吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 小朋友對旅遊期望

自由講場今日: 2640|主題: 1346495

收藏本版

回覆發帖

返回列表

跳至頁

查看: 6307 | 回覆: 73

小朋友對旅遊期望

[複製鏈接]

12 3 4

elsiechan

男爵府

積分: 6988

1^#

發表於 24-11-1 20:52 |只看該作者 |倒序瀏覽 |打印

如題。
大家家中嘅小朋友對旅遊有冇期望？總覺得而家呢一代嘅小朋友太幸福，細細個已經周遊列國。每逢長假期，家長嘅閒談之間，總會問假期去邊度旅行呀？？？旅遊已經彷彿成為必需品一般，成為生活一部份。但我個人一直覺得出外旅遊係奢侈品，有閒錢，有時間先會去，如果要儲錢的話，我第一樣嘢cut一定係旅行。有小朋友之後，旅行次數已經多咗，但原來小朋友之間唔多唔少都會比較，佢返嚟會話我知，邊個同學去咗中東旅遊，邊個同學去咗歐洲之類，feel 到係有少少羨慕嘅語氣，因我哋去東南亞較多，人嘅慾望都係無止境，永遠都係得一想二，小朋友一般係咪都有呢d心態？點樣糾正返佢哋？

0 0 0

私人傳訊回覆引用

KILW

子爵府

積分: 10529

2^#

發表於 24-11-1 21:06 |只看該作者

我反而覺得小朋友想去世界各地遊覽係好事，因知道世界好大嘅人，唔會咁易覺得日日人生無希望，佢仲有好多嘢未試。
小朋友想去旅行，就教佢要幫手儲錢，等佢有目標地生活，好過日日只識留屋企打機扭買嘢。

私人傳訊回覆引用

SMKATHY

子爵府

積分: 10459

3^#

發表於 24-11-1 21:13 |只看該作者

KILW 發表於 24-11-1 21:06
我反而覺得小朋友想去世界各地遊覽係好事，因知道世界好大嘅人，唔會咁易覺得日日人生無希望，佢仲有好多嘢 ...

係，而家唔同我地細路仔時。
歐洲，中東，其實有plan仔細，其實一啲都唔貴。
反而而家唔去，佢哋大左有自己世界，仲難一家人去旅行。

私人傳訊回覆引用

幸運是對手

男爵府

積分: 6474

4^#

發表於 24-11-1 21:16 |只看該作者

如果屋企負擔唔到遠行，咪直接同佢講好貴，比唔起，如果要去歐洲旅行，咁要儲錢，幾年無得去旅行。

私人傳訊回覆引用

washipig

大宅

積分: 4110

5^#

發表於 24-11-1 21:32 |只看該作者

回覆樓主:

我女成日話要坐頭等，我話等你地將來請我坐，媽媽無本事

私人傳訊回覆引用

zitamamama

伯爵府

積分: 16323

6^#

發表於 24-11-1 21:35 |只看該作者

回覆樓主：

本帖最後由 zitamamama 於 24-11-1 21:37 編輯

旅行係我眼中唔係生活一部份。仍然大把小朋友未去過旅行，唔知你小朋友幾大，不過如果屋企負擔到，一年一次成家去玩都係好好回憶。
我小朋友 10歲，佢只去過兩次東南亞。
可能我地普通津校，大部分人都唔係有錢人，我冇聽過佢話邊個同學去邊度旅行，佢又想去之類。佢今年去完旅行有話下次幾時去，我話過兩年。

其實朋輩影響係幾大，我聽過有小學生係羨慕人地住大屋，人地有幾架車，人地有幾個工人。如果本身唔係個個圈子，但身邊同學個個都係，小朋友點都有啲感受。正所謂冇咁大個頭唔好戴咁大頂帽。

私人傳訊回覆引用

Jasmine-4711

翡翠宮

積分: 92184

2025勳章 2025勳章蛇年勳章 2024年龍年勳章牛年勳章

7^#

發表於 24-11-1 21:38 |只看該作者

回覆樓主：

本帖最後由 Jasmine-4711 於 24-11-1 21:46 編輯

如小孩要求去旅行, 就教佢幫手儲錢.

平時衣履、配飾、手機、手錶及用品等,
唔可以要求買名牌.
週末全家娛樂活動也要cut budget.

教孩子：要有所得, 就要有所失.
There is no free lunch.

不要教出“月光族” 或“啃老族”

如家庭冇閒錢,去旅行唔洗每年去,
亦可去大6/東南亞；
遠的地方, 叫佢長大後自己工作儲錢,
將來同自己伴侶去更好

如未成年已環遊世界,
長大後再去一次, 已冇新鮮感.
得來太易, 亦未必懂珍惜

私人傳訊回覆引用

MariaTsui

水晶宮

積分: 60368

8^#

發表於 24-11-1 21:39 |只看該作者

回覆樓主：

本帖最後由 MariaTsui 於 24-11-1 21:40 編輯

有一年我們決定去澳州睇企鵝，我說大家一齊儲錢，結果那年暑假沒有外出吃飯，只在家煮飯，買少點零食，不買玩具，兩個小朋友都很樂意一齊儲錢，其真儲得很少，只是想讓他們知道要作出犧牲。

私人傳訊回覆引用

ada_fung

子爵府

積分: 14649

2025勳章 2025勳章蛇年勳章 BK Milk勳章

9^#

發表於 24-11-1 21:53 |只看該作者

elsiechan 發表於 24-11-1 20:52
如題。
大家家中嘅小朋友對旅遊有冇期望？總覺得而家呢一代嘅小朋友太幸福，細細個已經周遊列國。每逢長假 ...

小朋友價值觀，主要由父母學番嚟。

佢哋去旅行，只會記住好唔好玩，有冇好野食，有冇新鮮感。你估佢哋會好識欣賞風景咩？或者識得去邊度旅行高級D？

所以其實同佢哋近近地去旅行，一齊做D令佢哋有深印象既事，例如露營，一齊煮野食，玩小煙花，一齊玩水，或者一齊去科學館玩實驗，一齊去整蛋糕等等，這些經歷更令佢哋記得。

私人傳訊回覆引用

MissMaMa

水晶宮

積分: 52779

母親節2025勳章 2025勳章蛇年勳章

10^#

發表於 24-11-1 22:34 |只看該作者

elsiechan 發表於 24-11-1 20:52
如題。
大家家中嘅小朋友對旅遊有冇期望？總覺得而家呢一代嘅小朋友太幸福，細細個已經周遊列國。每逢長假 ...

我帶過佢哋去好多地方，數一數，有台灣，日本，韓國，星加坡，馬來西亞，馬爾代夫，澳洲，歐洲，緬甸..... 我同佢哋講，去旅行係為咗認識呢個世界，擴闊眼光，所以佢哋無論去邊都一樣咁開心，唔會因為旅行地點而比高低。

私人傳訊回覆引用

pomanlife

彩鑽殿

積分: 600149

父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

11^#

發表於 24-11-1 22:38 |只看該作者

elsiechan 發表於 24-11-1 20:52
如題。
大家家中嘅小朋友對旅遊有冇期望？總覺得而家呢一代嘅小朋友太幸福，細細個已經周遊列國。每逢長假 ...

你小朋友識既同學仔比較有錢，我仔前幾先同我講，佢有朋友（中學）同佢講未坐過飛機，咁啱學校有安排有得坐，佢好開心

私人傳訊回覆引用

pomanlife

彩鑽殿

積分: 600149

12^#

發表於 24-11-1 22:45 |只看該作者

zitamamama 發表於 24-11-1 21:35
旅行係我眼中唔係生活一部份。仍然大把小朋友未去過旅行，唔知你小朋友幾大，不過如果屋企負擔到，一年一次 ...

我小朋友都係讀普通屋村學校，有同學復活節嗰啲日子，學校要返學，撞正同學仔生日，佢請假去日本旅行，大家好羡慕，有啲小五暑假就去英國遊學一個月，超開心，依家通咁先進，食左個咩飛機餐都share 出黎俾大家睇

私人傳訊回覆引用

珍惜眼前

男爵府

積分: 9310

13^#

發表於 24-11-1 22:56 |只看該作者

回覆樓主：

本帖最後由珍惜眼前於 24-11-1 22:58 編輯

我兩個小朋友同朋友間暫時又冇比較，但上次暑假升小，同佢講冇去旅行，我地準備下升小，佢都有問點解，我只係解釋左年頭仲係幼稚園k3 ,一月去左8日北海道，2月又過左14日泰國，要玩都玩過，而家要準備一下，如果唔係升小會覺得辛苦，我大個個小朋友又ok 話知道。
不過我覺得多外出對小朋友係好..不論去中國地方/外地，見識人地文化咩都去感受一下，平時為有多屋企煮，慳返d錢帶佢地出去玩下

私人傳訊回覆引用

wtcys

子爵府

積分: 13145

14^#

發表於 24-11-1 23:15 |只看該作者

十幾年前我已經有體會，每逢長假屋苑班家長一定問我去邊，我只打算一年去一次旅行咋，好似異類。當我第一次跟團去遠啲嘅澳洲，有啲肉赤，以為個女開心，佢話同學都係自由行去美加歐，我們不外如是。本身性格問題，同學群亦有影響。除非退出那圈子，我做得到啊，話不投機半句多，但我女唔得。我清楚解釋想慳錢，唔想旺季旅行，同埋細佬假後考試唔可分心。往後我開始同佢日韓自由行，係一齊plan，幫手搵車搵路，又跟學校遊學團，錢洗多咗不過見識也多咗，有進步就得。咁多年我時常解釋應使則使，佢已長大了更加明白，幸好物慾不算強。