本帖最後由 beebee0903 於 17-3-10 16:59 編輯
前幾日副眼鏡爛左，又要急住用， 咁就去左旺角一間樓上鋪整啦，見佢網上評價唔錯又自設工廠可以即日拎， 咁就上左去啦。點知個驗眼過程馬馬虎虎，就配左副度數不足既眼鏡。因為有戴開眼鏡，知道如果配最高清既鏡片通常會有不適，咁就要求左右眼都少25度咁樣。 就係因為咁，戴左兩日，覺得睇野已經唔清，點解仲會有頭暈嘔心既感覺？好像暈車浪咁，仲要有重影咁樣。咁就去左佢佐敦既分店再驗多次眼啦。今次驗眼認真好多，發現原來係右眼度數不足，所以先會明明件物品都睇到係清晰影像但都好像又個輪廓矇矇咁樣。
但係佢就話如果要換鏡既話，就要返去旺角間店，搵返個視光師去換咁樣。因為而家又唔係因為我要求調低光度而引致不適，係佢幫我配果時光度不足而引起既，咁我就頭暈暈都行多轉去旺角啦！點知去到個視光師就發我爛渣，話我自己簡既，人地驗既結果係人地既事，你要既就去佢果到配多副啦咁樣。你頭暈可能係其他眼睛問題呢！果時都無唔舒服架，而家如果想換鏡既話就要加錢！
我心諗，係你地話度數不足可以換，我又去左第間試左真係發現有問題先去返你到搵你。而家你驗都未驗就同我講呢d說話？
雖然我已經頭暈左成日好唔舒服，但我就同佢講：我識簡岩我度數既就唔洗搵你啦！要佢幫我驗多次先，係咁話你無驗錯都無用架！咁真無唔舒服呀嗎！
之後佢幫我驗多次，終於配返足個度數。但佢話要同返公司交代，仲想收多我一百蚊（原價270）。 為免佢唔幫我換，哩一百蚊我基本上係無得選擇一定要俾。但佢張單明明係話度數不足可以換，所以如果佢收左既話，我一定去消費者委員會到投訴佢。但佢好彩，同公司傾完唔收我錢，所以我都只係係哩到寫文分享下經歷。
平時都諗住人地小店做生意仔，有咩事都算數啦唔理無謂影響人地。但今次真係諗清楚真係要分享下。事關平時自己都係上網睇下其他人既意見先會去試。所以都想俾大家多一個參考。
買野本來開開心心，件貨有問題換貨都好正常。最憎係都要搞到勞氣。
btw, 原來唔單止過度準確既眼鏡會整到人頭暈眼花，單邊度數不足係會整到人頭暈眼花，哩件事我上網睇過都無人講過。
補充例子:
我隻眼係200近視，另一隻係250近視
但佢用機check 話我, 200近視，另一隻係225近視
所以度數唔啱. 但果時我都唔知
[咁我就叫佢配個175/200 俾我啦 (兩隻都減25)
到最後就睇遠野又矇, 睇近野又有少少朦
就隻眼好攰
好似頭暈暈咁啦
發表於 
知道了，其實原本佢都話係我自己要求降低度數，要改就要加錢。但因為我兩隻眼相差50度。但佢就check錯左，以為係相差25度咁樣。所以做成一隻望得清d一隻望得矇d咁樣。加上自己要佢降低度數，最後就分唔清到底咩事。睇野又矇又暈咁樣。
返回列表
