 |只看該作者

唉~~鬼叫我地係mami咩，
永遠阿b夜晚起身老公都瞓到成隻豬咁，
我都度緊幾時唔做而家份工，
係屋企又成日比99話我唔識湊仔，
咁阿b佢湊開，一日佢餵2餐粥仔，
到星期六、日我餵時佢唔食，
我平時都冇餵開佢，
佢唔食我都覺得都好正常，
但佢就好似話到我好廢咁

我都好想自己湊返唔洗靠佢，
但老公又搵得唔多，
我唔做野又唔得，
早知一早搵個有

d既老公啦

私人傳訊

joeyjoey711

大宅

積分: 2363

4^#

發表於 08-3-14 20:00 |只看該作者

其實我地呢d做全職媽媽既都唔好得去邊架... 阿女日日勁早7點8點就起身... 日日都要諗野陪佢玩, 又要整呢樣整果樣比佢食... 唉~ 又成日痴身到死, 想做下家務都難呀... 到夜晚十點瞓左, 我先可以做下家務, 做下自己野, 上下網, 沖涼... 洗埋奶樽晚晚都成12點1點先有得瞓.... 仲慘過返工囉... 阿女唔札醒都可以一齊瞓返4-6個鐘... 但係近兩晚阿女成日都札醒喪喊... 唉... 好攰呀...

兩個寶貝囡~ 每日更新blog~

http://hk.myblog.yahoo.com/kevinjoey-family/

以生命享受生命 !!

私人傳訊

violetbb

大宅

積分: 1907

5^#

發表於 08-3-14 20:10 |只看該作者

永遠阿b夜晚起身老公都瞓到成隻豬咁

私人傳訊

teresath

洋房

積分: 235

6^#

發表於 08-3-14 22:01 |只看該作者

Exactly same with me.

原文章由 PearPear 於 08-3-14 14:59 發表
自從放完產假返工後, 覺得個人好忙好忙, 好攰好攰! 自己完全無時間做其他野, 就連新聞都唔得閒睇...

我唔駛返工日子, 就自己湊返. 放工返到屋企, 同小b沖涼, 跟住自己食飯, 跟住同佢玩一陣, 就餵佢食最後餐奶, 佢 ...

私人傳訊

A.C.C.

大宅

積分: 3786

7^#

發表於 08-3-15 11:33 |只看該作者

生咗囡囡之後，雖然轉做PART TIME，但已經成7個月未連續坐低睇過半個鐘頭電視.....有時會倦到同BB玩玩下自己瞓著，多數係囡囡爬過來拉我頭髮先會醒

私人傳訊

LOKLOK89

大宅

積分: 3157

8^#

發表於 08-3-15 12:00 |只看該作者

原文章由 PearPear 於 08-3-14 14:59 發表
自從放完產假返工後, 覺得個人好忙好忙, 好攰好攰! 自己完全無時間做其他野, 就連新聞都唔得閒睇...

我唔駛返工日子, 就自己湊返. 放工返到屋企, 同小b沖涼, 跟住自己食飯, 跟住同佢玩一陣, 就餵佢食最後餐奶, 佢 ...

我都係啦

,仲有要比時間照顧大囝功課及親子時間

.爸爸仲話快D交細B比工人房瞓

,我驚印印瞓到死豬無人同佢冚被.

私人傳訊

sbear

複式洋房

積分: 118

9^#

發表於 08-3-17 01:16 |只看該作者

回覆 #4 joeyjoey711 的文章

同意呀... 最近我轉左做全職媽媽.... 亦即係24小時on-duty的經理人.. 無年假、無私人時間... 連沖涼都要等有人接手湊住bb先得... 每日都要諗同佢玩咩好呢... 返工都仲有開工那幾小時"私人"生活... 食飯有1個鐘official hour.. 但湊b就無啦... ..

近排99仲入左院... 唔知幾時先出到來... 老公放工又要去探完佢先回家... 等他回來.. 我才有得休息吓咋....

有時真係諗唔到仲有什麼東西可以跟bb玩... 正所謂吃力不討好... 玩到悶晒,bb一d笑容都無... 相反阿爸一入門口就笑晒.... 唉...

私人傳訊

icecream88

別墅

積分: 548

10^#

發表於 08-3-17 03:39 |只看該作者

我係全職媽媽,BB出世到現在,我全身及對手仲痛緊, 我BB8月2日出生, 最緊出緊牙仔, 最近都係晚晚起幾次身, 早上7點左右就起身, 早幾日又發燒, 睇2次醫生, 原來係出疹(玫瑰疹),唔知點解會感染到, 唔知係咪成日帶佢去茶樓, 多人的地方, 近期流感的菌好惡, 現在冇帶仔仔出街, 日日同BB係屋企, 想出去行下都冇, 晚上我要煮飯比老公食, 做家務, 由朝做到晚,真係好辛苦, 睇一個都好辛苦, 仲想追多個, 到時都唔知忙成點.

私人傳訊

qwe2132007

大宅

積分: 2461

11^#

發表於 08-3-17 09:15 |只看該作者

各位8月會媽咪

我是一個WORKING MOTHER, 相比各位,
我比較LUCKY,因工作比較忙,我能力兼顧不到,
平日有媽媽和工人湊B, 我只在WEEKEND才和老公
一齊湊B.

我真的覺得各位為孩子的犧牲, 非常偉大.

私人傳訊

MamaQueen

大宅

積分: 4016

12^#

發表於 08-3-17 10:22 |只看該作者

做了媽媽之後, 生活和以前大大不同。每日6點起床, 餵奶, 返工10小時(仲要泵兩次奶), 回家要同bb玩,...
每日都好似好多野做, 好趕好趕, 沖個涼都要好快, 好耐無仗做過mask, 生完之後未剪過頭髮(好想去, 但花唔起時間), 未試過自己(唔帶bb同老公)同d朋友出街 ... ...
我份工都幾忙, 但我自己幾鍾意, 返工係攰d, 但起碼有d私人時間, 可以上吓網, 所以我都好佩服那些全職媽媽。

私人傳訊

sandy0905

複式洋房

積分: 405

13^#

發表於 08-3-17 10:49 |只看該作者

唉...睇到你地既case, 突然自己好似感同身受咁, 好想攬埋一齊喊. 自從bb出佐世, 我永遠都冇假放, 返工要做, 放佐工返到屋企又即刻要做, 晚晚都1:30先有得瞓. 我係mami 幫我揍亞b既, 我放假, mami就放假, 因為我唔想佢咁辛苦. 但其實我就真係好辛苦, 完全冇自己私人時間. 老公係放平日既, 我媽咪都會在, 佢都可以瞓到下午2:00-3:00. 仲有我mami 幫手. 可以講, 係得我一個人做足365日, 全身都痛, 我now仲要貼關節痛果d膠布添丫..好想喊.

私人傳訊

A.C.C.

大宅

積分: 3786

14^#

發表於 08-3-17 15:24 |只看該作者

原文章由 sandy0905 於 08-3-17 10:49 發表
我now仲要貼關節痛果d膠布添丫..好想喊.

我都係成日手痛腰痛，之前抱住囡囡，佢扭計，結果我為咗就力就傷咗腰，雖然醫生話要瞓床，但老公又湊唔掂阿女，最後都無辦法休息.....生咗之後，香水臉膜就無擦過敷過，但安美露撒隆巴斯就日日又擦又敷

原文章由 MamaQueen 於 08-3-17 10:22 發表
每日都好似好多野做, 好趕好趕, 沖個涼都要好快, 好耐無仗做過mask, 生完之後未剪過頭髮(好想去, 但花唔起時間 ...

生完之後剪過3次頭髮，都係趁lunch衝出去，搵間最近公司嘅鋪頭，求其剪完就算，好彩剪完都叫做見得人，起碼比自己剪好......

私人傳訊

冷暖自知

大宅

積分: 1151

15^#

發表於 08-3-17 16:11 |只看該作者

我都好攰呀...

日日返工已經好攰, 返到屋企仲要自己湊返阿b, 真係好想辭咗一份工, 湊仔OR做野, 做返一樣已經好夠, 有時真係好佩服生兩個三個既姐妹, 一個我已經頂唔順啦!!

私人傳訊

yandonbb

大宅

積分: 3939

16^#

發表於 08-3-18 10:05 |只看該作者

有時真係覺得好攰又好嬲...我覺得我辛苦湊b唔緊要...我夜晚起幾多次身都冇所謂..因為為左個b...但我有次我返緊工果時同個c6講..我好眼訓..佢竟然講.."你唔係呀..昨晚咁早訓.咁早就眼訓"...跟住我慶慶地咪同佢講.."你訓到死豬咁梗係好訓啦~我成晚成左十幾次身呀" 跟住佢仲要話 "係你自己要湊之麻..唔關我事"...我果時真係超慶囉...佢自己超做人阿爸既責任都唔知係咩..成日諗住有佢阿爸阿媽湊個女..就咩都唔理..我要湊係我自己既事..唔關佢事..個女佢都有份嫁..唔係有人湊你就唔洗理佢囉! 我有時真係想同佢分開..因為我生完個女咁耐..都唔覺得佢識做人老豆..咩都唔理..如果有一天我唔理個女..我覺得佢真係可以得閒先去睇下個女果隻..平時返到home 已經我有我湊個女..佢有佢自已做自己野...上完網睇完電視就訓教..都唔會同個女玩下...有時我都未夠鍾餵佢最後一餐奶..咁咪同個女係房玩下..佢又覺得我阻住佢訓教...你估我唔想訓嫁..我都想訓嫁..要訓都要攪掂晒個女先訓得嫁! 佢仲越來越覺得我煩...成日咩都要顧住個女..講咩都係個女...咁生得佢出..咁就要理佢嫁啦! 都唔想比佢受傷害嫁麻! 例如..我要去洗白白叫佢睇住個女一陣..佢就放個女係梳化...但佢自己可以行開..唔洗睇住個女嫁喎..佢真係覺得個女唔識"旭"嫁..佢一反就會跌落地嫁啦! 之後我見到咁咪同個 c6講..大家知唔知佢同我講咩呀! 超低能囉!
" 唔跌下..邊識大嫁" ...都唔知佢有冇腦嫁..不如你試下去自殺睇下死唔死得! 越打越激氣tim...佢d衰野..要講有排我打呀!

私人傳訊

sandy0905

複式洋房

積分: 405

17^#

發表於 08-3-18 10:36 |只看該作者

mouth: 你老公超過份喎, 咁你地生bb之前有冇好好地咁傾過ga, 我未生bb之前, 我老公都係d咁既人來ga, 我仲好擔心我生佐之後咩都係我搞掂亞囡, 但又好慶幸亞囡出佐世c6都好錫/照顧亞囡. 你一係同你c6好好咁傾下啦, 你可以忍到幾耐? 呢個問題唔可以唔解決. 或者你地傾完情況會好轉呢

私人傳訊

My-BeeBoy

別墅

積分: 947

18^#

發表於 08-3-18 11:26 |只看該作者

回覆 #1 yandonbb 的文章

yandonbb,
你唔好嬲啦!
bb三個月到個時, 我都有相同感覺, 覺得c6唔大,晚晚食,訓同打機. 吵左一大鑊.

平心靜氣傾, 先知道c6唔識handle bb, 所以我就好似教工人咁, 由簡單嘅開始. 依家好少少, c6 放工會同bb玩. 有時會工作時間偷偷地反屋企睇bb.
c6同我話覺得我生左bb后, 好tense, 好似好唔開心,唔明why,咁我嘗試放鬆自己, 咁睇野唔同左, 感覺bb同我都開心左.
記住bb係你兩共同擁有,bb會大,會有自己嘅空間, c6先至係你嘅伴侶.
大家一起努力