吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我claim住院保險的慘痛經歷 – 極長

自由講場今日: 2442|主題: 1364376

收藏本版

發帖

返回列表

跳至頁

查看: 34235 | 回覆: 171

12 3 4 5...9

積分: 1596

1^#

發表於 14-11-19 13:47 |只看該作者 |倒序瀏覽 |打印

我係英國x誠買左幾份保險好幾年，期間從未claim過，今次因有痛症要入院而claim住院果份。因為我第一次claim，所以我做足功課周圍問人意見，以確保自己會claim得倒錢先入院，因為私院既醫療費郁d就要萬萬聲。
我入院前問過agent意見超過3次，因為醫生再三提醒我佢唔保証一定claim倒保險的，叫我最好問清楚agent意見，我將醫生既竟見轉述俾agent聽，亦問agent可否介紹專科醫生俾我睇，agent拒絕我，同我講只要醫生轉介我入院就會claim得倒。

入院check後，報告話我係有病症的，但就唔駛做手術，而留院期間我有做物理治療。我出院後，將d單交晒俾個agent，佢睇完都仲好有信心話我實claim倒無問題的。但我等左一個多星期後，一直追問住個agent都話問左但未有消息，最後由我自己係網上睇倒保險公司判斷我個case係未能符合保單條文，只按入院做身體檢查咁賠償幾千俾我。

我簡直係晴天霹靂，即時打俾agent問發生咩事，agent當然又係咩都唔知，話無理由咁架喎，跟住agent第二日幫我寫左封好簡單既上訴信俾賠償部叫佢地再review我單case.攪完一輪後，agent話公司要我提供住院排版，我要額外問醫院攞要俾多$600，最後我連埋醫生信(証明當初轉介我入院的原因)一齊俾賠償部再次review。得出既結果仍然係我唔符合保單條文，但就酌情賠多少少俾我，總數賠一萬幾。

對於呢個最後既結果，我因為難以理解個原因再次打俾個agent問意見，佢竟然話去到呢個階段已經無野可以幫倒我，仲暗示話公司肯酌情俾多少少已經仁至義盡，我真係頂佢副咀臉唔順羅！明明入院之前佢多次話會claim倒無問題架，而家我攪成咁，佢表現到完全唔關佢事咁款，仲對我冷言冷語，落井下石！

之後我自己再打去hotline問，hotline d接線生淨係識話我唔符合保單條文，我真係唔明點唔符合法，我要求負責我case既人直接同我對話，接線生又話唔可以，有咩問題要由佢做傳話，於是又攪左一大輪，期間受盡接線生既氣！最後，我親自上左客戶服務門市部講番我既情況，我話agent答唔倒我既疑問，又話無野可以再幫倒我，打去hotline問，d接線生又解釋唔倒我單case，終於幾日後先有個賠償部可以答到我問題既人同我通電話。但都要經過幾次痛苦既溝通，我先真正明白到我點樣唔符合保單條文既”醫療必須”既其中一項條文:
- 就受保人的病徵或病情，在不入住醫院的情況下是難以安全地進行。

我一直以為醫生寫得唔好而令我claim唔倒，原來我單case係呢份保單黎講真係唔符合架，因為我係睇醫生後一個星期先入院，因為無床位，咁已經唔係急症case啦，而且醫院分流我係”非緊急”，已經唔符合了。

講真，一般人就算睇倒d字都真係好難理解佢地既意思，如果唔係我死心不息咁問，我都唔知原來每份保單既”醫療必須”都唔同架。原來我買左份超難claim既住院plan，如果唔係做手術、危急既情況下入院根本claim唔倒錢架。買之前同之後，agent從無同我解釋過呢d重點，如果我一早知，我一定唔會買呢隻plan!
問題係點解連agent都唔識呢d條文呢？唔識唔緊要，點解答我之前唔花少少時間睇下我買左份咩保單，唔幫我問下公司究竟我單case有無得claim就答實我話有得claim呢？
會累死人架！

好彩，我保留左我同agent既溝通記錄，呈上俾保險公司，最後我得到應得既賠償了。

本來我從無打算投訴個agent的，只係打算完左個claim之後換agent就算了，但係個agent係成件事上實在表現得太差，而最後得知上訴結果後個態度係極之衰格。而且全個過程佢都無跟進過件事，所有野都係靠我自己花左好多寶貴既時間同精神去問番黎的！我呈上資料之前都猶豫左好耐，因為擔心俾左佢公司之後，會對個agent有不良影響。但事實話俾我知，原來我係做得絕對正確架，因為件事仲未完，竟然…唉!

我收到賠償帳單後，發現金額係錯的，我手頭上有份加左價既金額表(e.g. 病房錢由$750加到$850)，我即時同賠償部講，點知賠償部既人質疑我手上既金額表係自己上網print的，我就叫佢同agent confirm左先覆我，點知覆番黎既結果係agent話從來無俾過金額表俾我！我一度懷疑我手頭上既金額表係邊個俾我，於是我左check右check下好肯定係agent俾我的，因為個表上面係有agent既筆跡，而且個summary date 正正係agent同我review保單果一日，我當刻真係嬲到噴火，因為我又要攪一輪，side晒我d時間!!!我真係無法想像一個做左超過10年，已經係經理級既agent可以差成咁既地步!!!我單case攪成咁好應該吸收倒教訓，俾少少心出黎去check下有無俾過金額表我，唔係第一時間A字𦡰話從來無俾過我羅!!!攪到我又要親身上客戶服務部將手上既金額表交俾賠償部再次查證，跟住個agent先話有印象俾過我，最後保險公司係我強烈要求下先至書面同我道歉咋！
件事終於告一段落！

忠告:
1. 不要參考別人的賠償case, 因為就算係相同既保險公司，唔同既plan都有唔同既條文

2. 不要只考慮買既賠償額大唔大，最重要係考慮個賠償範圍大唔大，咩情況下入院先有得賠

3. 盡量保留同agent溝通既紀錄，令自己多一份保障

雖然最後我都攞番我應得既賠償，但絕對係得不償失的！因為我花左好多時間、精神、體力去應付呢件事。我記得我個小朋友第一日返K1適應班，我都要抽好長時間出黎同agent傾呢件事，我當時真係喊左出黎，覺得好內咎，又覺得自己好淒涼。而且我應該有超過50次要同保險公司不同既人去溝通，不同既方法包括電話、電郵、以及親身上門!!!

我如此嘔心瀝血既經歷希望大家唔會遇倒。
最後祝大家身體健康！遇到個盡責、誠實同可靠既agent!

0 0 0

私人傳訊

Melody_BB

伯爵府

積分: 15128

2^#

發表於 14-11-19 13:53 |只看該作者

引用：我係英國x誠買左幾份保險好幾年，期間從未c

原帖由 lambaby2011 於 14-11-19 發表
我係英國x誠買左幾份保險好幾年，期間從未claim過，今次因有痛症要入院而claim住院果份。因為我第一次clai ...

你住院—共用了多少＄？

私人傳訊

ckck53

水晶宮

積分: 71502

熱血勳章畀面勳章 BK Milk勳章

3^#

發表於 14-11-19 14:00 |只看該作者

私人傳訊

愛美麗兒

大宅

積分: 1085

4^#

發表於 14-11-19 14:01 |只看該作者

引用：我係英國x誠買左幾份保險好幾年，期間從未c

原帖由 lambaby2011 於 14-11-19 發表
我係英國x誠買左幾份保險好幾年，期間從未claim過，今次因有痛症要入院而claim住院果份。因為我第一次clai ...

好開心你肯share自己寶貴的經歷

點評

funfun759

發表於 14-11-19 17:46

jesswm

發表於 14-11-19 16:46

happywindy

發表於 14-11-19 16:26

jpangel

發表於 14-11-19 16:21

sharon1

發表於 14-11-19 16:01

natjosejim

發表於 14-11-19 15:21

ada.sfng

發表於 14-11-19 14:22

私人傳訊

家文

子爵府

積分: 11643

5^#

發表於 14-11-19 14:02 |只看該作者

回覆：我claim住院保險的慘痛經歷 – 極長

多謝分享！我近排都打算買份醫療保險，你分享對我好有用！

私人傳訊

lambaby2011

大宅

積分: 1596

6^#

發表於 14-11-19 14:02 |只看該作者

引用：Quote:原帖由 lambaby2011 於 14-11-19 發

原帖由 Melody_BB 於 14-11-19 發表
你住院—共用了多少＄？

over 25k

私人傳訊

msms0117

男爵府

積分: 8069

7^#

發表於 14-11-19 14:05 |只看該作者

原來買左份超難claim既住院plan，如果唔係做手術、危急既情況下入院根本claim唔倒錢架。買之前同之後，agent從無同我解釋過呢d重點，
agent 當然都識呢d條文 , 呃呃騙騙獲高佣金...
買保險既錢, 大部份落入保險經紀袋, 保險公司揾咩賠?
總括呢講, 保險同金融一樣係呃神騙鬼, 否則點賺錢?

氹人買單時話什麼也保 , 講都天上有地下無甘。
但要索償時，就十萬樣藉口推卸唔賠、投保之前班sales個個面慈目善,投保之後要索償時就翻轉豬肚,保險公司真係好乞兒，諸多刁難 , 逐條保單條例逐隻細節字捉字蝨 , 甘就十萬樣藉口推卸,無得賠, 市民係無可能有律師咁清晰去睇保單, 保費照收，賠償就冇啦~
買個陣乜都得，要賠個陣乜都唔得，保險經紀搵老襯﹗

保險公司賠錢係講對象既。應該係Ｄ經紀佬識揀對象。一個人有錢，有地位，有人際脈絡，Ｄ經紀佬會同佢諗埋辦法屈公司賠錢。

至於平民百姓買保險，有病想搵保險公司賠？
就同你根根計較，算盡度盡，話合約條款唔保，蝦平民百姓冇錢同保險公司揮。