其實今個月已經係早左, M小姐不嬲都鍾意玩野, 有時好準時28日黎, 有時就35-42日黎.. 總之佢想黎就黎.. 之前未諗住生BB, 所以我都無刻意去理佢, 佢有黎就得…. 
好啦.. 老公突然提早造人計劃.. 好彩呢半年都有MARK下日子, 又係35-42日咁黎啦.. 上一次35日.. 3/5先黎完, 跟住30號M小姐就黎左! 即係28日就到!! 第一日個量都好正常.. 第二日起身好似壞左水喉咁.. 又有好多”血塊”.. 我由起身KEEP住用夜用裝M巾, 每個幾鐘換一次已經濕透, 喺公司已經過左一次底, 搭車返屋企又過左一次底, 好啦, 返去沖好身, 約左返奶奶到食飯, 返左去個幾鐘就開飯, 我驚食飯坐得耐, 已經換定一次先, 又濕晒!! 食完飯坐低睇左陣電視, 大概又係個幾鐘啦.. 起身去洗碗.. 又過!!! 
老爺喺度架嘛.. 即係好唔好意思咁衝入廁所, 跟住叫奶奶拎姑仔D褲比我換啦.. 我真係人都癲!! 
奶奶知道左, 問我係咪成日都係咁, 我話都唔係, 係今次唔知做乜咁勁!! 老爺知我鍾意飲咖啡, 我每次洗緊碗果陣佢同老公開壇磨咖啡豆沖咖啡齊齊嘆.. 準備期間老公去拎左杯奶奶整既茶凍食, 食左幾啖就諗住比啖我試.. 隻匙都未擺到埋口奶奶就截住老公叫佢唔好比我食.. 呢刻我就醒起豬龍B既說話.. M小姐喺度唔准食凍野… 哈..
今日DAY 3, 好似又回復返正常量.. 條腰亦都已經無咁”冤”.. 都唔知今個月搞乜鬼, “早”左又多左.. 其實我都想調理下, 但係我D時間好麻煩, 成日睇中醫去飲藥會好難夾.. (屋企用電磁爐自己煲唔到) 我雖然識煮飯, 但係唔係好識煲湯, 唔知可以煲D咩比自己飲! 奶奶阿媽其實都唔知我地已經準備造人.. 我唔想比佢地知住, 因為奶奶其實應該幾恨, 佢好鍾意小朋友, 而且加上佢尋晚截住老公唔比我食凍野呢個反應, 我有D擔心如果佢知道左之後就會好緊張, 有無JM可以指教下?
發表於 
mouth:
返回列表
