自由講場今日: 2065|主題: 1357338

收藏本版

發帖

返回列表

跳至頁

查看: 24276 | 回覆: 166

盛勁為背景|公屋出身中學為愛情入港大疫情失機師飯碗積...

[複製鏈接]

12 3 4 5...9

elbar

公爵府

積分: 26585

1^#

發表於 24-2-1 09:03 |只看該作者 |倒序瀏覽 |打印

本帖最後由 elbar 於 24-2-1 09:04 編輯

麥明詩與盛勁為昨日（30日）正式宣布求婚成功，很多人都大讚他們郎才女貌，十分合襯。眾所周知盛勁為是飛機師，不過他的成長過程，就未必太多人知道。他其實是個土生土長「屋邨仔」，在屯門田景邨長大，有兩個家姐、一個弟弟，小時候瞓碌架床、連溫書位置都冇，曾自言輸在起跑線，自己的人生哲學有如《嚦咕嚦咕新年財》一樣：「愈爛嘅牌愈要用心打！」因此靠自己努力考入港大，更成為少數的港產機師。

盛勁為、麥明詩被大家讚郎才女貌。

盛勁為中學時就讀Band 1的「保良局董玉娣中學」，並為「董中人」身份自豪，不過他說自己初中成績不好，200人入面考150名，但高中成績反而好轉，原因竟是因為追女仔。他過往曾在訪問中笑說，自己不懂追女仔，只好死纏爛打，知道對方想入理科、他就去讀理科；知道對方想入精英班，於是就發奮考好成績。他其後都有在社交平台分享過：「其實為溝女（or溝仔）先畀到你做人最大嘅動力，不服來辯🙃」

盛勁為家境屬基層，不過卻很有家庭溫暖，關係融洽。中五會考那年他醒覺到，家中不會有資源送他去外國，自己必須努力考上本地大學，結果會考有25分，原考直升，高考後再入讀港大經濟金融系。不過，他其實對這些學系冇興趣，而大學三年級時，有港龍機師到港大演講，突然啟發到他原來本地人都可以做機師！於是盛勁為積極惡補英文，用三年時間、屢敗屢試考足三次，16年終於成功考上國泰港龍機師一職，其後更升做副機長，所以他曾鼓勵大家說：「唔好妄自菲薄，俾貧窮限制了想像。」

l成為機師後，他依舊是個屋邨仔，返工放工著住制服搭機場巴出入，亦自言從未因屋邨仔身份感自卑，自己近年才搬出九龍。原來盛勁為以為這是可以做一世的「鐵飯碗」，可惜疫情令他被失業，他亦曾撰長文說：「雖然話天下無不散之筵席，但5年就玩完真係有啲快😅 到而家每朝起身一刻都仲會諗下個月同邊個飛去邊玩，但清醒過來先發現原來game over, 個腦仲未完全接受呢件事，so_sad 😢」不過他仍保持樂天，表示：「我相信這次只是人生股價的小回調，很快會反彈創新高哈哈！」

他亦果然積極尋求出路，亦在低潮期遇到麥明詩，女方問：「既然呢排得閒，想唔想去電視台做吓part-time啊？當見識吓、識吓女仔囉。」於是他就參加《後生仔傾吓偈》錄影，又參加《衝上雲霄大選》，並獲得亞軍，開始接觸幕前工作，如主持《港生活·港享受》等。

此外，他與朋友合資開點心店（已結業），又做保險經紀等，貪這些工作時間彈性，即使日後有機會再做機師都兼顧得來，他曾說：「無計啦，我哋呢啲無父幹嘅90後，係要諗多啲計、做多啲嘢去生存㗎喇。邊有人打本畀你做生意、幫你畀埋首期買樓丫，right？所以呢，如果你都係想靠自己努力向上，考機師好、做保險又好，非常歡迎搵我傾吓。」

而現時何謂守得雲開，隨疫情放緩後，盛勁為已重返國泰，但由於早前曾離職，飛行里數不足，需要再由低做起，才有望再做機長。