原帖由 3e 於 09-1-19 02:13 發表
十月無兼職工開之後, 呢幾個月月尾都係剛剛好用晒的錢, 左計右計都知無錢過年, 話比老公知唔夠錢用, 佢話佢都無, 真係有的唔開心佢咁答我, 不過都算啦,知佢都係無乜錢剩, 終於同細妹開口借, 佢應承左, 話會入落我戶口, 過左幾日都唔見有錢入落去, 比個短信問佢係咪唔記得啦, 佢話佢都係等緊第二條數出比佢, 好喇, 終於等到佢入數, 但係就得一半, 因為, 佢已經用左銀行每日過數或提款的上限, 咁以為佢第二日會再入啦, 一等又幾日, 再出短信問, 其實已經好唔開心嫁喇, 但都要硬住頭皮問, 點知, 佢話呢幾日忙, 明天就入比我, 但呢個明天已經又過左幾日啦, 再問都無意思啦,
唉...開口問得你借就緊係好手緊啦, 你問我急唔急, 我雖然話唔急 ,但我無諗過你拖我成兩個禮拜, 唔急都變急啦.
我係呢度發誓, 我有能力借錢比人, 一定會用最快既時間將錢交到去對方到, 因為, 開口問人借已經好難堪. 好似我而家咁.