婆媳關係 今日: 5 | 主題: 27778

積分: 2165

1^#

發表於 08-3-25 22:21 |只看該作者 |倒序瀏覽 |打印

我本身係香港人,早兩年(06)嫁左過嚟大馬,我老公算係o係一個單親家庭下長大,因為我62 o係佢12歲左右就去左美國一去不返

,除左99之外我仲有一個叔仔(已婚),我同叔仔佢地既關係都算幾好,畢竟我離鄉別井嫁過嚟,雖然同99無乜啱傾,但我曾經都當佢係半個阿媽咁看待,直至早排發生左一件事~~~~~

話說上年年尾我阿婆入左院,我媽打電話比我同我講(我o係大馬),佢話如果可以的話就返嚟探吓阿婆,老人家既野話唔埋,入得一次醫院就危險多d~(我阿婆成93歲,當時佢個腎只得番一成功能:( )

之後我同我老公商量過,決定儘快返港~原先係諗住我自己一個返去幾日,老公個弟婦幫我睇bb~隔左一日後(我仲未走),唔知我99 o係邊度收到風知我要返港,佢打比弟婦既時候,乘機叫我聽,內容如下~

99:[你返香港做咩野?(聲線拉長)]
我:[吓~(心諗佢無理由唔知)無呀,我媽咪講話我婆婆入左醫院,叫我可以的話就返去睇睇佢!]
99:[你阿婆入左醫院咁又點?(再拉長聲線)]
我(無諗過佢問得咁奇怪):[吓~咁我阿婆佢發燒入左醫院,佢之前已經講過話想見我,我媽咪又叫我可以既話就返去睇睇佢喎!]
(其實果刻我都唔知答佢咩好

)
99:[唉~咁你覺得一個未來既社會主人翁(囝囝)緊要d,定係一個幾廿歲既百爺婆(我婆婆)緊要d丫?]
當我聽到佢呢兩句說話既時候真係眼都突埋...佢無啦啦做咩攞我個仔同我阿婆比啫?!兩樣野有咩[啦能]?莫非我去探阿婆就無左個仔呀?真係痴痴地?-( !!!!!本來果刻真係好想插佢架(99都係咁話),但與此同時我又會因為我自己既99講得出呢d咁既說話而感到好失望,甚至乎眼濕濕口窒窒,但我都照同佢講...
我:[咁老人家入醫院呢d野,出唔出得返嚟都話唔埋加嘛...]
(呢句說話我真係唔想講出口,果刻我忍眼淚忍得好辛苦)
99:[咁就叫你阿婆買張六合彩啦~中左個頭獎大把錢,可以做個有錢人咯...哈哈(自講自笑兩聲)]

雖然我唔明佢講呢句野係咩意思,但講到呢度我已經無心情再同佢講落去,之後我就借d倚比番個電話弟婦,等佢收佢線!轉頭我同個弟婦講番內容,個弟婦就話:[阿媽係咁架,佢睇呢d野睇得好淡~],我就覺得~99,你睇呢d野睇得淡係你既事,你咁大個人有咩理由o係呢d時候講埋d近乎風涼話既說話?試諗吓第時你百年歸老,如果子孫唔o係身邊,你又係咪真係咁睇得淡:tongue: ?

自從呢件事之後,我對佢既好感即刻無晒,我亦唔可能再當佢係半個阿媽,因為我媽咪絕對唔會講埋d咁冷血既說話!

至於佢講話中六合彩咩咩咩果兩句野,我到而家都諗唔明佢既意思,我媽咪就估會唔會係話:[入得醫院就香得,買六合彩都中頭獎啦~],我朋友就話可能係我99覺得我成日飛嚟飛去(一年1次咋)駛我老公唔少錢喎!

我同我婆婆既感情好好,我最錫既就係佢,我99竟然o係呢d生死關頭攞我婆婆嚟講笑,簡直就係篤正我既死穴

,不過令我覺得最傷心失望既係~佢身為99(長輩),竟然會咁不近人情咁講埋d咁難聽而無稽既說話!?!如果換轉入醫院既係佢阿媽,佢會唔會對自己d仔講d咁既說話,或者阻止d仔去睇阿婆呢?好明顯唔會啦!由此可見,佢唔尊重我同我既屋企人不特止,仲要比人覺得佢冷血無情!最後我婆婆過左身,我趕唔切返去見佢最後一面(我永遠都記得呢樣野係佢地欠我架

)!但我都有返去幫手搞我婆婆既身後事,我媽咪仲叫我帶埋囝囝返去添(佢唔放心留比99同弟婦湊)~

唔知各位姊妹明唔明我99講果句六合彩頭獎背後有咩含義呢?我到而家都諗唔明,希望可以大家幫手分析吓,比d見解~thx~~

0 0 0

私人傳訊

小肥§澄

子爵府

積分: 11779

wyeth冷知識勳章畀面勳章環保接龍勳章親子達人勳章 BK Milk勳章

2^#

發表於 08-3-25 22:53 |只看該作者

諗左好耐，唔明大馬人點諗，或者同佢地生活習慣有關?
如果去估:
1.叫你阿婆中左6合彩，有錢就唔使靠任何人(有的人以為錢是萬能)
2.如果你阿婆有錢，自己個孫唔使嫁到o甘遠，隨時都睇得到?

私人傳訊

wmpl

積分: 3000

3^#

發表於 08-3-26 02:21 |只看該作者

樓主,我認為你媽咪解釋你99話買六合彩件事講得啱,
不過你弟婦話佢甘講因為係睇得淡?我就認為唔啱,
根本係人睇人哋都會睇得淡,但如果心裹面有尊重你都唔會甘講嘢,
我又唔信佢真係會睇得淡,如果係根本唔會干涉你,
係佢唔想你甘重娘家d人,想你嫁咗就只重男家,
所以先會講d甘嘅說話俾你聽,
無錯世界上係各處鄉村各處例,但無某地方嘅人就一定會甘涼薄,
話明有親人就嚟死都俾風涼說話人哋聽,
我完全覺得係唔尊重嘅表現,
你又放長雙眼睇吓你99到臨死仲睇唔睇得淡?！

其實我嗰件物體都係甘賤,舊年我阿媽有cancer末期,
醫生都話係冇得醫,真係等死,
一早我都同嗰件物體講明咗,話我好可能要日日照顧阿媽,
會無時間喺屋企幫佢手,但佢都依然週圍唱我鬧我衰,
話我曰曰借頭借路走咗去唔做屋企嘢,
無幾耐我阿媽真係走咗,條PK連帛金都唔想做,
以上我喺其他topic 度都講過,無謂再講,

仲有一件事令我好憎佢嘅就係,喺隨時都要照顧我阿媽期間,
有一晚我喺屋企,有人打俾佢,話有迪士尼免費飛,問佢要唔要,
甘佢就話自己唔啱玩就去嚟都無癮,但個新抱同個孫就好想去,
同人講話叫我陪佢個新抱同孫去,跟住先走嚟問我好唔好,
我已經好反感但都答佢話,我都一早話咗俾你聽我呢排都唔得閒啦,
佢就話,都唔係要即時去,可以遲少少先去,你遲d都得閒啦,
上次阿女話陪佢哋去,最終又冇去到,甘你咪陪吓佢哋去lor,

我真係好想小佢,但都忍住度氣話,就算遲d先去,我阿ma而家甘樣,
我都答唔到你幾時得閒,無謂應承咗又唔去啦,

佢仲要講話,你阿媽冇事嘅,去一日之嘛,
唔會有甘啱就係你去嗰日呀?唔駛錢今次,去啦！

講到呢度,我直情想打X佢,心諗你唔係呀?係咪人嚟你?
為咗幾張免費飛就甘講嘢?想迫我去?
係唔係做人要畫公仔畫出腸呀?我仲有心情同應該去玩咩?
根本你知我呢排屋企有事都唔應該問我去唔去玩啦！
你係要問,甘我都答哂你點解我唔去啦,
我阿媽甘樣你都話冇事,甘係咪要死咗先算有事呀?

跟住我就好晦氣講,唔係錢唔錢嘅問題,係我唔想去lor,
上次我屋企人,又有次我d fd,都話唔駛錢請我去,
我都話唔去,甘我點解今次要陪你個新抱同你個孫去啫?
好玩d嘅咩?我唔覺得wor！

係PK聽到我甘講就唔出聲但又死唔忿氣,
同個朋友大大聲講電話嚟單打我,
淨係同人講話係我唔肯去,所以d飛就唔要啦,
又話都唔知做咩我唔駛錢都唔去,甘唯有等下次啦,
又話甘好機會有免費飛都唔去,下次都唔知等幾時先有,
仲同人講話唔好意思,或者下次等我得閒先再算啦！

正一PK大賤種,未問過我就自己應承人,
仲咩都賴九我唔啱,從此我憎到佢入骨!!!

私人傳訊

JFL

積分: 17189

4^#

發表於 08-3-26 03:23 |只看該作者

Ｄ大馬奶奶好多都好難頂架,唔知系末同佢地早年在大馬o崖生o崖死有關,我個fd個大馬奶奶又系咁,普通朋友同佢傾計己經頂佢唔順,真係難為了家嫂,我個fd己經冇老公在場唔會返去大馬啦!你奶奶果句﹝咁就叫你阿婆買張六合彩啦~中左個頭獎大把錢,可以做個有錢人咯...哈哈(自講自笑兩聲)]我同意小肥澄講"如果你阿婆有錢，自己個孫唔使嫁到o甘遠，隨時都睇得到!"會唔會系佢都系睇錢大個天嘅人黎嗎?!

[ 本文章最後由 JFL 於 08-3-26 03:25 編輯 ]

私人傳訊

giraheiyear

積分: 17011

5^#

發表於 08-3-26 03:49 |只看該作者

我99係我阿爺死時都唔比我老公去話因為我老公嗰個月生日會沖, 但係我同我老公同1個月生日架, 同埋肺up咗好多理由叫我老公唔好去...包括我哋無擺酒結婚....之後我1嚟好唔開心, 2嚟好唔高興佢咁講, 就講: 咁你都唔好係你d仔女孫生日月份死la, 唔係無人送你架! 佢先唔出聲, 但係都係無比帛金, 我唯有好女2頭瞞, 幫佢比....

私人傳訊

積分: 2165

6^#

發表於 08-3-26 06:54 |只看該作者

原文章由 wmpl 於 08-3-26 02:21 發表
樓主,我認為你媽咪解釋你99話買六合彩件事講得啱,
不過你弟婦話佢甘講因為係睇得淡?我就認為唔啱,
根本係人睇人哋都會睇得淡,但如果心裹面有尊重你都唔會甘講嘢,
我又唔信佢真係會睇得淡,如果係根本唔會干涉你,
係佢 ...

咩你99又係咁冷血架

?

o係呢d咁既情況底吓做既野同講既野都唔分輕重!如果屋企人有事,食龍肉都無味啦,莫講話咩免費飛去玩啦,佢真係痴線?-( !係我我就唔會預你,叫你留多d時間陪媽咪~唉~~我完全明白你既感受,遇著呢亭99,根本都當新抱既屋企人唔係人(甚至乎連新抱都唔當),點會設身處地去諗其他人既感受,一句講晒都係自私

私人傳訊

積分: 2165

7^#

發表於 08-3-26 07:02 |只看該作者

原文章由 JFL 於 08-3-26 03:23 發表
Ｄ大馬奶奶好多都好難頂架,唔知系末同佢地早年在大馬o崖生o崖死有關,我個fd個大馬奶奶又系咁,普通朋友同佢傾計己經頂佢唔順,真係難為了家嫂,我個fd己經冇老公在場唔會返去大馬啦!你奶奶果句﹝咁就叫你阿婆買張六合彩啦~ ...

佢睇錢睇得重唔重就真係佢自己先知!?但我知佢搵錢都辛苦,以前仲要母兼父職,即使而家,有時佢都有經濟上幫吓d仔(佢搵得唔多),所以我估佢睇錢都唔輕~

但錢係一個問題,親情係另一個問題!駛錢駛得多與少你可以開門見出講出嚟,再者o係呢d生離死別既關頭,係咪為錢就要講d咁難聽既說話比人聽呢?做人唔好做到咁冷血丫嘛,你自己都有阿媽生架,做咩要抹殺人地既孝心,攞嚟開玩笑喎?無陰公~

私人傳訊

積分: 2165

8^#

發表於 08-3-26 07:07 |只看該作者

原文章由 giraheiyear 於 08-3-26 03:49 發表
我99係我阿爺死時都唔比我老公去話因為我老公嗰個月生日會沖, 但係我同我老公同1個月生日架, 同埋肺up咗好多理由叫我老公唔好去...包括我哋無擺酒結婚....之後我1嚟好唔開心, 2嚟好唔高興佢咁講, 就講: 咁你都唔好係 ...

佢自己唔去都唔比個仔去,或者佢覺得你爺爺同佢無啦無lung,但你阿爺都算係你老公半個阿爺,佢有咩理由阻止喎?!好明顯又係一個唔當新抱係屋企人既例子,真係好討厭

,都唔知佢地個腦諗咩

私人傳訊

kkttssng

侯爵府

積分: 23465

玩具勳章畀面勳章 wyeth冷知識勳章環保接龍勳章大廚勳章 BK Milk勳章

9^#

發表於 08-3-26 09:41 |只看該作者

我認為佢係叫你婆婆買6合彩,中彩大把錢,買定金銀衣紙燒定落去, 落到去做有錢人....

又或者係話如果佢中左..過身後留俾你地..你地就可以做有錢人lu...

如果俾我估中,咁你99真係黑心啦....

私人傳訊

sunba_mama

別墅

積分: 641

10^#

發表於 08-3-26 12:04 |只看該作者

我估你個衰99嘅意思係：如果你嘅婆婆係超級富婆，死咗就有錢分，遺產有你份，咁就有得分就話仆到返去囉。同埋佢就睇小你屋企，要中咗六合彩先會有錢分囉！
我唔係想中傷你99，你99個人講嘢都幾刻薄，同狗眼看人低！
你99嘅轉數都幾快，睇黎佢知你無佢咁賤，講d嘢有骨，但係又博你唔識聽，等你無得話佢！

私人傳訊

必朱

男爵府

積分: 5911

醒目開學勳章

11^#

發表於 08-3-26 12:28 |只看該作者

佢睇唔起你屋企人呀!
話你仆返去有得分咩 !
我覺得係咁意思 , 你弟婦外家有冇錢o家, 佢對你弟婦係唔係咁?

私人傳訊

clintonma

別墅

積分: 652

12^#

發表於 08-3-26 15:49 |只看該作者

唔駛講咁多, 第時你99有咩病痛時, 記得唔好探之餘, 仲要同佢講番, 係你話未來主人翁重要過你呢種老野 :;pppp:

私人傳訊

zone

積分: 15295

畀面勳章

13^#

發表於 08-3-26 17:03 |只看該作者

嘩!佢講d咁架野,我覺得真係好離譜,下次有咩事,你都比返說話佢聽,eg佢叫你去飲茶,你話要睇住bb,因為bb係未來主人翁.總之佢叫親你去見佢,你都咁講,睇吓佢有咩反應,如果佢話你,你就話,我好聽你話架,你的說話我唔會唔會架,我幾考順你呀.

私人傳訊

KoyeBaby

子爵府

積分: 12904

醒目開學勳章畀面勳章

14^#

發表於 08-3-26 19:14 |只看該作者

原文章由 zone 於 08-3-26 17:03 發表
嘩!佢講d咁架野,我覺得真係好離譜,下次有咩事,你都比返說話佢聽,eg佢叫你去飲茶,你話要睇住bb,因為bb係未來主人翁.總之佢叫親你去見佢,你都咁講,睇吓佢有咩反應,如果佢話你,你就話,我好聽你話架,你的說話我唔會唔會 ...

私人傳訊

積分: 2165

15^#

發表於 08-3-26 20:09 |只看該作者

原文章由 sunba_mama 於 08-3-26 12:04 發表
我估你個衰99嘅意思係：如果你嘅婆婆係超級富婆，死咗就有錢分，遺產有你份，咁就有得分就話仆到返去囉。同埋佢就睇小你屋企，要中咗六合彩先會有錢分囉！
我唔係想中傷你99，你99個人講嘢都幾刻薄，同狗眼看人低！
你99嘅轉數都幾快，睇黎佢知你無佢咁賤，講d嘢有骨，但係又博你唔識聽，等你無得話佢！

我都係咁諗,佢o係度講d佢自己先明既野

!即使果刻佢要點樣中傷我,我都無心情駁佢,只係佢既言行令我對佢好失望,枉我仲一直當佢係阿媽

私人傳訊

積分: 2165

16^#

發表於 08-3-26 20:43 |只看該作者

原文章由必朱於 08-3-26 12:28 發表
佢睇唔起你屋企人呀!
話你仆返去有得分咩 !
我覺得係咁意思 , 你弟婦外家有冇錢o家, 佢對你弟婦係唔係咁?

我弟婦同佢地同一個鄉下,弟婦屋企係無錢兼孤寒,弟婦媽咪仲要係講到明咩都睇錢份上果種人

~早排同弟婦傾開偈,佢同我講起佢結婚果陣時d禮金(當時我未識我老公),佢話佢媽開價5千馬幣,但叔仔就還價3千(5千都唔係多架喇,仲可以還價

? ),但佢媽就堅持要5千,如果唔係就叫個女唔好嫁!之後佢地兩公婆返到屋企,為左呢個問題o係度嘈,我99聽見之後,走去鬧我個弟婦,話講左3千就3千啦,迫佢地(女家)要收3千!我當時已經心諗,有無搞錯?娶新抱比禮金好正常,無錢既話咪好聲好氣講囉,做咩要鬧人地個女

?如果係有心娶呀,就唔差在果2千啦,仲要鬧人真係不知所謂

!最後我叔仔只係比左3千蚊,而弟婦媽咪都收左,可能係因為個女都大左肚,唔嫁都無意思卦?!

至於2年前我地結婚既禮金,係一亳子都無比到,主要係因為當時我唔識呢樣野,如果唔係我實要我老公比~果陣時我同老公註冊,我媽咪阿姨細舅父舅母我哥同細佬都有嚟,因為我自己唔識呢d野(禮金),所以從來都無問過我老公(無商量過),而我媽咪亦都無提過,我以為呢d係男家做主動加嘛~我知道我老公比左500蚊星幣我媽咪返香港買餅卡,之後就無比過任何錢佢喇!弟婦同我講佢都有問過我99,我結婚既時候比左幾多禮金?我99話:[唔知呀~EVA(我)媽咪都無同我傾...],即係一亳子都無比囉

!註冊當晚擺左幾圍,我99只係封左封利是比我,而我媽咪佢地除左利是之外,仲送左d鑽石首飾同金頸鏈/手鏈比我,媽咪又比左條金手鏈我老公,相比之下男家真係好寒酸~禮金欠奉,d金器都慳番...

而我媽咪亦從來無同我提過無收禮金既事,我諗o係佢既立場,最緊要係個女開心同鍾意,最緊要係個女婿好,況且都明知男家唔係d咩有錢人,收得果一萬幾千唔通會開心d咩?男家唔主動唔通要女家大人大姐咁走去問人攞禮金咩?所以我媽咪從來都無提呢樣野,真係講心唔講金

~

到後嚟當我知道咩野係禮金既時候,我就有d戥我媽咪唔抵,唔聲唔聲咁嫁左個女出去,仲要自己貼錢嚟觀禮!最慘既係男家既人對我又唔係好,所以有時同媽咪傾開電話,同佢呻吓,佢都會話我當初做咩唔考慮清楚呢?由我拍拖到結婚嫁到離鄉別井,我媽咪從來都無加過任何主意,亦從無反對過,而家我每次諗番都覺得自己好自私,好內疚

!自從嫁左之後亦完全明白[在家千日好]既道理:lol ~

真係要講聲~媽咪:我愛您

!!!!!!!!!

[ 本文章最後由 evashao 於 08-3-26 21:03 編輯 ]

私人傳訊

積分: 2165

17^#

發表於 08-3-26 21:07 |只看該作者

原文章由 clintonma 於 08-3-26 15:49 發表
唔駛講咁多, 第時你99有咩病痛時, 記得唔好探之餘, 仲要同佢講番, 係你話未來主人翁重要過你呢種老野 :;pppp:

講真,撫心自問我真係講唔出呢d野,佢冷血但我唔係丫嘛:;pppp: !同埋佢講呢番說話真係無厘頭到爆,係佢先up得出

私人傳訊

積分: 2165

18^#

發表於 08-3-26 21:14 |只看該作者

原文章由 zone 於 08-3-26 17:03 發表
嘩!佢講d咁架野,我覺得真係好離譜,下次有咩事,你都比返說話佢聽,eg佢叫你去飲茶,你話要睇住bb,因為bb係未來主人翁.總之佢叫親你去見佢,你都咁講,睇吓佢有咩反應,如果佢話你,你就話,我好聽你話架,你的說話我唔會唔會 ...

從來只有佢嚟搵我地,我地係唔會特登去搵佢架(佢住o係星加坡)~
再者,佢嚟搵我都係想見佢個孫之嘛,我同佢都唔啱咀型,佢先至唔會專登搵我:;pppp: !

況且件事都隔左幾個月,我自己都唔想再提(主人翁),唔想再去諗番佢d尖酸刻薄既說話,我個人亦無咁小器對佢舊事重提!因為囝囝越嚟越大,慢慢實有d新既黐線野等我去領教?-( !

私人傳訊

JFL