少年成長今日: 0|主題: 16115

收藏本版

回覆發帖

返回列表

跳至頁

查看: 686 | 回覆: 0

成人網站 [複製鏈接]

csir3290

子爵府

積分: 12663

1^#

發表於 3 天前 |只看該作者 |倒序瀏覽 |打印

早幾日同個同事食晏，佢同我訴苦話唔知點做，唔知點同個仔傾好，因為佢個仔畀老師投訴話佢喺學校同啲同學一齊睇成人網站。佢話原本學校係同佢老婆講，佢話學校都係勸導形式提佢老婆留心吓，都要同個仔傾。我呢個同事就話佢老婆覺得唔知點同個仔傾好，而且覺得講呢啲事應該由爸爸同佢講比較好。所以我呢個同事就有啲苦惱唔知點樣開始同個仔傾。
我同佢講話而家都係一個好嘅藉口，因為既然學校都知道，咁就不如開心見誠直接同個仔講啦！不過最緊要講嘅時候千祈唔好一開始就發火，同埋用責備嘅形式，因為大家都做過細路仔，我哋細個嘅時候咪又係對性會好奇，你如果一開始就只係責備，其實只不過會令到佢閂埋隻耳仔而且會越收越埋，希望唔好畀人發現。反而覺得應該同個仔分享係父母擔心佢哋冇分寸，因為對性好奇唔係問題，但係成件事最大嘅問題係同班同學一齊喺學校睇，所以對性產生好奇尤其是同埋班朋友一齊嘅時候，都唔係一件好大嘅錯事，最錯反而係佢哋冇分寸，而家既然阿仔喺學校都應該會有老師同佢傾咗，而且搞到學校打電話畀家長，佢都應該知道大件事，而且因為咁樣嘅原因要通知家長，阿仔心入面都應該都好慚愧。如果到爸爸同佢傾嘅時候，都只係用責備同鬧嘅方式，只會令到佢更加唔知點面對！講真成件事我覺得好奇唔係錯，錯就只不過可能係錯在佢喺學校同啲同學一齊研究，而搞大咗件事！所以我同個同事講只要用返你自己細個嘅經驗同佢一齊傾一齊分享，可能就會令到大家都舒服一啲，而且亦都令個仔明白好奇唔係一件錯事。呢個時候正正就係爸爸要發揮朋友嘅角色嘅時候，亦係扶持住佢一齊渡過困難嘅時候，而且我覺得為咗避免尷尬所以千祈唔需要太過嚴肅，同個仔咁傾，反而我覺得可能可以casual啲當朋友搵個機會輕輕鬆鬆咁去傾。

而家網上資訊五花八門，而且又容易乜嘢都可以接觸，我同同事講話如果因為呢件事，又要上升到個層次係禁止佢用手機或者其他嘅方式，咁只係治標唔治本嘅方法，因為就算你收咗佢部手機，但如果佢要接觸就點都會有方法接觸到，所以既然阿仔只係好奇，咁我就覺得冇必要搞到咁大件事，而且仲會破壞大家嘅關係。所以最終我都係同佢講話傾係需要傾，不過係要casual啲唔好咁嚴肅，亦都要搵機會。另外亦都一路觀察住阿仔嘅情況就可以了。