嬰兒醫護 今日: 0 | 主題: 79146

積分: 2145

1^#

發表於 04-6-1 15:47 |只看該作者

4個月B女的惡夢, 有冇人可以幫我呀 (急)

我個BB女二個月時已有15磅, 早產一個月, 本應重得好好, 誰知在2個幾月時被表哥表姐傳染(兩個剛病好就來我屋企) 當晚BB已發燒39度幾, 即時去醫院睇急症, 醫生話要即時入,院做完一大堆抽血和化驗, 都唔知有乜問題, 醫生又話要抽骨水化驗, 我哋唔比抽, 佢又話三個月以內的BB發燒去到邊醫生都會抽, 因晤知乜病, 又講到好恐怖, 無可奈何之卞唯有抽, 報告出來沒有事(其實我都估到) 咁細個會有乜事呢? 第一天已用了萬幾元, 醫生才告知他第一天已用腦膜炎药醫我個女, 我嚇了一大跳, 即是用好重药, 到骨水REPORT出了才減輕药
但事先沒有告知用乜药和份量 (宜家的醫生好不負責任, 唔理B頂唔頂得順, 一於落重药), 當時要靠佢醫唯有信佢, 第二天燒退了, 但醫生話療程要7天才可出院, 結果我第五天出院(因輪到大仔發燒), B女出院後醫生話要復診, 結果十天後又去復診醫生話可以打埋3個月的五合一混合針, (出-咗院和哥哥分開住, 去咗婆婆到, 本應還肯喝5安奶),點知, 第二天, 惡夢就開始了, 成日狂嘔奶, 喉瓏和鼻之間好多痰, 又好多雜音, 抖唔到氣, 唯有又再去法國醫院睇醫生, 結果吃了兩個星期药和轉防止嘔奶粉都唔好, 醫生又話唔使復診, 由得佢自然好, 但每天狂嘔奶都唔係辧法又轉醫生, 這醫生又話感冒底唔清,又吃咗一個星期藥都唔得, 跟住又轉醫生, 吃咗共12天药又轉咗能恩低敏奶粉, 結果好啦, 停咗止嘔, 本應好開心, 但一停药, 喉嚨的痰又來啦, 吃咗余x生的猴朿末一個星期都唔得, 咁心諗, 唉, 由佢啦, 可能真係會自己好呢, 誰知又過幾日又發燒, 再去睇醫生, 醫生話喉嚨有白點, 發炎含(瓏), 開咗抗生素, 返屋企吃咗一次狂嘔奶嘔痰, 共嘔咗六次, 而且開始呼吸好弱, 我媽嚇到打電話叫我即刻過去, 過到去即送去醫院, 共住了三天(當中一路吊鹽水, 打消炎針), 出咗院, (但喉隴仍然好多痰, 醫生話出去繼續吃药就會好, 一吃又三天, 但又唔好, 終於我媽又帶去樓下寫着敏感專科睇, 心諗, 乖乖,唔好再有事了, 一吃又三天, 又唔飲奶了. 救命呀))))))))), 我就來癲啦!!!!昨天到今日又唔飲奶, 我阿媽又發現她口里牙肉有一兩點白點, 牙肉好紅, 嘩!!!!我真係有點頂唔住, 點解咁多事發生在咁小的bb身上, 佢前後吃了兩個幾月药, 結果一點都沒有重, 又瘦咗好多, 有冇人可以幫我呀, 有冇咁細的bb消痰和牙肉消炎方法or好的醫生介紹(要找一個好醫德的醫生好難), MANY MANY MANY THANKS!

私人傳訊

yuiyuibb

積分: 1291

2^#

發表於 04-6-1 16:21 |只看該作者

Re: 4個月B女的惡夢, 有冇人可以幫我呀 (急)

心雨寫道:
我阿媽又發現她口里牙肉有一兩點白點, 牙肉好紅, 嘩!

佢可能"牛"牙仔,所以無胃口,至於醫生我有一個睇開你試唔試o下??check pm la

私人傳訊

dora830

積分: 948

3^#

發表於 04-6-1 16:30 |只看該作者

Re: 4個月B女的惡夢, 有冇人可以幫我呀 (急)

心雨 :

我囡囡睇開的醫生在養和醫院掛診的兒科醫生. 他的診所在上環區的. 我也是由我姐姐介紹去睇的. 我覺得他幾好的不會係唔係都開抗生素. 醫生資料請check PM .

希望可幫到妳.

私人傳訊

Harry媽

積分: 9034

環保接龍勳章

4^#

發表於 04-6-1 16:43 |只看該作者

Re: 4個月B女的惡夢, 有冇人可以幫我呀 (急)

呢間乜嘢醫院呀？發下燒就要做咁多化驗？佢有冇解釋憑什麼病徵要做咁多化驗？需知這只是幾個月大的bb咋喎。
好多bb都會多痰的，可能食奶會惹痰，牙肉紅腫，如果是出牙是必經階段,有些bb出牙會好容易, 有些會多些少麻煩, 但都是正常的,,不需太擔心，正如你所講. 好多醫生都只管賺錢, 藥物服用不當會好影響肝臟,尤其是bb肝功能不太成熟。但有些病是要俾時間去康復的.. 唔好太心急. 時常轉醫生都是不好的.. 除非你帶埋d舊藥去俾醫生睇下個bb食過d乜藥,否則都是試下藥. 呢隻唔得,咪第隻囉.. 食埋咁多藥,又抗生素..第日好容易會有抗藥性。

應當一無罣慮，只要凡事藉著禱告、祈求，和感謝，將你們所要的告訴神。
神所賜、出人意外的平安必在基督耶穌裡保守你們的心懷意念。

私人傳訊

阿Be

積分: 6668

5^#

發表於 04-6-1 16:50 |只看該作者

Re: 4個月B女的惡夢, 有冇人可以幫我呀 (急)

我十分明白你的心情, 如果我係你, 我實日日喊, 實有抑鬱症..........心雨, 你不要氣餒啊, 放鬆d啦, 你已經做得好好了!

我想問你之前睇個d醫生是兒科專科嗎? 因為一般醫生都只有兒科文憑, 你最好搵兒科專科醫生好d.......

另外, 你bb d牙肉有白點及紅, 是否出牙呀??! 我有個friend個女都係4個月左右就開始出牙, 唔肯食奶 (因為bb一啜個奶瓶咀就"un"到d牙肉會痛), 要用匙更一更更餵先肯食, 你可以試下!

希望你的bb女早日康復, 精精靈靈, 快高長大!!!

私人傳訊

karry

積分: 697

好媽媽勳章

6^#

發表於 04-6-1 16:54 |只看該作者

Re: 4個月B女的惡夢, 有冇人可以幫我呀 (急)

不如妳試下免費綱上問症http://www.hk-doctor.com/問下D醫生, 祝BB早日康復。

私人傳訊

szechai

民房

積分: 65

7^#

發表於 04-6-1 16:58 |只看該作者

Re: 4個月B女的惡夢, 有冇人可以幫我呀 (急)

My bb 4個月, we took him to take 5 in 1 on Sunday, he had no fever but his 牙肉有點紅( on both sides),唔肯食奶, I am not sure if his is 開始出牙, do I need to take him see the doctor? Everything is fine to him?

私人傳訊

mycathy

子爵府

積分: 12599

8^#

發表於 04-6-1 17:05 |只看該作者

Re: 4個月B女的惡夢, 有冇人可以幫我呀 (急)

心雨,
睇到妳既內文, 都好心痛, 我幫唔到妳d咩, 但係我支持妳, 妳好堅強, bb一定無事既, 可能食得太多藥所以無胃口, 妳會唔會考慮中醫呢? 因為咁細既bb, touchwood ,又無咩病, 西藥就話藥到病除, 針對d病來醫, 但妳bb需要既可能係調養。
另外我pm左一個醫生既資料俾妳(西醫),係之前bk媽咪介紹既(可以幫bb拍痰)。妳可以考慮下。
祝妳bb快d好番晒!

mycathy

您好！由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結，因此閣下簽名檔內容已被刪除。

私人傳訊

GiGiMum

積分: 8786

環保接龍勳章畀面勳章

9^#

發表於 04-6-1 17:16 |只看該作者

Re: 4個月B女的惡夢, 有冇人可以幫我呀 (急)

Hi 心雨

睇完都鄧你心痛，我bb 4.5月時也曾入院，但都冇你咁慘。我有個doctor介紹你，我覺得他很有醫德，又唔拖証。上次我女燒到103度，我想入院，但他話唔使，可見他不貪錢呢！！有很多細bb去看的，你可試！

Dr. 周榮 Tel: 2890-8821

Causeway Bay 禮頓中心 Room 822

千其唔好怕遠，因出名的doctor多數是在港島區的！
(個人意見！

)

私人傳訊

hazelsin

積分: 767

10^#

發表於 04-6-1 17:29 |只看該作者

Re: 4個月B女的惡夢, 有冇人可以幫我呀 (急)

心雨,
如果BB真係出牙仔,試下查牙肉膏,牙肉唔痛, BB就肯飲奶,我記得係專比BB查,如果要我返屋

私人傳訊

該用戶已被刪除

11^#

發表於 04-6-1 17:29 |只看該作者

Re: 4個月B女的惡夢, 有冇人可以幫我呀 (急)

提示: 作者被禁止或刪除內容自動屏蔽

私人傳訊

薰mummy

民房

積分: 16

12^#

發表於 04-6-1 17:36 |只看該作者

Re: 4個月B女的惡夢, 有冇人可以幫我呀 (急)

hi ! 心雨:
我睇到你篇文都好心痛,同時都好明白你心情.
你又無試下幫佢聞蒸氣呀?可以幫助化痰同消炎.
希望你bb快d好番啦!

私人傳訊

心雨

積分: 2145

13^#

發表於 04-6-1 17:43 |只看該作者

Re: 4個月B女的惡夢, 有冇人可以幫我呀 (急)

好多謝大家關心, 其實我睇的醫生全部是專料兒科, 第一次入院(法國醫院兒科專科), 佢第一天已用腦膜炎药醫我個女, 又抽2次血(极度心痛),我唔想抽血抽骨水, 但佢話唔抽佢唔識用药, 結果外面兒科醫生話冇需要做. 再睇的2位也是兒科, 其中尾2的是趙x 就, 很多人睇佢, 亦是睇的最長的那位醫生, 包最後院的醫生也是他, 唔包住院已睇佢4次了. 都唔知怎算? 想睇中醫, 但太細都唔知怎飲中药? 有冇天然的食療介紹? 太多痰在喉嚨唔知是否鼻或氣管敏感???唔知應唔應該再轉醫生??? 重有, 三個月的混合針第二針還未打, 唔知應唔應該宜家打呢?

私人傳訊

該用戶已被刪除

14^#

發表於 04-6-1 18:12 |只看該作者

Re: 4個月B女的惡夢, 有冇人可以幫我呀 (急)

提示: 作者被禁止或刪除內容自動屏蔽

私人傳訊

Harry媽

積分: 9034

環保接龍勳章

15^#

發表於 04-6-1 18:51 |只看該作者

Re: 4個月B女的惡夢, 有冇人可以幫我呀 (急)

心雨，
bb未康復都唔好帶佢打針住.遲d打都唔緊要

應當一無罣慮，只要凡事藉著禱告、祈求，和感謝，將你們所要的告訴神。
神所賜、出人意外的平安必在基督耶穌裡保守你們的心懷意念。

私人傳訊

Yeungyeung

積分: 950

16^#

發表於 04-6-1 22:27 |只看該作者

Re: 4個月B女的惡夢, 有冇人可以幫我呀 (急)

心雨：
很感受到你的心情，因為我也有一个四個月的女兒，他在三個月時也因表姐傳染而半夜發燒，一百零二度，我的家姐便半夜致电叫我去看阿Ｂ，因為女兒平日是她湊的。我當晚立刻和老公飛的士送阿Ｂ去法國医院，以為看完便回家，怎知由凌晨一點去到，又是說她沒感冒徵狀要入院，一連串照x光、抽血、抽鼻液、驗尿。我党得很內疚要阿Ｂ受這些苦，一直至凌晨四時半才到病房。最後也住了三天，承惠六千大元。我見左右兩張床的Ｂ也是一樣發燒，也做一大堆test,唉！錢洗了可以第樣嘢慳啲。但阿Ｂ的哭声我足足痛了一大段日子，真希望啲医生明白我們父母的心情。
心雨要冷靜振作，條路好長嫁！

私人傳訊

Bebee

複式洋房

積分: 223

17^#

發表於 04-6-2 00:47 |只看該作者

Re: 4個月B女的惡夢, 有冇人可以幫我呀 (急)

我以前在醫院做果陣(我係治療師)要訓練D早產BB食奶, 如果多痰一定要抽佐D痰先可以食奶, 如果唔係, D奶有機會入肺, 搞到肺炎發燒! 如果只係嘔奶無發燒, 就有可能出牙, 但多痰加發燒, 又呼吸困難, 會否D奶入錯格搞到肺炎發燒, 最好搵醫生check清楚! 唔好太擔心, 自己病佐點照顧BB!

私人傳訊

心雨

積分: 2145

18^#

發表於 04-6-3 17:48 |只看該作者

Re: 4個月B女的惡夢, 有冇人可以幫我呀 (急)

好多謝大家的意見和關心,你地D資料對我幫助好大, 起碼可以給我情緒上的舒援. 其實, 我最大的痛心是BB 2個月第一次入醫院, 宜家的醫生很多都好無良, BB生病已很辛苦了, 成晚辛苦到呀呀呀的喊, 記得嗰晚11點零去法國睇急症, 本應諗住拿D退燒药回家吃, 誰知急症室的醫生說一定要入院, 如果唔入院都要簽紙離開, 內容說明如離開後他們不負責, 经他們一輪說下, 就决定入院, 誰知私家醫院的入院手續簡直是小朋友的最大折磨, 先要上去照X 光, 然後抽血, 沒有問題才上兒童病房姑娘房, 再吊鹽水, 誰知太小BB血管太幼, 拮咗幾次才找到血管吊上鹽水, 之後又話要抽血, 於是拮脚仔, 點知很難抽, 於是用力”捏”D血出來, 結果第二天報告出來, 醫生話全部化驗亂晒龍, 可能是姑娘用力”捏”D血出來而破壞了電解質, 要再抽過血再化驗, 天呀, 簡直係一大折磨, 於是又再抽血. 另外, 由於BB血管太幼, 吊鹽水的手只吊了一天又腫咗, 於是吊外一只手, 一天之後又腫就吊脚仔, 住咗五天2只手和2只脚全部吊齊, 又抽骨水, 嘩, 這五天簡直大折磨, 我個女每日都狂哭, 又疴靑嗅嗅. 到宜家我都极度後悔入私家醫院和好埋怨自已(极度非常之後悔), 不單止埋單成為$19XXX,(保險未生效), 最最最慘是做咁多不應受的苦, 又用了腦膜炎药, 又用幾只消炎药, 又抽骨水(其實第二天已退燒了), MAYBE入政府醫院唔使做咁多嘢, 所以我覺得醫生太無醫德了.
第二次入院入浸會, 浸會的姑娘比較NICE和專業, 但同樣逃唔過要做咁多野, 唔入政府是覺得政府醫院唔可以留係到陪BB.
宜家, 其實都唔敢再睇醫生了, 但直至今天, 牙肉的紅已退了小小, 但都唔肯飲奶, 要慢慢氹和分幾次飲, 同埋要飲奶會呀呀呀地喊, 可能喉嚨有痰係度, 朝早起身就聽到好多痰聲, 唔知有冇人知有乜療法可以醫(因就算嘔完痰也會再制造痰, 不斷的好多痰在鼻和喉嚨之間). 個女和仔倆個輪流病, 我簡直想死, 之前個女係醫院, 個仔又發燒, 結果女出咗院, 仔入院, 嗰次足足係醫院十天.

DEAR BEBEE,
你係治療師, 請問有乜方法令到BB肯飲

私人傳訊

Sukiooo

積分: 2354

19^#

發表於 04-6-4 17:28 |只看該作者

Re: 4個月B女的惡夢, 有冇人可以幫我呀 (急)

心雨，我真心希望你2個小朋友快Ｄ好番！！你要保持冷靜同清醒，唔好比小朋友見到你既不安同焦慮 (雖然我做唔到law)，因為如果佢哋見到你咁，佢哋會覺得自己更加病重ka。
我未生前，怕唔識教，怕經濟問題，但我而家乜都唔怕，只怕佢哋生病！個心簡直極度難受，睇見佢哋咁，我又似乎無從入手，毫無辨法。
去到醫院，跟本我哋唯有信果度嘅人，因為唸住佢地係專業，到後來先發覺原來係錯咗，因而令小朋友受咗無謂嘅痛苦，但其實我哋別無他法。就算好似你咁唔信，到最後都係要聽佢講，照做。(因為我都喺)
'埋怨自已(极度非常之後悔)", 我都發生過！但你都唔想嘅，你入私家無非都係為佢好，你要知道經一事長一智，最緊要end up 係無事，千萬唔好埋怨自已太耐啦！好彩BB重細，服原可以好快，好快冇事嫁啦。
至於多痰，我知道拍痰好有教，或者你不如試下之前bk mami 介紹果個醫生吖。佢唔飲奶，我都贊成你可試下用匙更一更更餵。呢個時間，你要比Ｄ耐心，加油！

My Blue Sky 我的楠楠和天天 想起那天.............老公，我好肚痛，應該作動了。咁你等陣先，我要沖涼洗頭同攞埋啲書去睇呀！你知啦，要坐好多個鐘加麻。@_@

私人傳訊