想生BB 今日: 1|主題: 109538

收藏本版

回覆發帖

返回列表

跳至頁

查看: 1755 | 回覆: 8

2胎終於來了(精子量少及不用做iui的情況下成功了) [複製鏈接]

puzzle0101

別墅

積分: 767

1^#

發表於 25-9-30 11:03 |只看該作者 |倒序瀏覽 |打印

本帖最後由 puzzle0101 於 25-9-30 11:05 編輯

時隔7年,2胎終於來了....
6月時醫生建議我切左粒子宮息肉先做iui,佢話切完3個月內會容易bingo,所以我當時拿拿聲做呢個手術,身體都好快復原,所以7月果個cycle就做埋自然iui...可惜當時都是唔成功

本身諗住8月再book自然iui,但因為老公好難忽然請假,而我好多時排卵日都係星期六日,之前試過幾個月排卵日都撞正假期診所唔開而錯過做iui機會,所以都好煩惱,我地又唔會考慮ivf,iui促排因為無可能成日請假去診所

果排係Facebook成日彈twoplus既廣告,我就好奇睇下website究竟點可係家中做人工授孕(事先聲明我唔係打手,我真係用家XD)我睇佢既website其實覺得流流地,由其係d成功個案既相好似ai整出黎咁,之後就睇下用家comment,真係用完成功既人可能佔1/3,成功率好似唔高........而我係BK又唔多覺有人講呢個產品,諗左幾日終於都買左1個cycle試

不出所料,9月排卵日又係撞正星期日,星期六下午紅d先深粗,所以趕唔到做iui
通常我紅d會深粗2日,之前iui連同有大b果次做iui,都係一深粗就衝去診所即場做iui,今次我就係深粗第2日早上就用一盒twoplus,記得果日係超多蛋白分泌,第一次用twoplus我地雞手鴨腳XD因為要老公射精落個量杯,之後要用針筒抽精子,又要套個膠環,我地2個好小心係咁睇個說明書一個step一個step咁做,老公放支針筒入去都有d唔舒服,不過比起恐怖既鴨咀拑,呢個感覺好少少,針筒放到最入面(睇說明書話最接近宮頸),之後就注射精子入去,注射入去時無咩感覺,注射完抽返針筒出黎,但個膠環要keep住係陰道1hrs,我最後都只係訓低30mins就除左個膠環,一除就好多精液漏出來...當晚check紅d已經轉淺線,原本見website建議1個cycle用晒3盒,但我地都無咩精力再dodo所以諗住留返2盒下一個cycle用...

我都一直無買棒棒驗孕,因為唔會覺得第一次用就成功...

但原來身體比左好多反應我同我講我Bingo了,我依家諗起都好神奇.....

排卵日後1星期:
開始晚晚要柯1次夜尿(我一向無夜尿)
成日一天光(6am未到)就醒訓唔返
護墊有黃黃地或淡柯華田色分泌(少量)<--上年12月同今年7月無bingo果次都有

due day前2-3日:
谷m感覺,肚好谷,腰又酸痛

due day前1日:
谷m感覺,肚好谷,好似想流d M出黎咁

due day當日:
無左谷m感覺,早上無啦啦熱醒,但明明我係開住冷氣訓,熱左5分鐘度又無再覺得熱

due day後2日:
無左谷m感覺,但我都依然覺得只係遅黎m,到早上刷牙時一刷入少少就反胃

下午心思思用紅d check下(屋企無棒棒),點知紅d好快已經顯示深粗線,我係BK見過有人話紅d都深粗都有機,咁我就即刻衝去樓下買clearblue返去驗....5秒到就見到''十字''了^^拿拿聲book產檢,希望順利8 weeks聽到心跳~~果晚我同大b講終於有細佬妹,佢好開心反而老公好平靜,同上一次有大b時一樣無咩反應XD

如無意外,我正式係BK畢業了,我一開始第一篇BLOG都係希望同路人(同我一樣陰道痙攣不能自然行房,老公精子少,要靠人工授孕的夫妻)透過我既經歷帶給一點希望給他們,我地要有BB既過程雖然比其他人難,要克服心理恐懼,要接受無數次失敗,但未到最後一刻唔好放棄,加油,祝大家接好孕!!!!!!