Baby Kingdom - 親子王國 香港 討論區 › 首頁 › 懷孕前後› 新手媽媽感到很困擾

懷孕前後

收藏本版
發帖
返回列表
跳至頁

首頁
1

尾頁
   0
puiyee_joey


男爵府

積分: 6643


1#
發表於 10-3-2 09:04 |只看該作者
新手媽媽感到很困擾

我囡囡喺1月18日出世, 個半月大人仔好扭計...

每餐奶前大半個鐘就會喊, 幫佢換片、同佢傾計都唔能夠安撫到佢, 老人家更加會即時抱起佢, 抱住佢仲要行嚟行去, 有時抱住都會喊就會俾奶咀佢滿足住佢先。

餐前佢扭計喊會令到佢個人感到累, 無錯如果俾奶咀佢啜係可停止佢喊, 但係有時啜奶咀又會令佢進入睡眠狀態, 點樣先可以保持佢喺清醒情況下食奶??

另外, 我囡囡佢有時食食下奶會訓左覺叫極都唔醒, 有時就會食飽奶都唔願去訓, 同佢玩同佢傾計之後都仲好清醒, 之後又或會扭下計扭下人抱, 一攪又會攪到下一餐奶。

我同我屋企既老人家傾過, 希望佢地可以配合我, 我唔想囡囡一喊, 未喊夠半分鐘就會即刻有人抱起佢, 我叫佢地可以先去了解囡囡係因為咩事而喊, 例如肚餓、片濕、唔舒服、熱... 試下同佢傾計安撫下佢先, 如果真係安撫過都唔得, 喊左好耐先抱起佢... 但係似乎老人家佢地係講極都唔明, 問題永遠無解決既一日。

仲有, 想問初生bb

係唔係要抱住哄左佢訓先可以放得低落床仔?? 就算我俾奶咀我囡囡, 佢好眼訓都好喇, 訓係床仔度眼光光都係唔會去訓, 總係要抱住先訓著, 但係成功放低訓著既佢機會率又只得一半, 好多時都係抱住哄佢訓, 訓著試文低, 喊醒又抱起... 一攪又會攪好耐...

我好擔心, 過多一個月, 就得返我一個人照顧囡囡。我好怕囡囡要我抱住先肯訓, 醒來又要我抱住, 咁我邊有時間可以做下自己野 or 家務?? 有無人可以教下我應該要點做??
私人傳訊

小曳人


侯爵府

積分: 22599

開心吸收勳章 醒目開學勳章 畀面勳章 貢獻勳章


2#
發表於 10-3-2 09:12 |只看該作者
餐前大半個鐘喊: 我估佢肚餓喎.. e+食幾多奶? 有無試過加奶?

抱住先瞓: 0-3個月嘅b好多都係咁, 你有無同佢包實包被呀? 會好少少架~ 我嗰時仲慘過你.. 後尾有朋友响圖書館借咗本好有用嘅書, share俾我睇, 你可以share吓: the happiest baby on the block
之前有同名website.. 有相關資料添~

私人傳訊

mupooh


琥珀宮

積分: 152898

好媽媽勳章 畀面勳章 環保接龍勳章 BK猜猜猜慶中秋


3#
發表於 10-3-2 12:26 |只看該作者
佢唔係肚餓尿片濕時喊，試下坐佢側邊同佢傾下計或者掃風(仲有風頂住bb都會喊架)。
扭眼訓時放佢喺床，拍下佢心口，比奶咀佢安撫下佢，bb扭眼訓要扭一陣至訓到架，唔好見一兩分鐘都喊就抱起佢，咁樣會搞到佢要比人抱住至訓到覺。
想佢清醒時食奶ge話，可以餵奶時同佢傾計，開d電視聲或音樂，夜晚就唔好喇。
你bb仲細，清醒時間唔會維持得好耐，佢喊一定有原因架。
我個女就快5個月大，唔習慣比人抱住訓，除左頭一個月會食食下奶訓著左，都未試過抱到佢訓著。佢無扭過我抱，不過我有時都會抱下佢。
私人傳訊

TallBBMa


大宅

積分: 2388


4#
發表於 10-3-2 15:21 |只看該作者
原帖由 puiyee_joey 於 10-3-2 09:04 發表
新手媽媽感到很困擾

我囡囡喺1月18日出世, 個半月大人仔好扭計...

每餐奶前大半個鐘就會喊, 幫佢換片、同佢傾計都唔能夠安撫到佢, 老人家更加會即時抱起佢, 抱住佢仲要行嚟行去, 有時抱住都會喊就會俾奶咀佢滿足住 ...


BB 如果得一兩個月應該未識扭計,餐前大半鐘喊可能因爲原來的份量已經不夠。
你留意下是否需要增加份量。
初生階段尚未能調教到穩定地相隔幾多小時一餐，而且如果她吃完了上一餐后未有睡,早些餓也不出奇,不用執著時間.
我的BB初生是一天吃十多餐,每次也吃到睡了,當時所有時間也用在喂奶和掃風,也很無奈.
不過,不用擔心,她一天一天長大,自己會調教的,你可以留意一下,當她兩個多月的時候,突然會變得較容易湊,可能就是老人家說的一百日後會變好.
其實不用抱住哄左佢訓先可以放得低落床仔, 可能你把她放到床仔時輕力一點,不要讓她一下子就感受不到你.
放落床仔你也要給她一點時間,讓她自己哄自己睡,你可以放她到床,関了燈,只有手去拍她,讓她慢慢自己入睡.
比心機,加油!

私人傳訊

oooasis


子爵府

積分: 14840

好媽媽勳章 陪月勳章


5#
發表於 10-3-2 15:48 |只看該作者
咩叫餐前半個鐘扭計？
即喺bb肚餓喊，而你地要半個鐘頭后才比奶bb食？
不如下次你試下立即喂奶睇下bb仲會唔會喊。
我覺得初生bb按需哺喂比定時喂好
私人傳訊

Mimmy


珍珠宮

積分: 42174

2024年龍年勳章 育兒性格勳章 畀面勳章


6#
發表於 10-3-2 16:02 |只看該作者
健康院姑娘都講過bb食奶唔係食藥
唔好限定佢幾點先比佢食
只要唔好個零鐘就話要食既話
早一個半個鐘比佢食都ok架

我個女細果時都一定要抱住瞓
放低唔夠10mins佢又醒
但我知道以後既日子都係我自己對住佢
我抱慣左就係我死
所以我好堅持一瞓著就放低
喊醒就拍下佢或者放係high chair上推下推下咁
慢慢就train到佢可以唔駛抱住瞓
呢樣野係需要d時間
唔係一兩日就教到

瞓住黎食我個女一向都係咁架
只要佢keep住有食, 我都由得佢瞓
食完就掃一陣, 之後就放低佢自己瞓

奶咀我個女就一向都唔食既
寧願飲水都唔要奶咀
私人傳訊

lily_liu817


水晶宮

積分: 64441

wyeth冷知識勳章 好媽媽勳章 醒目開學勳章 畀面勳章 環保接龍勳章 大廚勳章


7#
發表於 10-3-2 16:30 |只看該作者
我覺得可能係bb 肚餓, 我自己唔會太跟足個時間表黎餵奶, 因為每個bb 消化能力都唔一樣, 唔可以咁死咁跟住時間表...同埋, 會唔會係時候要加奶量o既半安半安咁加.
個半月人仔, 都真係未必識扭計...佢不停喊係可能佢無安全感, 如果唔想抱咁多驚第日要扭抱黎訓的話, 你可以試下放一件你著過o既衫放係床仔邊, bb 聞到媽媽o既味, 佢地會安心d肯自己訓的, 唔一定要抱住哄佢訓, 我大仔細個時都係咁樣俾佢訓, 唔駛哄...係大大下比較野性唔肯訓先要開始熄晒燈迫佢訓, 只要你同佢係房, 間唔中俾佢聽到你把聲慢慢佢都會肯自己訓, 但一定要時間慢慢等佢自己訓著~~
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy