自由講場今日: 385|主題: 1350084

收藏本版

發帖

返回列表

跳至頁

查看: 2795 | 回覆: 122

我係支持警察/反佔中的，佔中勿入

[複製鏈接]

12 3 4 5...7

mayip

大宅

積分: 4349

1^#

發表於 14-10-3 07:23 |只看該作者 |倒序瀏覽 |打印

佔中人士，你如果入咗黎，你走啦，呢度係反佔中，唔好入黎挑機，呢幾日我受咗好多氣，比地方我發洩吓。唔需要再同我講任何道理/意見，我睇夠啦！聽夠啦！明架啦！唔好再强姦我立場/意願。
志同道合既JM,sorry!有D長！比我發洩吓!
28/9我係屋企冇親身去現場，我冇睇蘋果send出黎D新聞（平時已經好少睇），（4-6點）全程係屋企睇TVB新聞台直播，係直播，直播應該冇得剪片，7點睇now新聞台。因為咁樣，見到警方用催淚彈，覺得冇唔合理，應該要用。有人問我警察用胡椒噴霧射個啊婆，點睇？果一刻我認得呢啊婆，其實係啊伯，我想話佢知啊伯所作所為，但我果一刻冇短片，冇証據，我就算講完對方都係唔信，所以我冇講咩。前3日，我接收咗好多訊息/短片/相，係話佔中人士手冇吋鐵對抗警方。我一開始唔相信呢D資料，到我睇睇吓開始有少少動搖（因為除咗屋企人，冇人同我意見一樣），好多資訊話比我知佔中人士係和平示威。我跟著睇蘋果動新聞，睇咗幾編之後，開始被佔中人士感動，開始問自己，我支持反佔中會唔會係錯，意志開始有D動搖。好彩，係舊同事FB見到一編文章，內容大概話而家香港只有支持和唔支持2個局面，會好容易比人影響，呢個時候，只要相信自己親眼所見，要意志堅定。我問自己，我係睇直播冇得剪片，我要相信自己對眼。而且好彩，我好朋友呢刻同我whatsapp,佢反佔中，而且唔睇毒果。睇住呢幾日警方如何忍讓，部份佔中人士如同黑社會的所作所為，更奇怪就係同佔中人士有相反意見，佢地就會不停同你講點點點，唔夠講就人生攻擊，講粗口，好以中咗毒咁）但反佔中呢，平時同你講開粗口好粗魯，今日同對方講道理。我感覺，世界真係變得黑白不分，警察會比人小，比人圍，好以睇古惑仔，有事發生，警察會比人話，唔需要警察幫，冇警察既事。警車，救護車，經過示威區要佢地開路，入政府總部要佢地批准，要警察自己行入去，又話警方失信，其實和平佔中人士你地憑咩咁話警察，你地咪又係犯法，警方運咩入去關你鬼事，又要威，又要戴頭盔，一係唔好做，做得就唔好驚。而家飯都唔比送入去比警方。你地所作所為影響民生，仲獨裁過共產黨，恐怖過黑社會，簡直就係紅衛兵，如果比你地成功，他日你地有一個做特首仲得了，我下一代到時就真係冇啦！又叫我地睇開D，冇自由香港會死，仲讀咩書返咩工？我唔知香港未來會點，我只係知道我而家想點，我而家想香港用美國警察方式清場（佔領華爾街清場方式，你地話架美國民主）。