大仔大女媽媽會 今日: 0 | 主題: 177860

積分: 1189

1^#

發表於 08-7-14 10:46 |只看該作者 |倒序瀏覽 |打印

各位媽咪：

我好唔開心呀！我個 b 囡差不多九個月大，一直由我媽咪湊，她湊得不俗，因為 bb 很開心，很開朗，又沒什麼病痛，而我奶奶則返了深圳住，兩星期番黎香港睇 bb 一次。

當初坐月的時候，我因為奶奶唔識做飯給我吃、不懂煲坐月湯水給我飲及不懂湊 bb (唔識開奶、換片及拿奶瓶，但又日日黎) 而唔開心 (奶奶係大陸人)，我承認我唔係好鍾意佢，曾經有抑鬱症，攪到我媽咪朝朝拿飯及湯水給我吃，我身體才恢復過來。當時我情緒很差，老公唔體諒我，仲話「坐月有幾巴閉呀，要人服侍」來話我，我哭過很多次，且暗示不想俾奶奶湊。

現在，我湊 bb 時有什麼不懂的地方都會問媽媽，問有經驗的朋友、同事和上 baby kingdom 問 kingdom 之媽媽們，不會亂來，因為這是我第一個 bb，但我老公不知是否一路不喜歡我俾媽咪湊，唔俾佢阿媽湊，最近好像把積怒發出來，現在冷戰中。佢話我阿媽阿爸開冷氣俾 bb 瞓覺唔啱，仲話佢地怕熱之 ma，但我媽媽只是在 bb 睡覺時在睡房開冷氣，睡醒後就關冷氣，除非好熱先會係廳開冷氣，否則只開風扇，bb 體溫比我們高，佢又唔擺風扇入房，冇冷氣冇風扇只開 window，你們說 bb 點瞓？另一方面，又話佢自己識湊 (但 bb 見到佢 d 親戚的時候就不肯跟他及他的親戚，只肯跟我，但 bb 見到我親戚不會這樣，會俾人抱)。

早陣子 bb 發燒，我問老公把 bb 放在我媽媽度好不好 (因為媽媽有經驗處理 bb 晚上發燒，況且我要上班，放工又要做家務，縱然每星期已聘家務助理做一些繁複的家務)，因為我怕整晚擔心 bb 而睡不好，第二朝上不到班，但佢說要自己湊 (實則我擔心了一整晚，沒覺好睡)，個人很累，當晚我怕自己起不到牀看 bb，較鬧鐘起牀看 bb，誰知他說我「低能」，最後我擔心到較了鬧鐘都沒用，因為鐘未鬧，我已擔心到到時到候時起牀看 bb，而佢呢？就一覺睡到大天光。

做任何湊 bb 的事，他不懂欣賞，沒搜集資料，就批評人們湊 bb 的方法 (他是客家人，在大陸長大，與我有文化差異)，覺得自己的想法一定是對的，我和媽媽是錯的，唔開冷氣是對，bb 四個月大就要帶 bb 返大陸是對，佢阿媽說俾蜜糖及燉人參俾 bb 飲就是對 (我坐月時候的事，被我阻止了)，難道佢阿媽這樣叫對嗎？昨日去佢媽咪度吃飯，佢抱 bb 看金魚時沒留意前面有支原子筆，結果 bb 拿起玩耍，劃面畫到眼尾附近，差一些插到眼，嚇死我。觀微知注，奶奶平日的表現已顯示出佢不懂湊 bb。

我和媽媽做什麼都為了 bb 好，但他卻先想自己 (買張駁椅代替 highchair，原因是冇地方放 highchair，但自己卻放滿一屋雜物)，我覺得很辛苦，仲話我在他親戚面前表現不成熟 (我沒有給說話及臉色他們看及聽，有說有笑，只是有時有些舉動稍為不中看，佢就話我)，這樣怎樣相處下去？你們可以幫我嗎？

0 0 0

私人傳訊

teresayc

複式洋房

積分: 407

2^#

發表於 08-7-14 11:27 |只看該作者

妳同妳老公感情好嗎?雖然有了小bb,但兩公婆還是要有二人世界,否則大家會因為阿B或其他ge事而嘈,越來越傷感情.若感情好,好多野都可以有商有量,互相體諒.
而家睇你兩個好似小朋友鬥氣o甘,解決唔到問題,不如老老實實將妳ge感覺話佢知啦!溝通好緊要o架!

私人傳訊

penny998

積分: 2494

3^#

發表於 08-7-14 11:48 |只看該作者

原文章由 misskaren 於 08-7-14 10:46 發表
各位媽咪：

我好唔開心呀！我個 b 囡差不多九個月大，一直由我媽咪湊，她湊得不俗，因為 bb 很開心，很開朗，又沒什麼病痛，而我奶奶則返了深圳住，兩星期番黎香港睇 bb 一次。

當初坐月的時候，我因為奶奶唔識做飯給我吃 ...

唔好唔開心啦! 我都有個同你差唔問題多既奶奶, 又係只會講唔識做, 同埋有好多 Y 理, 例如房唔好開窗, 怕風吹到BB之類, 小小冷氣換片都會冷親BB咁! 我BB都係由我媽咪湊架, 不過我都還好, 起碼我老公都應為bb比婆婆湊係好適合, 從來唔會話bb湊得唔好, 我老公最初都以為亦認為佢媽生左咁多件一家識湊BB, 不過佢慢慢已經知佢呀媽係咩人&真係唔識湊bb!
我覺得好多男人會看輕湊bb呢個工作, 會認為唔做野湊bb係一分好so好輕易既工作, 亦認為自己既呀媽當初都係咁湊大自己, 唔會唔識湊bb, 不過好多老人家就係唔識接受人意見&唔識咩叫與時並進囉, 有D男人係要真係睇過佢自己呀媽湊BB先知原來佢呀媽真係唔識湊BB & 佢既方法已經OUT晒架囉!
盡量去解釋比你老公聽囉! 不過唔係一時半刻佢會明白囉!
如果真係唔想奶奶湊就要堅持呀! 湊得唔好就係湊得唔好架嘞! 千其唔好比蜜糖&人參比咁細個既BB食呀!

私人傳訊

misskaren

積分: 1189

4^#

發表於 08-7-14 16:27 |只看該作者

teresayc, PENNY998

多謝妳們啊，幾個回覆我的媽媽之中，最明白我都莫過於是妳兩個了，有些回覆的媽媽覺得我小器，覺得我唔俾 bb 奶奶抱，根本不是這樣，只是 bb 見到她就會哭，不肯跟她而已，有些媽媽覺得我應該俾 bb 奶奶試下湊，但佢根本連基本的現代湊 b 方式 (開奶、拿奶瓶、換片 ...) 都不懂啊，有些媽媽覺得我坐月時對奶奶有要求，應先求自己，不是我求佢上黎，係佢硬要上黎我家，我根本知佢幫唔到手。
最慘係我老公受佢阿媽的古舊湊仔方式影響，因而批評我和媽媽的湊 b 方法。

私人傳訊

ami0momo

別墅

積分: 642

5^#

發表於 08-7-14 17:28 |只看該作者

我6299都係唔識湊BB~
我老公都係由佢阿嫲湊大
咩為之識... 唔係剩係識沖涼開奶就叫識囉~
BB咩階段可以食咩唔可以食咩~ 全部都唔知!
我個仔對果酸有少少敏感一飲果汁就肚痾
到而家都仲成日偷偷地比BB飲... (無希釋)
又成日都話比BB食大人野
豆腐花甜到死都話要比BB食
我話太甜唔好比
佢仲邊猛話唔怕邊放落BB個口度...
一DBB消化唔到既野又比BB食 (留意唔係試)
食奶前又比生果BB食... (橙汁)
我都出盡法寶不停哦佢地唔好亂比野BB食
最後都係無辦法所以我要成日都要睇實個仔
唔係話生過都一定識湊BB~
6299鐘意做野已經話過唔會幫我湊BB

我坐月個時都好似你咁...
我奶奶仲搞笑~
聽埋D3姑6婆話生完食韁好!
又疆飯又疆湯...
我第一次又咩都唔知... 照飲照食...
出左院過左一個星期左右 (10月尾)
我就發高燒40度...
奶奶仲猛比被我叫我著多幾件衫
又比左2大碗疆茶我飲
老公聽到我發燒即刻返屋企同我去急症
我奶奶仲話唔使去睇醫生焗一晚就會好
去到急症我地都比人話~
明知我發燒仲著咁多衫... (又爪毛又羽擁去急症)
足足住左我5日醫院又吊鹽水又打點滴...
40度高燒燒足3日先退...
初初我都以為係谷奶先會咁
但後來出院既時候先知我子宮仲輕微發炎
出左院之後即刻返左去我自己阿媽度坐埋個月
我阿媽問我咩事要入醫
我話谷奶+子宮發炎囉~
佢問我奶奶整咩我食?
我話雞呀~ 魚呀~ 咩都加疆整咁囉~
我阿媽聽到疆就即刻話唔怪得我會入院
12朝都未過係唔可以食疆...
吓!!! 我都係第一次聽咋~
後來上BK睇先知疆行血食左對子宮收縮唔好!
係自己屋企坐月先有得休息...
最緊要係夜奶我媽幫我餵BB~ 等我有得瞓下!
我係老公屋企真係出院咁多日都無得休息
我身體好返都係靠我阿媽既湯水同花膠~
幾時都係自己阿媽度坐月同湊BB比較好~

我老公都同你老公差唔多
不過我老公就知道9962唔識湊
所以唔會指意佢地同企佢地個邊
但係我老公都係咩都唔做
成日話我係屋企湊仔好舒服
我次次都話咁你要搵日試下自己一個湊BB啦~
佢地唔會理你係屋企做咩
只要佢有比錢你, 個仔又無事無幹就咩都唔理
唉~ 總之就一大堆理由支持自己

你既方法係忍! 忍忍忍!
我都係忍~ 為左一家人和和氣氣
自己就要收盡氣...
唔係結左婚老公就一定係最明白你既人
有時生活耐左最唔明白你既可能係你老公
不過有時忍無可忍... 真係黑面發皮氣都試過!

私人傳訊

penny998

積分: 2494

6^#

發表於 08-7-14 18:01 |只看該作者

原文章由 ami0momo 於 08-7-14 17:28 發表
我6299都係唔識湊BB~
我老公都係由佢阿嫲湊大
咩為之識... 唔係剩係識沖涼開奶就叫識囉~
BB咩階段可以食咩唔可以食咩~ 全部都唔知!
我個仔對果酸有少少敏感一飲果汁就肚痾
到而家都仲成日偷偷地比BB飲... (無希釋)
...

我囡囡6個月大時, 我奶奶都試過比蛋糕我個女食, 攪到佢下爬出晒紅疹(有蛋白)添啦! 佢又係連紙尿片前後都唔識分, 教佢佢又唔like!
我坐月佢上嚟唔幫手不特止, 重加重我媽既工作負擔(又要整野比我食, 又要幫手湊女), 又因為佢我坐月時同我老公鬧大交, 你知坐月時心情幾差架啦! 佢仲成日係我面前特登比說話我聽, 同老公投訴多幾次, 差d連兩公婆既關係都比佢攪彎晒!
我覺得某程度上都有因為佢而影響都我地兩公婆既感情架, 我而家每次知會or要見到佢, 我個日心情就唔好架嘞!

私人傳訊

misskaren

積分: 1189

7^#

發表於 08-7-14 21:52 |只看該作者

penny998,amiomomo,

amiomomo：妳好慘啊！攪到子宮發炎，妳奶奶真 ...

我認同妳的講法。
penny998：我坐月時佢阿媽咪又常常上黎，但又唔識煲湯水俾我飲，我都是飲自己媽媽做的飯及湯水補身咋！
唉！為什麼天下的奶奶都這樣不濟呢？

私人傳訊

jklau1029

積分: 3758

8^#

發表於 08-7-14 23:42 |只看該作者

真係覺得你這個心抱慘, 湊bb又辛苦, 又無人諒解...

上黎bk, 有大把媽咪支持你, 唔駛自己一個撐啦.

其實, 男人要咩, 就係要面子囉. 有時同佢明撐都唔係辦法, 不如真係比篇文章佢睇下, 有乜唔ok 講都ok 囉. 大家都係想湊好bb, 出發點都係好, 只係方法真係要傾下...

希望你地關係好, bb自然會健康成長啦!

原文章由 misskaren 於 08-7-14 21:52 發表
penny998,amiomomo,

amiomomo：妳好慘啊！攪到子宮發炎，妳奶奶真 ... 我認同妳的講法。
penny998：我坐月時佢阿媽咪又常常上黎，但又唔識煲湯水俾我飲，我都是飲自己媽媽做的飯及湯水補身咋！
唉！為什 ...

O仔的Blog
http://hk.myblog.yahoo.com/jennykelvin-29oct06

私人傳訊

penny998

積分: 2494

9^#

發表於 08-7-15 10:35 |只看該作者

係呀! 我都試過因為我奶奶, 又因為湊bb分配唔平均(即係d男人成日持住自已要返工(其實我都要), 無時間or唔識湊, 依賴d女人去湊bb or去處理bb d野, 令到bb出世頭幾個月, 我同我老公都攪得唔係太開心, 個時一攞d野出嚟傾就鬧交, 唔傾個心又唔c服, 變左關係更加唔好, 咁我本來唸住打係個blog度發洩一下, 又因為我個blog有d 佢既friends既太太睇, 又怕比佢地知又或者八到去佢 or我奶奶個邊d人知, 最終打晒d野出嚟都無post出來, 不過我將d內容print左出嚟, 比左佢睇, 佢睇左後佢就明白我究竟唸咩, 之後仲好努力去學照顧bb, 好多時都有自動自覺去幫手洗野餵奶嘞! 不過硬係覺得佢姐手姐腳有時幫倒手啫! 我都好明白湊bb都講天分既! 我唸佢真係無咩天分囉!
而家有時對佢有咩唔滿意我就sent短訊比佢架, 有d野好難開口既! 佢睇完自己會醒目架啦! 除非佢唔想維繫段感情既啫!

[ 本文章最後由 penny998 於 08-7-15 11:19 編輯 ]

私人傳訊

loveyi_ivy2008

子爵府

積分: 10300

10^#

發表於 08-7-15 10:55 |只看該作者

原文章由 penny998 於 08-7-15 10:35 發表
你呀! 我都試過因為我奶奶, 又因為湊bb分配唔平均(即係d男人成日持住自已要返工(其實我都要), 無時間or唔識湊, 依賴d女人去湊bb or去處理bb d野, 令到bb出世頭幾個月, 我同我老公都攪得唔係太開心, 個時一攞d野出嚟 ...

我bb係由我媽子湊的, 老爸也退休了, 倆老幫我湊bb,
老公初時都看輕湊bb的工作, 應為好容易, 比9佢飲, 換尿片,
瞓覺...etc...以為做齊晒呢d嘢就得.....
咁好ar...佢請假話想湊bb, 佢湊咗兩日仲死頂話好容易, 之後我再無聽佢講湊bb好容易了, 好彩, c6好鍚個囡, 再辛苦假期佢都堅持自己湊.....

想講句: 自己媽子才是最好的, 她們才會真正關心我們的身體!!!
甚麼嫁咗入嚟就是自己人, 我吥!!佢地只會關心自己個仔同孫...

http://hk.myblog.yahoo.com/loveyi_ivy

私人傳訊

積分: 8260

11^#

發表於 08-7-15 11:15 |只看該作者

提示: 作者被禁止或刪除內容自動屏蔽

私人傳訊

MuiMuiQQ

積分: 2453

12^#

發表於 08-7-15 12:49 |只看該作者

我個62,99 唔單止覺得自己湊BB 叻, 仲覺得自己係所有事都叻過人... 其他人唔同佢哋睇法就一定唔啱、係錯, 總之要人跟足佢哋嘅睇法去做先叫啱、好.... 救命~

甚麼嫁咗入嚟就是自己人, 我吥!!佢地只會關心自己個仔同孫 ---->> 妳講得好好, 自己人乜鬼吖, 扮哂好人之嘛 ... 佢哋咪偷偷哋叫我老公唔好就我、唔好聽我意見... 仲搞到我哋成日嘈交 !! 我62,99 仲衰, 係嗰d 只會關心自己面子嘅人, 佢哋嘅仔女、孫都係排第四、第五咋 ~

私人傳訊

積分: 8260

13^#

發表於 08-7-15 16:15 |只看該作者

提示: 作者被禁止或刪除內容自動屏蔽

私人傳訊

EricaSin

別墅

積分: 642

14^#

發表於 08-7-16 11:08 |只看該作者

唉.....個個新抱都有咁既經歷ga la.....為人新袍甚艱難......真係無錯....佢做得唔o岩, 又唔可以鬧佢, 又唔可以串佢, 做新袍就唯有忍忍忍!!!

好似我奶奶咁.....我地未有bb 既時候, 係咁吹你生, 生左la, 又幫唔到手, 又呀支呀''draw'', 又話依樣, 又話o個樣, 又話咁唔得, 又話咁唔好.....我心諗....關你鬼事, 又唔係你湊.

我奶奶係一個超級大忙人, 成日要去跳社交舞, 變左唔係成日有時間睇bb, 變左佢一有時間就要o黎睇, 又唔諗下搞到我個女d 程序, 時間亂曬, 本來要訓覺, 但我個女為左要招呼佢, 變左又無得訓, 唉....有時bb訓左, 佢為左睇bb, 會突登整醒佢lor.....你話呀, 係咪火都o黎埋呀....但係咁又點呀, 唔通鬧佢咩....咪為有啞忍lor....

仲有呀, 成日就話比街d 野佢食, 好似出街食飯咁, 又話比依樣, 比o個樣, 有時飲街o個d湯, 落左鹽, 又話比d 佢飲......天呀!! bb 咁細個, 唔可以落鹽ga, 街d 野咁肥膩唔食得ga, 對佢地個腎同腸胃都唔好ga,..我奶奶話試下比bb飲, 睇下佢鐘唔鐘意飲喎.....到最後, 我忍無可忍, 我串左佢一句....咁佢鐘意飲咁點, 係咪日日出街買依d 湯比佢飲......我奶奶即刻唔出聲.....

奶奶有個孫既目的係咩......咪就係將個孫攞o黎''圓耀'', 同d fd 講....你睇我個孫咁咁咁......我仲記得擺滿月o個陣, 佢抱住我個女滿場飛, 行來行去...我幾驚佢整親我個女.....需然我奶奶生左四個, 但係你點都估唔到.....佢唔識抱bb lor......真係眼都突埋....唉....

點都好la....各位媽咪, 各位新袍......頂硬上la.....解決辦法得一個, 就係....忍忍忍!!!!! 得閒上bk 訴下苦, 咁就舒服好多ga la.....加油呀, 各位!!!

私人傳訊

積分: 8260

15^#

發表於 08-7-16 11:23 |只看該作者

提示: 作者被禁止或刪除內容自動屏蔽

私人傳訊

MuiMuiQQ

積分: 2453

16^#

發表於 08-7-16 11:39 |只看該作者

原文章由 vienchan 於 08-7-16 11:23 發表
我奶奶昨晚仲話不如俾d榴槤阿仔食呀~~~~~ 我話唔得，佢就話少少...... 後尾我老公出聲話唔得佢先收手咋.... 你地話死未???

妳奶奶真係 short 架喎

mouth: .... 俾榴槤 BB 食 ?? 我實同佢死過 ~

私人傳訊

MuiMuiQQ

積分: 2453

17^#

發表於 08-7-16 12:04 |只看該作者

原文章由 EricaSin 於 08-7-16 11:08 發表
唉.....個個新抱都有咁既經歷ga la.....為人新袍甚艱難......真係無錯....佢做得唔o岩, 又唔可以鬧佢, 又唔可以串佢, 做新袍就唯有忍忍忍!!!

好似我奶奶咁.....我地未有bb 既時候, 係咁吹你生, 生左la, 又幫唔到手, ...

以前未有BB 我都忍佢、就哂佢.... 而家如果佢搞到我個囡囡我實企硬 ~~ 我奶奶同妳奶奶一樣, 大忙大一個... 唔係唱 K 就去玩、唔係去玩就去旅行... 所以BB 最初出世嗰幾個月佢日日都夜媽媽嚟睇BB , 同妳奶奶一樣, 搞到d 時間亂鬼哂, BB 本來要瞓覺, 但BB 為左要招呼佢, 變左又無得瞓... 有時佢見BB 瞓緊, 仲會特登整醒佢.... 黐線 !!

後來我就同老公講 : 叫你阿媽幾點幾點唔好嚟喇, BB 要瞓覺架.... BB 咁細個唔係要佢去就一個幾廿歲嘅人呀 ? 佢就唔到BB 嘅時間咪唔好晚晚嚟囉 ~ 做乜要晚晚嚟先 ??
老公開頭都仲想說服我, 但我企硬... 我仲抱住BB 話返佢 : BB 妳放心 ~ 無論點都有媽咪保護妳架... 媽咪真係錫妳、愛妳 , 唔係當妳係玩具...唔會帶妳四圍去social & 炫耀架 ~

我覺得我哋做新抱有時都唔可以完全死忍, 如果真係對BB 唔好嘅就真係要出聲... 我認為我生得出佢, 就一定要保護佢...

好彩, 佢 (奶奶) 而家都唔會晚晚都嚟 ~~

大家加油 ! 努力呀 !!

私人傳訊

ami0momo

別墅

積分: 642

18^#

發表於 08-7-16 15:30 |只看該作者

同6299住有時真係好無奈~
想反抗咩? 又唔支持得耐...
唔反抗咩? 又搞死自己...

不過睇完咁多位媽咪既文章
講開尿片前後唔識分呢樣野!
我都忍唔住一路睇一路笑...

尋日同我阿媽傾電話~
佢仲話 : 唔怪之得你同你99無咩婆媳問題啦~
你咩鬼都就哂佢地...
真係... 連我阿媽都頂唔順出聲窒我...
你話佢地2老對我唔好咩又唔係
有次我係房仲聽到99同親戚講電話
問起我點, 99仲話幾好丫~ 好過自己仔女添!
你話死唔死丫~ 我對99只係一般待人接物咁對佢
但係佢覺得我對佢仲好過自己仔女對佢
咁你話佢地教仔女係咪有問題丫~
好彩我老公本身人品純先無行差踏錯
最緊要係我老公有個好錫佢既親戚睇住
佢d親戚都話佢2老好彩架!
(即係話唔識教仔女都仲叫幾孝順)

點解我會話6299唔識教仔女?
因為早2日傾開計佢話我知...
佢同62從來都唔鬧仔女...
而唔鬧仔女既情況去到邊?
就係比自己個女鬧都唔出聲由得佢鬧囉~
最慘係有時連62講野都自自私私...
又真係唔抵掙幫唔落...
我心諗... 99呀~ 62~ 你地何止唔識湊仔~
連教仔都唔識呀! 咁生2個細路來做咩呀?
有2個仲肯養你既仔女真係前世修來既福啦~

教小朋友適當既處罰我覺得係必要囉~
有咩理由可以從來都唔鬧仔女架!
不過睇見佢點對我個仔我就知道佢地真係做得到囉~
連bb自己整親喊都即刻又噯又錫又抱就知道有幾咁寵d細路...
幸好等到公屋之後我地搬走左就唔使再成日對住佢地~
如果唔係我真係驚個仔比佢地寵到連飯都唔識自己食...

私人傳訊