首先我聲明以下係個人意見，不喜勿插！
其實睇左好多有關非港人係香港產子問題，我都好想問點解會攪到咁？政府初初容許非港人係香港產子係希望解決香港人口老化問題，但係家下好明顯係未見官先打30大板! 宜家既情況係好有問題，可能係我短視，因為我不但見唔到好處，反而見到好多人既不滿同好多反對既聲音 (除左香港人有不滿之外，竟然連Ｄ非港人都有不滿），點解政府仲係頭痛醫頭，腳痛醫腳？
我生第一胎既時候，問題已經係度，有不滿聲音，但唔見得政府有任何反應；生第二胎明顯問題好大，但係到家下政府都未有完全解決既方案。社會有好多機構都會話某些人在分化香港，但係其實有無諗過背後有咩原因會令到有今日既局面？
我自己親眼見到好多野：
- 生完仔已經好辛苦好攰，仲要人訓走廊
- BB房唔夠位到要D BB訓房門口 (我個B就係俾人放左係門口)
- 有Ｄ媽媽明明已經開到7度8度，但係因為產房full哂無得落 (我果時就係因為full左開到8度先有得落)
- 眼見D產前同產後既姑娘+姐姐真係做到無時停
- 我生完B之後去到產後，就曾經聼到有個非港人媽媽既家屬同個媽媽講：你唔好理啦，有咩都搵佢地（姑娘+姐姐），有咩都攞左先啦，如果唔係俾咁多＄佢地仲咩。
- 我老公果邊有個親戚有個非港人成員，佢地生完Ｂ成家都唔做野，攞政府＄；我亦見唔到佢地好落力搵工lor，日日係屋企打機
我寫lee D野唔係想分化香港，事實我自己見到好多不明既地方：
- 點解香港政府一面鼓勵香港人生仔, 但係另一方面又做D令我地卻步既野?
- 點解香港政府一定要繼續非港人香港產子後，BB會獲取港人身份? ßlee 個真係引起好多好多之後數之不盡既問題!
- 仲有好多好多…..
家下政府既解決方案不但未解決到現時既問題，而且仲只會製造更多新既問題…..我想講講，如果有人發起遊行，我一定一家大細去！！！！
發表於 
返回列表
