吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 究竟bb仔跌親應唔應該即刻tum佢？

少年成長今日: 0|主題: 16124

收藏本版

發帖

返回列表

跳至頁

查看: 4171 | 回覆: 23

究竟bb仔跌親應唔應該即刻tum佢？ [複製鏈接]

teizbaby

別墅

積分: 655

1^#

發表於 14-11-21 22:07 |只看該作者 |倒序瀏覽 |打印

我見人地小朋友跌親成個趴係地，d媽媽好冷靜唔會扶，等小朋友自己學，咁我九個月大bb最近學企又企唔穩成日撞親頭或面痛到大喊，我都唔知應該學人地媽媽咁冷靜定係即刻抱起佢呵返.

我諗大家係即刻抱起佢錫錫tum返吧？

0 0 0

私人傳訊

zitzai

珍珠宮

積分: 35750

2^#

發表於 14-11-21 22:17 |只看該作者

回覆：究竟bb仔跌親應唔應該即刻tum佢？

由細到大都係話無事叫佢自己起身。初初識行係會肉赤 d，大 d 你見佢跌得多都會練到好冷靜

私人傳訊

namnamnamlolo

珍珠宮

積分: 44848

3^#

發表於 14-11-21 22:55 |只看該作者

回覆：究竟bb仔跌親應唔應該即刻tum佢？

跌到好痛個隻先會氹

私人傳訊

dinosaurmum

水晶宮

積分: 59284

4^#

發表於 14-11-21 23:35 |只看該作者

仔仔跌親唔嚴重我都好少會攬住錫噶，會講仔仔乖，仔仔勇敢，我地一齊去玩玩具之類噶，瞬間分散佢注意力

私人傳訊

picture

男爵府

積分: 8523

5^#

發表於 14-11-22 00:42 |只看該作者

回覆：究竟bb仔跌親應唔應該即刻tum佢？

放playmat

移開雜物

正常ready 學企的B B 失手都最dun 溚地坐返低
跌到撞頭……會唔會佢跟本未ready.

食痾瞓爬企行，全都是天生本能。只要父母提供適當的安全環境和空間就是了。不用教，到時到候自然識

私人傳訊

bosch

瑪瑙宮

積分: 128559

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

6^#

發表於 14-11-22 17:40 |只看該作者

想氹咪氹, 個人選擇, 我又覺得冇特別話好或者唔好. 只要唔係好似d 老人家咁話個地唔好, 個地曵就得啦.

如果bb 仲好細, 我扶番佢俾佢再學過. 撞到痛大喊至氹幾句, 不過佢好少撞到咁.

私人傳訊

bluetulip

水晶宮

積分: 59214

7^#

發表於 14-11-23 04:08 |只看該作者

回覆：究竟bb仔跌親應唔應該即刻tum佢？

睇情況，如果係佢貪玩唔睇路，我會要佢自己起身。如果係唔小心，或者喊到好大聲(佢好抵得痛，喊得勁都真係跌得好甘)我會扶。

tum呢，兩者我對會，我會呵返，然後攬下佢。我唔覺得tum佢會縱壞佢，反而係愛的表現。掉翻轉，有時我唔小心整痛自己，佢都會埋黎呵我攬我，咁佢第時對其他人都會識得表現關心。

私人傳訊

pokey

大宅

積分: 4758

8^#

發表於 14-11-23 07:39 |只看該作者

回覆：究竟bb仔跌親應唔應該即刻tum佢？

學行時撞到頭，要注意應該係學行既環境唔安全。

有遊戲墊有圍欄或扶住sofa行，會跌得冇咁痛。

咁細個當然要呵番啦！不過佢一跌時，大人們唔好大呼小叫就真，好多時bb唔係痛到喊，而係畀大人嚇到喊。佢地聽到你地狂呼，好驚，以為好大件事所以即喊。人地啲小朋友媽媽唔扶，但都會鼓勵佢自己起番身。唔識行時又唔駛咁嚴格既。

私人傳訊

teizbaby

別墅

積分: 655

9^#

發表於 14-11-23 12:20 |只看該作者

回覆：究竟bb仔跌親應唔應該即刻tum佢？

其實係張床既床圍唔夠高覆蓋張木床，佢企太耐一甩手會撞到床邊

私人傳訊

Potato001

子爵府

積分: 14819

10^#

發表於 14-11-23 23:14 |只看該作者

回覆：teizbaby 的帖子

我女細個都係咁(6.5個月開始學企)，在木床企，跌時會撞到頭，雖然佢冇喊但撞到瘀晒，所以七個月大時買了網床，加了床墊，點跌都冇事。

之後到十個月左右間中俾佢落地扶住行，已經好少跌，一歲識行後跌到，佢仲會扮冇事咁彈起身。通常跌到會自己起身，喊我至會睇下，因為阿女好痛先至會喊，好多時會牙齒撞到口唇流血。兩歲後跑來跑去跌得較多，叫佢自己拍下手起身，通常會扮喊兩下，之後又冇事。

跌到扶唔扶我覺得要睇小朋友性格，我女只會好痛時喊，所以喊一定要扶和睇下咩事，但有啲小朋友事無大小都喊，就要睇情況。

私人傳訊

vertioDaddy

大宅

積分: 3147

11^#

發表於 14-11-25 13:47 |只看該作者

引用：我見人地小朋友跌親成個趴係地，d媽媽好冷

原帖由 teizbaby 於 14-11-21 發表
我見人地小朋友跌親成個趴係地，d媽媽好冷靜唔會扶，等小朋友自己學，咁我九個月大bb最近學企又企唔穩成日 ...

扶起叫佢小心就夠。
習慣了太多安慰佢遇挫折就狂喊。

私人傳訊

etcat

男爵府

積分: 9031

2018復活節勳章玩具勳章開心吸收勳章

12^#

發表於 14-11-25 14:17 |只看該作者

九個月係屋企學行要注意家居安全, 舖地墊, 尖角要用保護膠包好.
等佢學下跌低要自己起返身~ 大人見到佢跌唔好大叫嚇親佢見佢起身可以問下佢有冇試睇下有冇損手腳冇事再鼓勵佢再周圍行

私人傳訊

AJIM

男爵府

積分: 6402

13^#

發表於 14-11-25 15:32 |只看該作者

teizbaby 發表於 14-11-21 22:07
我見人地小朋友跌親成個趴係地，d媽媽好冷靜唔會扶，等小朋友自己學，咁我九個月大bb最近學企又企唔穩成日 ...

我自己的話, 我會先睇下佢果次跌得係咪真係咁痛先。

有時小朋友跌低咗, 冇立即喊, 訓起度等.....其實唔係因為痛, 而係因為唔知道做咩反應先恰當, 呢個時候如果俾attention佢, 佢就會學到跌低就算唔痛都好, 都要喊咗先, 等大人來照顧佢........長遠會教佢一個邏輯就係面對失敗只需要起度等, 大人就會過來幫佢收科。但係如果唔理佢, 佢就知道跌低其實冇咩嘢, 雙手推一下地下, 起身再跑過再跌過, 至於阿爸阿媽起邊?玩完先算

我自己果個就係咁, 由佢識企開始, 佢跌果陣, 我哋父母兩個都忍一忍唔俾反應住, 觀察一下先, 結果多數佢都係粒聲都唔出, 轉個身又再起身架咯。開頭BB 的公公婆婆阿爺爺嫲嫲都接受唔到, 只不過我哋要求咁做就照做, 但係佢哋慢慢見到個孫跌親之後立即企返起身, 笑住再搵嘢玩, 都覺得咁總好過成日都喊, 慢慢都跟咗我哋果套。

而家我個仔日日都好鬼好笑容, 因為佢知道笑先吸引到大人同佢玩, 喊的話大人好少有反應, 有咩要求就唔係喊住叫你俾佢, 而係笑住口好鬼得意咁指你去幫佢。

當然, 如果真係撞得好痛咁立即爆喊, 咁就唔係想要大人attention, 而係真係要人照顧, 咁當然立即飛撲去救佢啦。

私人傳訊

ella0628

男爵府

積分: 7022

14^#

發表於 14-11-27 05:11 |只看該作者

我會睇情況...
有時睇到佢跌低都無大喊 (Suppose 佢唔係太痛).. 咁我會叫佢"下次小心d就可以喇.. 自己起身啦乖.... " 唔會急住去抱佢呵佢.

但有時見到佢真係刮損塊面呀,跌到好大聲佢又喊. 我都會立即抱佢同佢講:" 唔怕啦..媽咪晌度喇...下次小心d就可以"...

講真... 見到佢跌到/整損係心痛架. 但都唔可能每一次一跌就走埋去tum....

要學識自己企返晌身嘛.

私人傳訊

yu142972

大宅

積分: 1088

15^#

發表於 14-11-27 10:39 |只看該作者

嗯, 睇情況決定去唔去扶佢。

一般無危險情況下，我都會由佢跌跌撞撞...瘀就梗嫁喇，同時俾我見到一樣野，跌多左撞多左，佢會識得避開同繞路行，而家15個月人仔識得倒後行

同埋呢個時期，會見到佢好明顯既轉變，之前跌低佢會好快自己爬起身向佢既目標前進，((初初見佢跌，我外表無野...但個心都肉赤...家人都會忍唔住想去扶，都俾我拉住))
而家佢識睇人眉頭眼額...唔小心dun親個pat pat 就開始想喊想喊，周圍望住人扭抱抱，之後...我會用肯定既語氣直接同佢講: 好小事，自己企返起身，佢之後即刻就起身了

同埋真係好痛，佢就唔係呢個樣...我先會第一時間衝去佢身邊

私人傳訊

choicheukyin

大宅

積分: 4909

16^#

發表於 14-11-27 14:31 |只看該作者

回覆：teizbaby 的帖子

我好少

私人傳訊

sunnam

複式洋房

積分: 428

17^#

發表於 14-11-30 13:11 |只看該作者

回覆：究竟bb仔跌親應唔應該即刻tum佢？

我同老公好少扶佢架，但婆婆佢地一見到就即扶，所以佢係老人家面前特別扭，但得番我同老公既時候佢跌到就會自己起身，小朋友真係好識睇人扭

私人傳訊

小娃娃

別墅

積分: 547

18^#

發表於 14-12-31 14:59 |只看該作者

回覆：究竟bb仔跌親應唔應該即刻tum佢？

我有2個女
第一胎，一定心痛d
個陣成日驚佢仆親學行係後面榜實驚死佢跌
一跌就9秒9過去又呵又氹又抱
最後整到一跌就爆喊，唔理唔得(無輪痛唔痛都好)
第二胎我由佢跌，點跌都無理，unless仆得好勁，而家細女仆親，佢會定一定形，然後自己起返身
就算跌得好痛，佢都唔喊，只會好慘咁既樣起身話比你聽痛痛/好痛，我通常話，無事啦，呵返啦，去玩啦，佢就走。
我到家姐1歲後先咁做，已經遲左，但好彩仲細，佢過左一排見我地唔多理佢，佢就自己爬返起身，之後就無爆喊
所以我覺得唔可以過份去安撫小朋友，如果唔係佢地就郁d就爆喊，大d遇到難題會好難起返起身

私人傳訊

silviachoi

男爵府

積分: 6972

畀面勳章環保接龍勳章 BK Milk勳章

19^#

發表於 14-12-31 22:38 |只看該作者

我個女就黎三歲, 佢跌親除非係真係好痛之外我都唔會氹佢。
我會叫佢自己起身同話佢蕃薯所以跌親, 問下佢痛唔痛同叫佢小心D就算架喇。

而家佢跌親都係自己起番身話自己蕃薯, 拍下膝部哥同自己講無事無事就繼續行同玩架喇。佢就算仆到損左都無乜野, 頂多係扁下嘴架咋。真係撞得好應先會喊。

如果下下都好緊張, 佢地就會覺得好大件事就係唔係都喊一輪, 我覺得咁就唔係幾好喇。