吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 好唔開心。。。長篇

懷孕前後今日: 0|主題: 330409

收藏本版

發帖

返回列表

跳至頁

查看: 1836 | 回覆: 32

好唔開心。。。長篇 [複製鏈接]

suesue.victor

大宅

積分: 2919

1^#

發表於 15-3-11 22:15 |只看該作者 |倒序瀏覽 |打印

上年九月10w空心胎做咗藥流,又有肌瘤,最大果個5cm,人流清咗後一直都有睇中醫調理下,但間中想慳點錢會遲咗一兩個星期先返去覆診,醫師一路叫我要等起碼八九個月先好再試懷孕,佢一路話開藥令我個瘤細d先同埋cycle正常d,而家我成四十幾日先一個cycle。我完全明白佢係為我好,想d好環境先再比BB住。但我自己覺得年紀唔細,又就高齡,所以呢一兩個cycle都有計排卵去do。前日我証實有咗,但因為我last M係17/1,西醫用last m計應該係七週幾,但我好肯定我22/2排,其實應該得4w.今日去睇中醫,佢就話我點解唔聽佢講,點解唔等多幾個月,佢話我太快再有BB,年紀又超過三十,好大機會再小產,我聽完覺得好唔開心。。。佢問我照咗超聲波未？我話我1/4要返醫院覆診照肌瘤,我打算到時順便照埋,佢就話唔可以等到咁耐。。。話今個星期要去照。好似講到我一定會有問題咁,覺得咁遲先照唔好。但問題係而如果1/4照先真係夠7w,而家得4w咩都照唔到咪又係得個驚字。。。想問問各位jm意見,我而家究竟照唔照好？

0 0 0

私人傳訊

BabyFungT

男爵府

積分: 7599

2^#

發表於 15-3-11 22:24 |只看該作者

回覆：好唔開心。。。長篇

其實中醫一向係好穩陣，既然已經bingo咗，就放鬆心情啦…如果中醫都有咁嘅建議，早啲照可以知道係咪宮外孕，都叫做安心一樣先吖。加油，祝好孕，事事順利。

私人傳訊

ling201

大宅

積分: 1048

3^#

發表於 15-3-11 22:26 |只看該作者

回覆：好唔開心。。。長篇

照下啦。。。講真你又唔信個中醫又要睇佢。。。睇佢又唔跟佢講既野。。請問睇黎做咩。。。再者。。x產左點都養番好身體先再黎好啦。。。而家咁。。。呀b住間屋係咪好健康先? 照左穩陣啲!

私人傳訊

suesue.victor

大宅

積分: 2919

4^#

發表於 15-3-11 22:33 |只看該作者

引用：其實中醫一向係好穩陣，既然已經bingo咗，

原帖由 BabyFungT 於 15-03-11 發表
其實中醫一向係好穩陣，既然已經bingo咗，就放鬆心情啦…如果中醫都有咁嘅建議，早啲照可以知道係咪宮外孕 ...

明白！謝謝你！

私人傳訊

suesue.victor

大宅

積分: 2919

5^#

發表於 15-3-11 22:38 |只看該作者

引用：照下啦。。。講真你又唔信個中醫又要睇佢。

原帖由 ling201 於 15-03-11 發表
照下啦。。。講真你又唔信個中醫又要睇佢。。。睇佢又唔跟佢講既野。。請問睇黎做咩。。。再者。。x產左點 ...

其實唔係唔信佢,佢幫我調理我都知佢係想我之後懷孕條路好d,但醫院婦產科醫生其實都講過塞藥後等黎一次M後就可以再試。我承認自己係心急,但我只係覺得今日比阿醫師講到我今日懷孕係一個極錯嘅決定而好有內疚感。。。

私人傳訊

我叫豬豬

大宅

積分: 2639

6^#

發表於 15-3-11 22:57 |只看該作者

回覆：好唔開心。。。長篇

我都中過空心胎有朱古力瘤，一樣上年9月，但我同您相反，睇西醫，小產完手術切瘤！dr說年紀越大越容易空心，身體不好，胎有心跳只是作小產不穩，可以bed rest，可以吃安胎藥，但如bb空心，他無東西做到！我dr 說遲一個月，粒卵可以已老左，今年一定靚過下年，所以suggest我來一次m後，休息一個月好快d試，減低空心機會！2來小產後心理不好，快些又有b會令我忘記過去不快！所以我一路計排卵

3個月後我有左，因身體弱，4wk流啡到8wk，一路bed rest，吃安胎，現在13wk，希望bb一路健康落去，dr無說錯，我感謝dr！我覺得高齡是無得等中醫，無時間了，我不是高齡dr都叫我快，高齡再等可能做人工都太遲，所以我覺得您無錯

如這次又空心，就又再try，總有次中

私人傳訊

我叫豬豬

大宅

積分: 2639

7^#

發表於 15-3-11 23:04 |只看該作者

回覆：好唔開心。。。長篇

個人分享，說真，是否空心胎只是第一關，30歲前，1000幾個有1個唐氏，30後700有1個，35高齡後300幾有1個中！如一直等，等到高齡，就算不是空心，唐氏那關都怕怕了！我覺得樓主應該開心些，別覺得這次有b是錯，您好正確

私人傳訊

suesue.victor

大宅

積分: 2919

8^#

發表於 15-3-11 23:38 |只看該作者

引用：個人分享，說真，是否空心胎只是第一關，30

原帖由 我叫豬豬 於 15-03-11 發表
個人分享，說真，是否空心胎只是第一關，30歲前，1000幾個有1個唐氏，30後700有1個，35高齡後300幾有1個中 ...

多謝你呀,聽完你咁講我個心舒服好多。。。
我今年33了,無咁多時間,調好身體但好快高齡始終機會少咗。所以我先咁心急,我都知中醫有佢嘅道理,我當然唔會怪佢,我唯有怪自己上次唔好彩中空心。。。肌瘤都係因為上次懷孕而黎,第一次入院照無瘤,兩三星期後照到已經大到5cm,當時佢哋幾個醫生話生得咁快應該係畸胎瘤,所以醫院好快安排我做腹腔鏡微創手術,但開出黎睇發現原來係肌瘤,佢哋都唔敢割,怕出血太多又止唔到血要全個子宮切,所以最後我得到嘅只係肚皮上嘅三個窿。。。中醫話用藥收細d瘤,我唔係唔信,但都要有兩手準備。。。萬一唔細反而大咁點？到時迫住做手術切瘤又咁唔好彩的話。。。我就連懷孕嘅機會都唔會再有。。。今次中咗我真係好開心,亦都充滿信心,但今日恨恨的被打擊,今日我不停反問自己我係咪真係做錯決定？萬一BB因為我身體唔夠好而離開我係咪成為罪人？所以先想同各位jm傾傾。。。

私人傳訊

sixep

複式洋房

積分: 150

9^#

發表於 15-3-11 23:45 |只看該作者

回覆：好唔開心。。。長篇

既然都有左，唔好諗咁多，比咁多壓力自己，休息多ｄ，輕鬆ｄ，比信心自己和bb,祝你—切順利

私人傳訊

ling201

大宅

積分: 1048

10^#

發表於 15-3-11 23:51 |只看該作者

引用：Quote:原帖由我叫豬豬於 15-03-11 發表個

原帖由 suesue.victor 於 15-03-11 發表
多謝你呀,聽完你咁講我個心舒服好多。。。
我今年33了,無咁多時間,調好身體但好快高齡始終機會少咗。所以我 ...

加油! 咁你睇下邊日去照求個安心! 食營養野養好bb! 加油!

私人傳訊

suesue.victor

大宅

積分: 2919

11^#

發表於 15-3-11 23:57 |只看該作者

回覆：好唔開心。。。長篇

多謝大家

私人傳訊

niceyou

大宅

積分: 4928

12^#

發表於 15-3-12 00:02 |只看該作者

回覆：好唔開心。。。長篇

照下安心d, 努力，加油！

私人傳訊

boolove2013

子爵府

積分: 10266

13^#

發表於 15-3-12 00:05 |只看該作者

回覆：suesue.victor 的帖子

我今年生日都33，唔覺得自己高齡，妳都唔算! 我都係有咗7周半先去照，個陣見到人仔型同心跳個心定好多! 我識D FD同妳一樣經期唔準，聽醫生講用Last period去計，結果照出泥得個胎囊同size超細，又擔心又嚇餐飽，
到最後等多幾周再照見到BB同佢揮手先定返。
所以我覺得你可用返你排卵dodo個日去計周數，網上有呢D 計日子機，妳search下
唔洗擔心咁多!加油!

私人傳訊

sheung_

大宅

積分: 1820

14^#

發表於 15-3-12 01:46 |只看該作者

回覆：好唔開心。。。長篇

33吾係高齡
吾洗甘大壓力
bb哩樣野係天比你既
既來之就自己安胎開心就好了
吾洗太介意其他人既說話
每個醫生都有佢地既一套
吾跟或者跟吾足有幾出奇
最緊要自己開開心心
對身體同bb都好啲
之前我都有拎啲安胎中藥飲
飲完我嘔
大家話對bb好但我身體受吾到就受吾到咖拉
日日飲到受罪甘米仲慘又吾開心
所以為左我開心我最後係無飲到

私人傳訊

forest2015

大宅

積分: 1289

15^#

發表於 15-3-12 10:09 |只看該作者

引用：上年九月10w空心胎做咗藥流,又有肌瘤,最大

原帖由 suesue.victor 於 15-03-11 發表
上年九月10w空心胎做咗藥流,又有肌瘤,最大果個5cm,人流清咗後一直都有睇中醫調理下,但間中想慳點錢會遲咗一 ...

其實5周已經照到胎long，你book定醫下星期照啦。照完confirm 再同醫生說上胎的經歷，咁醫生可以開定d藥比你。有時西醫仲信得過！中醫梗係想你睇佢耐d啦，有錢收wor! 呢次比d信心自，不要再亂食中藥。我睇開中環的良心中醫（平時睇感冒），他見我有左都說唔會開安胎藥比我，佢話所有中藥都有三分毒，懷孕初期忌食。話飲食順其自然，休息多d就夠！連懷孕後期果d去胎毒都話唔使食。只要成個懷孕過程無亂食野，使咩去胎毒！

私人傳訊

tingzi28

別墅

積分: 554

16^#

發表於 15-3-12 11:06 |只看該作者

回覆 suesue.victor 的帖子

你放心啦! 用last M 去計算周數系比d 經期和拍 lun 准的媽媽。我經期超級不准，所以系有左之後度胎囊size 和bb size 來確定周數。因爲早期bb 的size不會有太大分別。所以就算見醫生度出來的size 和用last M 計算的有出入都不用擔心。

其實媽媽心情對bb的影響好大架~ 對bb有信心~想多d 正面的開心野。加油！！