再一次介紹人物關係表：
姑奶 = 我老公同母異父家姐，不同姓的
姑仔 = 我奶奶前夫同第2個女人生既細女，同我老公無血緣關係，同姑奶同父異母姐妹
上回提到哎吔姑仔就生BB
而佢比佢老公個大佬同大嫂趕走無地方住
我姑奶叫我地收留哎吔姑仔同佢老公一家
但已比我拒絕咗
點知而家有下文~~
噚日差不多放工時接到奶奶電話
佢話佢同老爺帶咗我仔返我地屋企
咁我地唔需要返佢地度接仔勒咁
我仲心諗~~正，唔使兩頭走
點知返到屋企我真係暈底
我見到有2大喼行理放咗喺廳度
我就問佢：
你地唔係比哎吔姑仔嚟我度吖嘛？
貴奶奶：
唔係佢地，係我同你老爺
我地要喺你屋企住住先
你姑奶將佢個妹帶咗去我地屋企
我地又唔方便同佢地住
咪唯有住喺你屋企一陣先囉
亞貴：唔係吖嘛，你地有無攪錯呀（我d火開始上升勒）
貴奶奶：
唉….你姑奶失驚無神帶佢兩公婆嚟
話佢地比人趕走咗喎，話無地方落腳喎
我地都唔想咁啦，但佢地又跪又盛，點推喎？
貴老公：
咁老豆點解唔出聲呀？佢係屋主，我地呢度姓x架….佢有咩權喺度住呀？
等我同佢理論，都痴x線既，你個女都夾硬嚟離晒大譜
你又係既（我老公指住我奶奶鬧）明知老豆條腰有事行唔到
你仲要佢走嚟走去？
你地d蘇周屎係要我地呢家人嚟攪？
貴奶奶：
我知我知，不過個大肚婆跪晒喺度又喊又求，我好難開口喎
貴老公：
xyz@#$%^，食完飯我同你地返去......
亞貴 發表於 11-7-12 11:03
再一次介紹人物關係表：
姑奶 = 我老公同母異父家姐，不同姓的
姑仔 = 我奶奶前夫同第2個女人生既細女，同 ...
發表於 
<font color="DarkOrchid">
返回列表
