吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 選校問題

少年成長今日: 0|主題: 16040

收藏本版

發帖

返回列表

跳至頁

查看: 2072 | 回覆: 15

選校問題 [複製鏈接]

53996277

大宅

積分: 1096

1^#

發表於 16-4-22 11:26 |只看該作者 |倒序瀏覽 |打印

唔知有無發錯地方個仔雖然讀五年級，但已經覺得好壓力（開始煩選校問題），巨讀書又唔叻，仲同我講連個中學都唔想讀（更不用提大學了）

應該選什麽學校

0 0 0

私人傳訊

palmchristy

男爵府

積分: 8784

2^#

發表於 16-4-22 14:38 |只看該作者

五年級即係黎緊要考第一次呈分試. 要開始發力了.

中學都唔想讀, 會唔會係佢唔知中學係乜? 有無同佢去過各中學的開放日? 如果無就要搵時間同佢一齊去.

讀書唔叻, 如果之前都係靠佢自己讀, 就完全無問題, 因為佢仲有進步空間. 咁家長幫吓陪吓, 起碼捱過三次呈分再放返手.

方法係每日佢做完功課後, 陪佢坐一個鐘, 佢可以選擇溫書, 做中英數練習, 甚至閱讀都得, 你就坐響佢旁邊乜都唔駛講, 千祈唔好哦佢, 亦唔駛特別教佢(除非佢問), 精神上支持就夠. 呢招係上一輩文盲家長培育子女成為專業人士的方法.

選學校, 首要校風好.

私人傳訊

53996277

大宅

積分: 1096

3^#

發表於 16-4-22 14:48 |只看該作者

已經去佐參觀中學了，依家就系巨參觀完後先有甘的講法，巨話高中大部分英文教學，巨話唔識，唔明，已經有種抗拒心理，巨有去開補習班同私補，但都系提唔起巨咖興趣，覺得巨系好應付式，每日去完補習班返到屋企乜都唔做，乜都唔理，等食飯訓覺，一系玩電腦，電話，唔俾巨玩呢，就成日好似烏蠅甘系身邊嗡嗡聲，煩到你俾巨用為止，已經同學校同補習社講過，叫老師話下巨，但都無用，（我都覺得自己好衰，最怕煩）如果唔用DD就睇漫畫，哎，都唔知點搞好

私人傳訊

palmchristy

男爵府

積分: 8784

4^#

發表於 16-4-22 15:44 |只看該作者

要升讀英文中學, 科目先至係用英文教學. 如果對英文咁抗拒, 可以考慮校風好的中文中學.

如果有去補習班, 小朋友會覺得去完補習班就係盡左佢讀書的任務, 亦都唔會再有心機去學習. 補習班唔會令小朋友學習提起興趣, 只係一種補底的方法. 補習班呢種模式某程度係將小朋友的學習假手於人, 係外判, 所以要做好外判的管理, 確保有成效.

管理補習班外判的方法係問書, 問吓佢溫左乜, 然後考下佢. 佢答得似模似樣就好, 返完補習班都溫得唔好, 佢無條件同你要求玩電話電腦.

睇你描述, 小朋友已經知道只要煩你就可以得逞. 建議家長要自小把好關. 如果佢煩你, 你可以同佢講, 你唔好介意我會成日問你書, 確保你有盡力學習. 作為學生的本份是學習, 不是打機. 你要打機, 按你現在學習情況, 我只可以俾你每日打5分鐘; 如果想多點時間玩, 請你先做好自己本份, 我再睇情況考慮加長或縮短. 如果未做好本份仍然堅持打機, 就同你換部Nokia手機只供打電話用. 你學習上顯示出自動自覺令人放心, 我自然會俾更多自由你; 你唔自動自覺仲多多要求, 就唯有管好你.

另外, 你可以再考慮陪佢溫書呢個重奪主導權的方法. 如果一小時太長, 30分鐘作為起步都好.

私人傳訊

53996277

大宅

積分: 1096

5^#

發表於 16-4-22 16:07 |只看該作者

多謝你的意見，但仲有個問題系我仲有個比較少的小朋友，我一個湊兩個，老公唔系身邊，唔系我想推卸責任，真系有心但無力，我都想個仔好，但放工返去後，又顧細，又要做家務。正題，請問有無校風好的學校介紹，雖然巨抗拒英中，但我都會盡努力俾巨先入英中（為巨將來條路好行D），實在跟唔上才轉校

私人傳訊

hotingmum

子爵府

積分: 11979

6^#

發表於 16-4-22 17:43 |只看該作者

引用：多謝你的意見，但仲有個問題系我仲有個比較

原帖由 53996277 於 16-04-22 發表
多謝你的意見，但仲有個問題系我仲有個比較少的小朋友，我一個湊兩個，老公唔系身邊，唔系我想推卸責任，真 ...

都話抗拒英文你仲係要你仔上英中？？？

私人傳訊

palmchristy

男爵府

積分: 8784

7^#

發表於 16-4-22 17:46 |只看該作者

做父母的都是盡心盡力, 邊有可能會有空間推卸? 其實家家有本難念的經.

唔知你有無請工人, 如果無, 可以考慮一下, 幫輕唔少苦勞事, 可以騰空返出來跟進小朋友, 不過唔係個個家庭鍾意.

關於入英中, 個人經驗係一定要合符小朋友程度, 唔係單睇家長意願. 我小朋友按小學評估當日屬於Band1成績, 幸運入左間Band1A學校, 結果要追成績, 同埋在高手林立的環境要好硬淨先至唔會失信心. 又會擔心中三選科因為對手太強而選唔到鍾意讀的科. 如果當日入返一間程度合適的或者無咁擔心.

你話到時可轉校, 但其實如果係因為跟唔上至轉, 由於成績表唔靚, 介時次一等的學校都未必願意收, 攪到要入唔理想的學校就大件事. 轉校係未必如願的. 要三思.

私人傳訊

53996277

大宅

積分: 1096

8^#

發表於 16-4-22 17:46 |只看該作者

望子成龍，想巨試試先

私人傳訊

53996277

大宅

積分: 1096

9^#

發表於 16-4-22 17:53 |只看該作者

本帖最後由 53996277 於 16-4-22 17:54 編輯

真系要樓主指教，老師評估巨只可以入Band1尾，Band2頭的學校，其實巨個底唔系太差，就系唔願學，左耳入右耳出（好似同你鬥氣甘），都會啉巨入英中辛苦，但中中又覺得好似無乜前途甘，（我唔系好識，上網見人話“等巨知途而返時，讀開中中如果想上大學，好難追”）

私人傳訊

MariaTsui

水晶宮

積分: 60452

10^#

發表於 16-4-22 17:53 |只看該作者

引用：多謝你的意見，但仲有個問題系我仲有個比較

原帖由 53996277 於 16-04-22 發表
多謝你的意見，但仲有個問題系我仲有個比較少的小朋友，我一個湊兩個，老公唔系身邊，唔系我想推卸責任，真 ...

我明白每位父母都想子女讀英中，即坊間所說B1校，首先，你住那一區?除了中西區和九龍城區，其他地區的英中學位，都未必夠所有B1學生，而且你的孩子成績如何，一般小學是B1生，B2生，B3生各佔1/3，但如果是強勢小學就會多個1/3是B1生，弱勢小學可能只有10個B1生，有空去EK看看，你會更清楚。

如果孩子真的對英文抗拒，可以考慮有開英文班的中文中學，一般是B2校，可以免除孩子在學習上的壓力及抗拒，如果成績好，可以讀英文班，英文班跟英中一樣全英，如果力有不逮，可以讀中文班，孩子又不用轉校，一般英中跟不上的學生，通常只可以轉去B2中至尾的學校。