吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 善待自己

家庭理財今日: 18|主題: 46946

收藏本版

發帖

返回列表

跳至頁

查看: 3996 | 回覆: 58

善待自己 [複製鏈接]

12 3

丁丁*

大宅

積分: 4703

好媽媽勳章醒目開學勳章

1^#

發表於 07-8-18 03:17 |只看該作者 |倒序瀏覽 |打印

平時c 慳c 抵, 衫唔會買多件, 早餐買個最平麵包, 食中午飯都係買個 10 元飯盒. 但在股票就 lost 咁多錢. 差不多 100k :cry: 所以早幾日開始, 諗諗下都要善待自己, 所以呢個星期我都係在街食豐富早餐

午餐出去飲茶 or 餐廳食, 感覺原來真係開心好多

0 0 0

hello hello ~~

私人傳訊

RAYMA

男爵府

積分: 5266

畀面勳章

2^#

發表於 07-8-18 07:39 |只看該作者

絕對同意, 無論賺錢或蝕錢, 都好要要對自己

私人傳訊

lisatsoi

大宅

積分: 1943

3^#

發表於 07-8-18 09:33 |只看該作者

好認同你的睇法,我一有賺都會買東西獎自己,唔係點知明天輸贏,起碼d東西唔可以再去"賭"長遠留係度.

私人傳訊

littlefatc9

大宅

積分: 4170

4^#

發表於 07-8-18 09:40 |只看該作者

我自己既安排係投資金額要以唔影響生活&情緒為原則
開心安心係無價的

私人傳訊

talkative

禁止訪問

積分: 205825

畀面勳章環保接龍勳章

5^#

發表於 07-8-18 09:41 |只看該作者

提示: 作者被禁止或刪除內容自動屏蔽

私人傳訊

BB2WONG

大宅

積分: 2837

6^#

發表於 07-8-18 09:58 |只看該作者

原文章由丁丁* 於 07-8-18 03:17 發表
平時c 慳c 抵, 衫唔會買多件, 早餐買個最平麵包, 食中午飯都係買個 10 元飯盒. 但在股票就 lost 咁多錢. 差不多 100k :cry: 所以早幾日開始, 諗諗下都要善待自己, 所以呢個星期我都係在街食豐富早餐午 ...

hi, 丁丁！
其實做人就應該善待自己，如果唔係做人會好辛苦，好似我老公鬼咁慳，屋企內過期食物佢都唔比掉要留番佢食！點知就取左個大洗既老婆，點慳都無用！而且可能佢屋企既風氣係咁樣，所以雖然我奶奶身家（真係全靠save番來）都幾厚，但係全家身體都唔好，我老公一星期可以食足七日藥！我奶奶而家日日去銀行炒股，買左跌就會時時呻，有時勁d買左d輪或買外幣點數，夜晚佢話擔心到瞓唔著，賺到又何苦？

而我阿媽真係無錢剩，但係佢會比我地全家食得好，所以全家都又健康又開心！我阿媽無收入一樣仔女比幾多佢洗幾多，個個星期去短線旅行，成班太太慶起就夜晚去食東食西，仲可以去唱k、打bowling，死未，所以成80歲一樣天天唔可以停低，我地想見佢都要預約！去body check醫生叫佢唔蒲得太勁，行動唔好咁快！

所以我時時講錢係無得儲，慳來慳去總有地方去，當然洗錢要適無而止，千奇唔好做守財奴！祝你開心！

私人傳訊

丁丁*

大宅

積分: 4703

好媽媽勳章醒目開學勳章

7^#

發表於 07-8-18 11:03 |只看該作者

BBWONG,
我停左買股票都差不多 2 星期了 ~~ 都真係好彩

見到呢排個股市大起大落, 好彩無錢買, 否則真係晚晚訓唔著. 我雖然之前 lost 左 90 幾k, 但反而有一身鬆哂既感覺. 不過我都好為d 朋友擔心 :-| 尋晚美股升, 希望下星期一開始個港市會陸續向好, 大家快d 賺番 lost 果d.
我想我將會有一大段時間唔買股票, 除左無多餘錢之外, 我覺得自己真係唔識玩. EQ 唔夠. 又會擔心好多野. 如果我早前唔係貪心想係股票搵錢, 就唔會貪字得個貧

我早兩日聽查小欣個節目, 訪問夏雨, 佢講話如果唔識投資, 就呢世都真係唔好掂. 佢好多年前買基金 (其實佢已經係穩陣派), 但一個大浪, 即時無左 40%, 要好多年先返到本

我諗我都係努力在工作上搵錢好過, 我早排本來都發夢都想做全職媽媽, 睇個大女小學d 功課, 陪佢溫書, 及陪個細佬bb成長. 但經過呢排, 我現在反而想好好 keep 全份工, 一路做落去... 我地大家一齊努力吧

原文章由 BB2WONG 於 07-8-18 09:58 發表
hi, 丁丁！
其實做人就應該善待自己，如果唔係做人會好辛苦，好似我老公鬼咁慳，屋企內過期食物佢都唔比掉要留番佢食！點知就取左個大洗既老婆，點慳都無用！而且可能佢屋企既風氣係咁樣，所以雖然我奶奶身 ...

hello hello ~~

私人傳訊

MariaTsui

水晶宮

積分: 60634

8^#

發表於 07-8-18 15:25 |只看該作者

為了使個身心健康,我預留一個數來買股票,有些是長線,這樣就不會心情如過山車,無覺好"訓"。

私人傳訊

waiwai75

洋房

積分: 326

9^#

發表於 07-8-18 18:14 |只看該作者

我有個同學既daddy向咁多年都係炒股為生, 佢好good可以養一家3口, 又可以比個囝去美國讀書, 讀到以家30歲都唔知讀完未, 早年我就問佢有關股票既野, 佢就話: 玩股票只有少數人win晒大部份人既錢, 所以您最好唔好玩啦! 聽完後, 雖然我並唔係冇玩, 但我只會用最多30%既savings 去玩, 所以今次跌市, 我並唔傷, 冇話唔安落, so希望大家記住股票呢家野唔好訓身落下玩, 祝good luck:-P

原文章由丁丁* 於 07-8-18 11:03 發表
BBWONG,
我停左買股票都差不多 2 星期了 ~~ 都真係好彩
見到呢排個股市大起大落, 好彩無錢買, 否則真係晚晚訓唔著. 我雖然之前 lost 左 90 幾k, 但反而有一身鬆哂既感覺. 不過我都好為d 朋友擔心 :- ...

私人傳訊

anjojamo

複式洋房

積分: 142

10^#

發表於 07-8-20 17:04 |只看該作者

聽完你哋講後, 我都有感而發.

以前學人買股票, 賺一千幾百就好玩心, 跟住愈玩愈心雄, 今次賺一千, 就會希望下次賺兩千, 貪念係無止境...........最後咪又係輸突畀個股市.

每次無論買入或賣出, 個心都會囉囉攣, 買咗又驚跌, 賣咗又驚升, 總之就周身唔聚財.

差唔多有兩年冇玩股票喇, 成日想喺低位再買過一啲實力股, 然後唔郁, 諗住留畀阿仔, 點知個市係咁升, 當間中跌幾百點, 又驚佢未跌盡, 所以每次都唔敢買, 結果, 眼白白睇住個市由10000點, 一路上到23000點, 我都未買過.......唉, 所以話我呢啲人, 真係冇本事靠股票搵食.

以我嘅心態, 就算買咗大藍籌, 都學唔到有啲人可以放埋一二角十年八年, 由得佢慢慢增值, 我係會成日睇住個市, 一見有幾千蚊賺, 就會"啦啦聲"放咗去, 諗住等佢跌時再買過, 舉個例, 曾經$100買hk bank, 初時係威係勢諗住唔郁架, 好喇, 當佢升到$105, 我有小小心動, 不過都冇賣, 點知轉吓個頭, 佢跌番落去$100, 於是我就喺度揼心, 點解$105唔放呢? 如果我放咗, 就賺咗幾千蚊, 跟住又可以喺$100再買過喇........當再上返去$104, 我就放都放唔切, 因為驚佢會再跌過, 點知, 佢唔止唔跌, 仲一支箭咁上到去年$140.......呢啲咁嘅例子, 試得太多太多喇, 如果我一早堅持長線投資, 而家我嘅身家已經翻咗幾翻.

唔駛講太遠, 大約都係兩三年前啫嘛, 當時$4.9買咗2628, 點知買咗後跌咗好多, 又話佢管理層唔掂, 又要打官司, 搞到我連瞓覺都諗住, 後來等咗差唔多一年, 當股價上番大約$5.5, 我又係急急咁放, 以為佢會再挫落去, 點知佢連$30都畀我見到, 另外, 941, 330, 5, 23......等等嘅實力股, 情況都係咁上下, 全部都係捉到鹿唔識脫角..........所以, 你哋話我除咗冇膽之外, 係咪仲欠咗一個"運"字吖?

唉, 真係食幾多著幾多係整定嘅.

有時諗, 雖然光靠儲蓄嗰啲鶏碎咁多利息, 都唔夠股票上落一格, 不過話晒都叫做保本, 又唔駛成日担驚受怕, 最啱就係我呢啲冇大志嘅師奶, 否則賺咗都唔夠買安眠藥同鎮定劑.

私人傳訊

blythe

子爵府

積分: 13506

11^#

發表於 07-8-20 17:24 |只看該作者

原文章由 littlefatc9 於 07-8-18 09:40 發表
我自己既安排係投資金額要以唔影響生活&情緒為原則
開心安心係無價的

我都係咁話,真你不要影響到日常生活.
賺到既好好善待自己及家人.

私人傳訊

wife

子爵府

積分: 14859

12^#

發表於 07-8-20 17:26 |只看該作者

原文章由 littlefatc9 於 07-8-18 09:40 發表
我自己既安排係投資金額要以唔影響生活&情緒為原則
開心安心係無價的

係!我非常之認同

,應該用閒錢去投資!
仲有,提心吊膽會令人加速衰老!咪攪我!

私人傳訊

littlefatc9

大宅

積分: 4170

13^#

發表於 07-8-20 20:22 |只看該作者

原文章由 anjojamo 於 07-8-20 17:04 發表
聽完你哋講後, 我都有感而發.

以前學人買股票, 賺一千幾百就好玩心, 跟住愈玩愈心雄, 今次賺一千, 就會希望下次賺兩千, 貪念係無止境...........最後咪又係輸突畀個股市.

每次無論買入或賣出, 個 ...

唔係講笑,淨係睇都感受到你份忐忑
雖然錢係重要,但搞到咁賺到都唔夠補身

p.s. 好同意你o個句食幾多著幾多係整定

私人傳訊

anjojamo

複式洋房

積分: 142

14^#

發表於 07-8-21 09:51 |只看該作者

原文章由 littlefatc9 於 07-8-20 20:22 發表

唔係講笑,淨係睇都感受到你份忐忑
雖然錢係重要,但搞到咁賺到都唔夠補身

p.s. 好同意你o個句食幾多著幾多係整定

係呀! 雖然話我用嚟買股票啲錢唔等住用, 不過眼見買咗後個價係咁跌, 或者賣咗後個價係咁升, 個心都唔係幾舒服架. 話就話係實力股, 跌咗都唔怕, 但成日會同自己講 : 點解唔再跌低啲先買呢, 搞到買貴咗, 又或者 : 點解唔再睇吓先放呢, 賺少咗喇...........

我絕對清楚有咁嘅心態, 已經唔適合再喺股票市場流連, 所以賣晒所有股票後, 都有兩年冇再掂喇.

不過又不至於對股市不聞不問嘅, 我成日都吼住, 等佢跌得再金啲時, 就會買啲大藍籌養老, 點知上星期五跌咗成1200點, 我都後知後覺, 居然冇入市. 唯有嘆句, 唔係我財, 唔入我袋.

私人傳訊

littlefatc9

大宅

積分: 4170

15^#

發表於 07-8-21 10:24 |只看該作者

唔好咁諗喇

個個都知最好就低買高沽
正如你以前買都以為係低
賣都以為係高
睇番轉頭當然知個走勢,
但在局中都有賭博成份
正如琴日升咁多,我有fd入put
點知今朝高開幾百點

如果你長線睇好香港股市,不如月供股票喇
無論價高價低都唔使心掛掛
假以時日又有股票o係手
都唔錯架
我都打算開始,諗緊2800/2828

私人傳訊

anjojamo

複式洋房

積分: 142

16^#

發表於 07-8-21 10:27 |只看該作者

其實我入嚟呢度, 唔係想"哭股喪", 只係被版主嘅"善待自己"吸引, 所以入嚟裝一裝啫.

跟住再睇埋版主"刻薄"自己嘅心態, 我有如見到自己.

我平時又係好慳, 有時會為咗一角幾分而斤斤計較. 我唔算太刻薄自己, 但係好多嘢都唔捨得使錢, 諗住慳得就慳.

例如我有$10, 我好鍾意一樣$1嘅嘢, 但會覺得太貴喇, 於是一係就唔買, 一係就退而求其次, 買啲少於$1嘅嘢, 就係咁, 形成我到而家仲係對自己好孤寒.

不過隨住年紀漸大, 我其實已經對自己好咗好多喇, 亦都闊綽咗, 有啲嘢想買, 都會買嚟獎勵自己, 但始終本性難移, 仲係未睇得咁開, 正在改善中.