論盡家傭今日: 3|主題: 134010

收藏本版

發帖

返回列表

跳至頁

查看: 659 | 回覆: 4

第一次請工人, 大家俾d意見呢個工人使唔使炒? [複製鏈接]

irisnmy

大宅

積分: 4890

1^#

發表於 10-6-17 07:38 |只看該作者 |倒序瀏覽 |打印

我第一次請工人, 請咗一個overseas賓賓, 原本諗住等佢湊NB, 我自己番工...

賓賓黎咗差唔多3個星期, 表現如下:

1. 開頭黎果時好proactive, 未夠鐘咩都抺一餐...而家部份的野一日抺一次, BB的傢俬都唔知佢幾多日先抺一次...

2. 我叫佢10點做晒野可以休息, 每朝6點起身...佢而家未夠9點就走番入房, 口講就話如果有野做就叫佢, 但有時佢9點幾已經熄燈, 吹脹!!!

3. 我so far聽到佢講咗3-4次電話, 每次都係夜晚9點幾十點幾, 傾親都起碼半個鐘...最慘係連我間房都聽到佢講電話(我哋兩個間房隔咗成個廳), 你話幾大聲!!!

4. 完全唔識煮野食, 根本冇煮野食的sense...開頭煮面連水都未煲就放面落去, 煮十世都未滾, 面都淋晒...之後教咗佢兩三次, 今朝睇到佢煮, 依然d steps係錯ge...明明都寫低咗, 點解煮咗咁多次都係有問題!!! 咁我以後的晚餐點靠佢?!

5. 見到佢拖完地, 唔幫我洗地拖, 同佢講佢話每次拖之前都會洗...死未?! 睇少一眼都唔掂...

6. 一個星期同我用完一次超濃縮洗潔精, 連雪櫃都差d整爛我ge...仲要等我開雪櫃先話我知, 連sorry都冇講!!!

我而家仲坐緊月, 佢係BB出院後2日先到, 我已經有請陪月ee, ee又教佢煮野食同清潔...但我發現佢冇咩記性, 又開始懶散, 我而家考慮緊做全職媽媽自己湊番, 因為暫時我都好少俾工人掂BB...大家覺得是否我自己太嚴格定係呢個工人都應該炒呢?

謝謝~~~