單親天地 今日: 1 | 主題: 18374

積分: 59

1^#

發表於 09-7-24 20:53 |只看該作者 |倒序瀏覽 |打印

我幾年前已辦妥理婚手續, 絕對離婚令上法官判咗我前夫要俾每月$4000的贍養費. 我自己本來一直有工作, 生活不成問題。

但一年前發現有紅斑狼瘡症, 病情好唔穩定, 半年間已做過兩次大手術+一次小手術。身體支持唔住(因份工好大壓力, 又長時間), 終於冇辦法之下辭左份工, 食住自己D積蓄先。依家身邊已冇晒錢, 前夫的$4000贍養費一直唔係個個月俾, 有時又俾少一千咁, 因為佢好爛賭, 又成日轉工, 份份工都做唔長。最近仲衰, 成日玩失蹤,搵唔到人。

有人話我知我合資格申請綜援, 但我想問社署會唔會要我先追贍養費? (追黎都冇用, 又浪費時間又浪費錢) 社署又會唔會要"刮"我前夫出黎先? 或者要佢簽字証明佢冇能力俾贍養費? 因為第一, 要搵到佢都唔係咁易, 如果要先搵到佢, 可能搵幾個月或半年, 咁我已經餓死左。第二, 我唔想俾我前夫知我咁多野,例如:病、經濟有問題等等, 因為我驚佢玩野要爭番對仔女(離婚時法庭已判左對仔女俾我,但我唔知佢依家可唔可以用我有病唔適合照顧對仔女做理由而爭番對仔女). 而且,佢知我依家咁一定好心涼。

假如我前夫個個月乖乖俾$4000的贍養費, 社署在綜援批出的金額裡扣除番呢$4000, 我覺得好公平, 絕對冇問題, 但假如社署扣除左, 而我前夫果個月又唔俾(或俾少d), 咁我就攪唔掂, 所以好頭痛.

有冇人有經驗之談可分享吓?

謝謝.

0 0 0

私人傳訊

積分: 59

2^#

發表於 09-7-25 21:35 |只看該作者

有冇人可以俾D意見呀?

私人傳訊

MIDA716

別墅

積分: 796

好媽媽勳章醒目開學勳章

3^#

發表於 09-7-25 21:48 |只看該作者

社署會要你前夫簽字証明佢冇能力俾贍養費，如果有每月有比贍養費就一定要在綜援金中扣除全數。

私人傳訊

積分: 45787

好媽媽勳章

4^#

發表於 09-7-25 21:50 |只看該作者

原帖由 2CMom 於 09-7-25 21:35 發表
有冇人可以俾D意見呀?

可能你個情形比較特別, 所以無人可以答到你.
如果你個前夫直情無比反而易辦, 你只需提供銀行月結單及交出聲明比社署, 就可以唔使扣呢一筆.
但係佢一時比一時唔比, 又未必比足數......社署都唔知點做.

其實你而家有病, 極之需要安穩嘅收入, 可唔可以同前夫坐低傾, 如果佢真係比唔到, 叫佢簽一份聲明, 你交比社署.
真係搵佢唔到, 社署唔會迫你, 詳細情況, 你直接向社署查詢會好d.

[ 本帖最後由 newbiee 於 09-7-25 22:01 編輯 ]

私人傳訊

積分: 59

5^#

發表於 09-7-26 19:52 |只看該作者

原帖由 MIDA716 於 09-7-25 21:48 發表
社署會要你前夫簽字証明佢冇能力俾贍養費，如果有每月有比贍養費就一定要在綜援金中扣除全數。

唔該晒, 但如果我搵佢唔到咁點? 佢唔聽我電話, 留言唔覆, SMS唔覆, EMAIL又唔覆. 社署會唔會幫我搵佢? 例如佢地有冇D調查員之類咁?

[ 本帖最後由 2CMom 於 09-7-26 19:53 編輯 ]

私人傳訊

積分: 59

6^#

發表於 09-7-26 19:59 |只看該作者

原帖由 newbiee 於 09-7-25 21:50 發表

可能你個情形比較特別, 所以無人可以答到你.
如果你個前夫直情無比反而易辦, 你只需提供銀行月結單及交出聲明比社署, 就可以唔使扣呢一筆.
但係佢一時比一時唔比, 又未必比足數......社署都唔知點做.

其實你而家 ...

謝謝你回覆. 就係咁先煩. 我又唔想俾佢知, 怕佢話我依家有病要爭番對仔女, 而且佢唔會咁順攤幫我簽字. 當年離婚佢都玩到我透, 出爾反爾. 講真, 佢唔係錫對仔女所以要爭,而係要做D野黎玩我,令我唔開心, 咁佢就心涼, 佢變態架!

私人傳訊

積分: 45787

好媽媽勳章

7^#

發表於 09-7-26 20:10 |只看該作者

原帖由 2CMom 於 09-7-26 19:59 發表

謝謝你回覆. 就係咁先煩. 我又唔想俾佢知, 怕佢話我依家有病要爭番對仔女, 而且佢唔會咁順攤幫我簽字. 當年離婚佢都玩到我透, 出爾反爾. 講真, 佢唔係錫對仔女所以要爭,而係要做D野黎玩我,令我唔開心, 咁佢就心涼, ...

咩佢咁變態架!
你係咪去公立醫院睇? 搵醫務社工幫下手, 睇下佢有咩好嘅建議比你.
另外, 你已經無咩錢係手, 而你又有仔女, 你唔食佢地都要食, 要返學, 唔好理咁多, 去社署申請先, 即使會扣番4000元, 每個月至少都仲有幾千元落袋.
如果有醫生證明長期病患, 要定期食d咩...搭車覆診等等, 都會有津貼.

可以叫醫務社工幫你寫封信比社署, 咁樣會事半功倍.
快d去攪, 有病已經好辛苦, 仲要擔心生活....
你仲有對仔女要照顧, 保重呀!

[ 本帖最後由 newbiee 於 09-7-26 20:16 編輯 ]

私人傳訊

積分: 59

8^#

發表於 09-7-26 20:23 |只看該作者

原帖由 newbiee 於 09-7-26 20:10 發表

咩佢咁變態架!
你係咪去公立醫院睇? 搵醫務社工幫下手, 睇下佢有咩好嘅建議比你.
另外, 你已經無咩錢係手, 而你又有仔女, 你唔食佢地都要食, 要返學, 唔好理咁多, 去社署申請先, 即使會扣番4000元, 每個月至少都 ...

佢就係咁變態, 攪離婚時我更加睇得呢個人一清二楚, 所以我一D都無後悔作出離婚的決定。

我有一對仔女, 依家在瑪麗睇內科(紅斑狼瘡)及精神科(抑鬱症),食緊抗抑鬱藥, 我下次去覆診會找醫務社工傾吓。想問: 我和一對仔女可拎到幾$綜援? 你話就算扣除果$4000仲有幾千蚊落袋,乜綜援有咁多錢架咩? 我有長期病, 會唔會另外有津貼?

謝謝!

私人傳訊

積分: 45787

好媽媽勳章

9^#

發表於 09-7-26 20:41 |只看該作者

原帖由 2CMom 於 09-7-26 20:23 發表

佢就係咁變態, 攪離婚時我更加睇得呢個人一清二楚, 所以我一D都無後悔作出離婚的決定。

我有一對仔女, 依家在瑪麗睇內科(紅斑狼瘡)及精神科(抑鬱症),食緊抗抑鬱藥, 我下次去覆診會找醫務社工傾吓。想問: 我和一對 ...

係呀! 早d睇清, 早走早著, 無謂浪費眼淚!

醫務社工會幫有經濟困難嘅病人架, 你下次記得問喇.
其實綜援唔係好多錢, 只係夠你基本生活.
迫不得已之下, 呢個係唯一辦法.
你+2個小朋友, 基本上每個月會有以下:
租金津貼: 3個人最高可有$3330. (如高過此數你要自己攪掂, 但少於此數, 社署唔會將多出來比你.)
3個人基本金: 大約5千多d
水費津貼: 每月約9元左右.
單親補助金: $255.
(如果醫生證明長期病患, 金額可能會再多一點.)
另外, 小朋友亦會有書簿費/校服等等津貼.

如果你同屋企人住, 就要一家人一齊申請.
申請綜援有資產上限, 個數目唔係好清楚, 你可以上社署網頁.
http://www.swd.gov.hk/tc/index/site_pubsvc/page_socsecu/sub_comprehens/

[ 本帖最後由 newbiee 於 09-7-26 20:58 編輯 ]

私人傳訊

積分: 59

10^#

發表於 09-7-26 20:56 |只看該作者

newbiee:

多謝你呀! 其實我都打算找社工, 不過唔知找醫務社工先還是找社署的社工先.

因為我依家連住屋都有問題, 本來我自己有份幾好o既工, 係出面租樓住, 後來做唔到野, 就返老豆度住. 我老豆係住公屋, 300尺左右, 佢一個人住(因祖母已入老人院), 所以勉強容納到我幾仔乸. 我老豆都拎緊綜援。

但問題係我老豆食白粉, 成日唔係有警察上門就係有道友上門搵佢, 佢有次high完野開左水喉坐在地上發呆, 幾乎浸左間屋. 有次食食下煙瞓著左又燒左張床褥, 所以我住到提心吊膽, 好想快D申請到公屋,又或者租金津貼,可以出去租樓住.

但依家仙都唔仙, 假如社工話我唔合資格拎公屋, 只係批$3330俾我出去租樓住, 咁會唔會有上期按金俾? 如果冇, 我邊度有$俾兩個月按金? 如果搵AGENT找地方,仲要俾埋佣, 都幾頭痕.

私人傳訊

積分: 45787

好媽媽勳章

11^#

發表於 09-7-26 21:07 |只看該作者

原帖由 2CMom 於 09-7-26 20:56 發表
newbiee:

多謝你呀! 其實我都打算找社工, 不過唔知找醫務社工先還是找社署的社工先.

因為我依家連住屋都有問題, 本來我自己有份幾好o既工, 係出面租樓住, 後來做唔到野, 就返老豆度住. 我老豆係住公屋, 300尺左右, ...

搵醫院社工會好d, 因為佢有你病歷, 你唔使交代咁多野.
你而家個處境, 真係好頭痕, 仲好唔安全添.

申請綜援一定要有自己屋企.
但係你而家個處境, 有d特別, 你將你而家個惡劣情形話比醫院社工知, 睇下佢可唔可以幫你申請一筆錢去租樓.
以我所知, 有一d慈善基金, 例如仁濟..及時雨(唔係財務公司)都可以幫到你, 但係要社工幫手申請.
你仲可以問下佢可唔可以幫你向房署申請恩恤安置, 咁樣會快d上樓.

你下次覆診係幾時? 如果太耐, 唔好等, 你直情去問喇!
因為所有申請都要時間, 唔係即刻有, 但係, 你而家住個度對小朋友真係唔好.

[ 本帖最後由 newbiee 於 09-7-26 21:09 編輯 ]

私人傳訊

積分: 59

12^#

發表於 09-7-26 21:15 |只看該作者

我下次覆診(精神科)係8月4日.
你所講"向房署申請恩恤安置, 咁樣會快d上樓" - 大約係幾耐?
再次多謝你, 真係好, 可以有人同我傾下.

私人傳訊

積分: 45787

好媽媽勳章

13^#

發表於 09-7-26 21:22 |只看該作者

原帖由 2CMom 於 09-7-26 21:15 發表
我下次覆診(精神科)係8月4日.
你所講"向房署申請恩恤安置, 咁樣會快d上樓" - 大約係幾耐?
再次多謝你, 真係好, 可以有人同我傾下.

8月4日, 仲有一個星期多d, 咁到時先喇.

對於恩恤安置詳情唔太清楚, 但係我聽呢度d媽咪提過, 可能幾個月至半年就有, 但係取決於個社工是否落力幫你.

你唔好咁客氣, 大家都係女人, 都有仔女, 比d意見啫, 又唔係真係幫到d咩.
如果再有問題, 你可以係度問, 好多人都會盡量解答架.
或者pm我.

如果醫務社工唔幫你, 你試下搵議員, 遇著個好嘅, 會好快解決到.

私人傳訊

積分: 45787

好媽媽勳章

14^#

發表於 09-7-26 21:26 |只看該作者

原帖由 2CMom 於 09-7-26 21:15 發表
我下次覆診(精神科)係8月4日.
你所講"向房署申請恩恤安置, 咁樣會快d上樓" - 大約係幾耐?
再次多謝你, 真係好, 可以有人同我傾下.

差d唔記得, 你8月4 日覆診, 可以直接同醫生講你嘅問題, 佢可以幫你寫信架.
(因為有d社工可能好忙, 未必咁快幫你.)

私人傳訊

積分: 59

15^#

發表於 09-7-26 21:41 |只看該作者

我個幾月前打過去社署問,但果個社工好衰,係度帶我遊花園, 又話香港地呢D case大把啦, 又話申請呢樣果樣唔係咁簡單,唔好咁大希望......好似直情唔想我去攪咁, 所以我好down, 諗住係好似佢所講咁 - 冇得攪. 所以覺得無路可行,有次差d自殺, 果一剎那真係唔知自己做緊乜, 我終於明白點解張國榮會突然從文華頂層跳左落去,原來抑鬱症真係會令人在某一剎那完全唔知自己做緊乜. 今次返去覆診都唔知同唔同醫生講好,因為我食緊抗抑鬱藥都發生d咁o既事, 我驚佢捉我入院,到時仔女冇人湊.

私人傳訊

積分: 45787

好媽媽勳章

16^#

發表於 09-7-26 22:06 |只看該作者

原帖由 2CMom 於 09-7-26 21:41 發表
我個幾月前打過去社署問,但果個社工好衰,係度帶我遊花園, 又話香港地呢D case大把啦, 又話申請呢樣果樣唔係咁簡單,唔好咁大希望......好似直情唔想我去攪咁, 所以我好down, 諗住係好似佢所講咁 - 冇得攪. 所以覺得無 ...

我地呢d弱勢社群係會比人蝦, 惟有自己堅強d.
盡責嘅社工真係唔係咁易遇到.

你知唔知點解你食左藥都仲係想死? 因為你住個度環境咁差, 唔好話你, 比著我都想死.
既然你擔心醫生會捉你入院, 咁你唔好同佢講住, 同醫務社工講左先, 睇下點先.

睇開d, 千祈唔好做傻事, 咩事都可以解決.
你仲要睇住對仔女大, 結婚生仔, 抱孫, 好多野等緊你做架!

到時有咩問題, 你再話比我地知, 大家商量.

[ 本帖最後由 newbiee 於 09-7-26 22:09 編輯 ]

私人傳訊

積分: 59

17^#

發表於 09-7-26 22:15 |只看該作者

謝謝你. 一於8月4日找醫務社工, 希望盡快有d眉目, 依家真係日日擔驚受怕.有咩消息再上黎傾呀.

私人傳訊