吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 2013年媽媽會› 產後情緒問題

2013年媽媽會今日: 0|主題: 26101

收藏本版

發帖

返回列表

跳至頁

查看: 835 | 回覆: 16

[9月] 產後情緒問題 [複製鏈接]

callychoi522

別墅

積分: 770

1^#

發表於 13-11-13 15:34 |只看該作者 |倒序瀏覽 |打印

唔知點解成日都覺得好大壓力,訓唔著.

我同99不嬲無咩兩句. 佢好傳統, 係咁叫我生仔, 點知今胎係女. 我為左唔同佢嘈交我已經請左陪月 (係自己俾$$, 老公無俾), 希望佢唔好日日來, 點知坐月o既時候佢都係日日來, 由朝早10點全到4-5點, 連weekend 都係度..

我請個陪月返來做野, 佢又同個陪月不停吹水, 嘈住我休息... 佢同陪月講嫌我間屋細 (我家住太古城,佢日想搬來同我地住, 但係我地無留房俾佢).... 間屋我同我老公一人一半供的, 首期仲要係我呀爸呀媽借, 但已經還晒)

有日我見精神好d, 想同bb玩, 不過當我行近bb o既時候唔知點解 bb 喊... 我奶奶話bb聞到阿媽d 味就會喊, 叫我行開d. 我當堂呆左, 自己生o既小朋友我想行近d都唔得? 仲有, 因為我係餵人奶, 佢就不停管我飲食, 明明陪月有餐單佢都自把自為. 有陣時我唔係好食某d魚, 我已經勉強食左少少, 佢唔滿意, 就直接夾落我個碗度... 佢亦都唔俾我係間屋度行, 連企都唔得, 話是會子宮下垂, 食完飯就叫我入房, 連bb都唔俾見, 唔俾玩.... 仲有佢唔理三七二十一BB 一喊就又抱又話佢要食奶(明明一個鐘前先餵)我話唔好，陪月同工人都唔知聽邊個講．．．　

有一日我同佢講要出街同bb拎出世紙, 佢就話bb係跟爸爸姓的, 同呀媽無關, 叫我唔駛去...

有一次我係房埋身餵bb, 佢來到見唔到bb就直接沖入我房... 果日剛剛廁所壞左有個男師傅上來整, 佢無端端打開門直係嚇死我... 我忍唔住話"邊個俾你開門?" 跟住佢就面黑黑走左出廳打俾親戚話我鬧佢...

我真係好唔鐘意佢不停當自己係間屋o既女主人, 係咁駛個工人, 佢仲係我坐緊月未問過我叫親戚上來睇bb...

我同我老公講佢話係咁, 無野可以做...同佢講親咩佢就鬧返我, 話我對佢屋企人有偏見, 係我誤會佢呀媽.......如是者我奶奶一直係我屋企一個半月..... 直到我差唔多放完產假...

我同我老公講我返左工之後奶奶可唔可以唔好成日自己上來... 我老公完全唔理我, 覺得佢呀媽來我地屋企係天經地義

我出錢幫bb係酒店擺百日宴，８萬幾蚊我老公無出錢，我俾佢男家３０個位，我６２９９都唔開心，話請唔晒d親戚朋友．．．　

因為奶奶ｏ既事我同我老公成日鬧夜．．．　佢已經唔聽我講野．．成日問我想點．．對工人好過對我．．佢仲成日係照顧bbｏ既事情上同我唱反調．．．　只係生左bb兩個月，屋企已經變得好陌生，　唔再係我以前溫馨ｏ既家

我自問經濟獨立，條件比我老公仲好，我唔明點解我都要受奶奶氣．．．真係好想離婚，重過我ｏ既生活．．　我絕對夠能力一個人供樓，請工人，同養bb的

0 0 0

私人傳訊

TTPIG

伯爵府

積分: 18717

2^#

發表於 13-11-13 16:09 |只看該作者

callychoi522 發表於 13-11-13 15:34
唔知點解成日都覺得好大壓力,訓唔著.

我同99不嬲無咩兩句. 佢好傳統, 係咁叫我生仔, 點知今胎係女. 我為 ...

好的99唔易搵，我也因為生左阿B後，日日喊。
好彩自己喊完就算，性格比較樂觀先無事。

但我C6比你的好少少，會比我呻，然後問我係咪舒服晒

私人傳訊

callychoi522

別墅

積分: 770

3^#

發表於 13-11-13 16:41 |只看該作者

TTPIG 發表於 13-11-13 16:09
好的99唔易搵，我也因為生左阿B後，日日喊。
好彩自己喊完就算，性格比較樂觀先無事。

真係好唔開心，　淨係同個女一齊先真開心．　我可能要見下輔導員．．．又要用錢．．唉

私人傳訊

TTPIG

伯爵府

積分: 18717

4^#

發表於 13-11-13 18:35 |只看該作者

callychoi522 發表於 13-11-13 16:41
真係好唔開心，　淨係同個女一齊先真開心．　我可能要見下輔導員．．．又要用錢．．唉
...

可以搵自己朋友傾下丫！
放鬆D就得

私人傳訊

SONIA321

大宅

積分: 3466

5^#

發表於 13-11-13 19:39 |只看該作者

回覆：產後情緒問題

咁嘅99好難頂。。仲要加上老公唔企係自己果邊

私人傳訊

Foxyrabbit

大宅

積分: 3725

6^#

發表於 13-11-13 22:10 |只看該作者

引用：唔知點解成日都覺得好大壓力,訓唔著.+我同9

原帖由 callychoi522 於 13-11-13 發表
唔知點解成日都覺得好大壓力,訓唔著.

我同99不嬲無咩兩句. 佢好傳統, 係咁叫我生仔, 點知今胎係女. 我為 ...

你99先有病，比我會當耳邊風，連反應都費時俾佢:pppp:

私人傳訊

psy2009

大宅

積分: 1934

7^#

發表於 13-11-13 22:20 |只看該作者

回覆：產後情緒問題

我都係情緒化，對其他人講既野好介意，給自己壓力，有事無事都喊，記住要跟老公好好維繫感情，我生完仔仔後，強烈感覺唔可以失去老公，好想一家三口好好生活，老公都要適應新生活呢！
出街輕鬆下、向人傾訴下，就會對所有人、說話看得開，愈喊愈少。
有時一家三口去街好新奇，同以前二人世界好唔同。

私人傳訊

mailcm

別墅

積分: 788

8^#

發表於 13-11-14 01:06 |只看該作者

回覆：產後情緒問題

坐月期間，我99都成日話我，又叫我著到隻粽咁，又叫我唔好洗頭，我完全冇理佢當耳邊風，轉頭佢又叫陪月點點點做，乜都多多聲氣，我一句得過去“人地陪月係專業，佢自有分數唔使我地咁多意見”，我覺得有唔滿意不妨直接講出來，坐月婆大晒架

私人傳訊

fakeplastictree

大宅

積分: 1092

9^#

發表於 13-11-14 08:41 |只看該作者

回覆：callychoi522 的帖子

我先生都唔撐我，唉，同你一樣，先生唔撐自己是最傷的！我見他不撐我，我都費事同他講奶奶的事，講黎都嘥氣和傷感情！我就我同我媽呻，叫我媽多点上來看/湊bb,奶奶見有人，就少d上來了。
兩公婆無理由一生完b就不喜歡對方呱，只是突然多一個大家都十分在乎的b出現，一時未適應而已，我這樣跟自己講。

私人傳訊

puilingling

複式洋房

積分: 274

10^#

發表於 13-11-14 13:23 |只看該作者

回覆：產後情緒問題

我老公都係咁，我坐月，佢哋三母子食飯，我自己一個人睇住阿女，啲菜都凍晒。

私人傳訊

kiki06032013

別墅

積分: 620

11^#

發表於 13-11-14 13:24 |只看該作者

回覆：產後情緒問題

選擇性失聰，自己會舒服好多，搵自己屋企人傾下，宜家唔會同老公講！

私人傳訊

kitkimi8

別墅

積分: 676

12^#

發表於 13-11-14 15:17 |只看該作者

回覆：產後情緒問題

我同你有啲似，99都係咁！我會每日抱個女去我媽媽度，抱左一個星期，99已經無再日日上黎！！！

私人傳訊

callychoi522

別墅

積分: 770

13^#

發表於 13-11-14 18:34 |只看該作者

多謝大家支持...同你地吐晒d苦水即刻覺得開心左...大家加油呀...

私人傳訊

nicoleloklok

別墅

積分: 720

14^#

發表於 13-11-14 19:06 |只看該作者

回覆：產後情緒問題

我99同你99真係差唔多，傳統又囉唆，我最憎佢就係死攬住個b唔放，喊就即抱，坐月又多多事幹，咩都唔俾做，但佢個人係好既，我唯有系“佢都係為我好”呢個出發點上去諗令自己舒服啲！

私人傳訊

annisling

大宅

積分: 1137

15^#

發表於 13-11-14 19:58 |只看該作者

回覆：產後情緒問題

我奶奶又係咁，佢開頭話請大半個月諗住黎幫手，我一早話唔洗。佢咩都唔識，我媽都話我奶奶係果啲蒸生瓜……所以一早同左佢講請左陪月。但佢照請。

我住院時乳頭損哂，頂唔順俾左奶粉佢又話。出院果時我餵緊奶，餵左好耐bb都未飽係咁喊，佢就走入黎望住我個胸

我話我咁好懢介，佢就講佢都餵過怕咩

救命……你係奶奶姐，我都唔係要俾你睇全相嘛

之後出院就住喺我地屋企，又成日話我唔夠奶俾bb飲，因有陪月，佢就成日攤屍咁攤喺我梳化度，又係咁同陪月吹水嘈住哂，朝朝睇新聞開到大大聲……

我日日哦我老公，好在佢都睇諒我，暗示奶奶叫佢走，但佢聽唔明照留底，我老公之後再同佢講佢係度我地好大壓力，佢就喊住咁走，但因為咁我老公都喊住鬧返我

不過有時要選擇性忍氣吞聲……咁大家都開心。我之前除奶奶外仲有其他野成日話我老公，佢都唔點采我，加上我前排情緒都好差，健康院安排左精神科護士睇我。我同老公講我要睇精神科後，佢即刻態度好返哂

不過我只係媽媽離開左先情緒差，而唔係產後x屈

私人傳訊

kmmum

男爵府

積分: 9725

16^#

發表於 13-11-14 23:39 |只看該作者

樓主,唔好喊,乖la. 你奶奶住邊? 可以日日來你屋企?
唔開心,去婆媳版.呻個飽, 一定有一大班jm support 你.

唔好想離婚. (雖然我都想過. xdddd)
男人係咁. 佢地唔會理自己阿媽和老婆之間既野.

你都好. 有自己層樓. 我同老公生bb 前. 供緊99 層樓..(港島東. 筲基灣)
我連生兩個囡, 99 黑口黑面. 我寧願租屋住, 搬近娘家. 都唔想見99.

老公亦唔like 我講99壞話. 我當自己係外人.
一年只會返去食五次飯[做冬/新年/99生日....完]心情好的話.清明和重陽都會返. (老公要拜老爺)

樓主,你從今天起,當自己係外人. 男家所有東西.唔好上心.
若想對抗99, 一定要識做戲. 老公在場,便做好人.老公不在場. 便給99看面色.
唔好輸呀!!!!

我坐月時,99上來坐,阿之阿左. 我咪入房餵人奶.佢仲大大聲聲講[怕乜,大家都係女人?!出來餵] 我心想[唔係麻. 以前一齊住,你係女主人. 家陣我在自己屋企,仲要聽你支笛?] 我偏偏唔出去. 等老公please 我..先出廳露面.

99又叫我地搬返去. 我大大方方開曬d 房門俾佢睇,話[工人有自己房,大囡有自己房, 我和bb一間房, 雖然99你屋企一樣咁大, 但無獨立工人房, 我工人訓邊??. 我大囡訓邊? 我唔係唔想搬, 不過,真係唔夠地方住, 除非搬千幾呎. 但樓價貴. 唉, 我無能為力. 等我勤力d 返工]
我99唔鍾意d新抱’無工返，會覺得食佢個仔住佢個仔].
雖然老公搵$$ 多過我. 但我有自己公司. 一年bonus 有6個位. 我會有意無意係99面前暗示. (當然老公唔知) 99 先唔敢睇少我.