吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我的苦你懂嗎?

夫婦情感今日: 9|主題: 42776

收藏本版

發帖

返回列表

跳至頁

查看: 1661 | 回覆: 22

我的苦你懂嗎? [複製鏈接]

superbaby101306

大宅

積分: 3923

1^#

發表於 08-9-9 14:07 |只看該作者 |倒序瀏覽 |打印

為什麼男人都這麼不懂愛?家人對你們算什麼?做女人好痛苦呀, 又要返工又要做家務, 無論幾唔開心都要係小朋友每前忍住撐住, 又要幫佢應酬埋佢既家人, 男人返到屋企只會黑口黑面,做你女人的我是多麼的一文不值, 什麼也不是...女人的苦, 男人懂什麼?
我不知道是不是因為自小你就在單親家庭長大, 所以你從不會表達自己, 而且從不懂關心我, 其實我也沒好你多小, 自小爸爸就成日帶個2奶返黎屋企, 佢緊張個女人多過我阿媽, 由細到大都家嘈屋閉, 我阿媽都係含住哭辛辛苦苦養大我地, 佢為阿爸做生做死, 星期一至日就連8號風球, 365日都全年無休, 她得到什麼, 阿爸成日一句好話都無講, 剩係成日xyz阿媽, 而個女人就唔洗做成個有錢太太咁, 我阿媽就做到隻狗咁, 吃力不討好, 仲要比個2奶打返轉頭, 黎個咁蠢既女人就係我阿媽...就連個女人走上門打我地阿爸都係係佢個邊, 個女人講得啱, 我地都係賤命一條...就係因為我阿爸咁衰, 我先想有個幸福既家, 但係同你一齊之後我發覺幸福黎我好遠....
啱啱同你一齊個陣你就令我以為自己好幸福, 但原來都係假既, 本來一次不忠百次不容, 但係你話你只係識女仔無同d女仔有任何關係, 所以我又一次信你了, 個陣你一次又一次呃我, 值到依家個仔都就快2歲啦, 但係所有野我都要自己承擔, 你就成日話返工, 晚晚都唔到9點先返, 一係就11,2點先返, 就算早返一係就上網, 一係就玩結它, 心情好先會理下個仔, 我有咩野都同唔到你講, 你乜都唔洗理! 你以為你要返工我唔洗咩? 我日日都好多野做, 返工又做, 有時阿仔病唔返得工又要比公司d人背後講黎樣個樣, 放工又要趕住湊仔, 又要幫個仔沖涼, 日日仲要洗衫著飯做一大堆家務, 又要做埋你阿四, 你家用都無比我, 我慘個做請工人呀!!我錯在d格太似我阿媽, 成日忍忍忍, 同你一齊咁耐旅行都無去過一次, 你除左比左個仔我之外, 你仲比左咩我! 你付出過d咩野? 我的痛你不會懂

0 0 0

私人傳訊

bencat

子爵府

積分: 10018

好媽媽勳章畀面勳章

2^#

發表於 08-9-9 14:14 |只看該作者

私人傳訊

cy101

象牙宮

積分: 210127

2025勳章蛇年勳章 2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

3^#

發表於 08-9-9 14:17 |只看該作者

回覆 #1 superbaby101306 的文章

有無想過分開?? 咁守落去唔係路喎!! 妳應該都好年輕啫???

私人傳訊

kianmama

侯爵府

積分: 21318

2025勳章蛇年勳章 2018復活節勳章玩具勳章畀面勳章叻叻勳章好媽媽勳章醒目開學勳章環保接龍勳章開心吸收勳章

4^#

發表於 08-9-9 14:25 |只看該作者

既然佢又冇比家用又唔理妳地, 同單身有咩分別...放生自己吧!!!

私人傳訊

CHRISTYVILLY

伯爵府

積分: 16778

熱血勳章

5^#

發表於 08-9-9 14:26 |只看該作者

佢係你的老公,有乜開心唔開心都要同佢講,
好過自己谷埋谷埋,因為大部份男人,都係後知後覺,講完你自己的感覺後,如果佢都係咁,咁就要諗定後路.
聽到你咁講,我都感受到你既唔開心.

私人傳訊

beagledog

大宅

積分: 3828

6^#

發表於 08-9-9 14:27 |只看該作者

真係唔明點解呢種男人一街都係, 可能男人開初掩飾得好好, 但你睇清楚佢為人之後, 你唔一定要忍架.

幸福係要自己爭取, 唔係靠人比你架.

私人傳訊

tianlu

大宅

積分: 3664

7^#

發表於 08-9-9 14:29 |只看該作者

要他做咩！

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

8^#

發表於 08-9-9 14:31 |只看該作者

你想行返你媽咪條舊路? 當時, 你寧願要個咁嘅爸爸但要俾佢29打同鬧or同媽咪做單親家庭但唔洗睇人面色? 幸福唔係靠男人俾架, 係要自己爭取嘅.

私人傳訊

bigbighei

珍珠宮

積分: 39542

馬年勳章

9^#

發表於 08-9-9 14:31 |只看該作者

如果乜都你做晒, 咁你要佢係做咩呢??? 放生自已吧, 你可能仲會開心D.

私人傳訊

superbaby101306

大宅

積分: 3923

10^#

發表於 08-9-9 14:45 |只看該作者

回覆 #7 cy101 的文章

我仲未3字頭...我都好辛苦好想走...

私人傳訊

superbaby101306

大宅

積分: 3923

11^#

發表於 08-9-9 14:51 |只看該作者

原文章由 tantanmama 於 08-9-9 14:31 發表
你想行返你媽咪條舊路? 當時, 你寧願要個咁嘅爸爸但要俾佢29打同鬧or同媽咪做單親家庭但唔洗睇人面色? 幸福唔係靠男人俾架, 係要自己爭取嘅.

當然唔想有個咁既阿爸, 但係阿媽唔肯離婚...我都明白, 我成日都同自己講就算一個人都可以同個仔開開心心落去...多謝你

私人傳訊

angelmak

大宅

積分: 2974

12^#

發表於 08-9-9 15:02 |只看該作者

幸福要自己爭取, 其實離妳不遠, 就喺妳面前咋! 同妳老公講清楚, 話佢知妳想佢點, 要D咩嘢! 結果佢話比唔到妳, 妳仲要等嗎? 確實好多男人都係後知後覺, 我隻佬都係咁, 但係我已經同佢講清楚晒我嘅要求, 佢E+可以做到, 我嘅幸福都係我自己爭取返嚟o家!

2個寶貝~雅詠&灝泯

私人傳訊

superbaby101306

大宅

積分: 3923

13^#

發表於 08-9-9 15:06 |只看該作者

原文章由 CHRISTYVILLY 於 08-9-9 14:26 發表
佢係你的老公,有乜開心唔開心都要同佢講,
好過自己谷埋谷埋,因為大部份男人,都係後知後覺,講完你自己的感覺後,如果佢都係咁,咁就要諗定後路.
聽到你咁講,我都感受到你既唔開心. ...

有同佢講過, 但係佢只會心情好就對我好d心情唔好就一言不發, 一同佢講就發脾氣, 我成日同佢講如果佢成日都係咁, 就可以離開我同個仔, 但係佢成日扮聽唔到... 我覺得好累了...唔通成日都要等到佢心情好可以對我好d...有時唔開心(因為自己屋企既事)想同佢傾下佢會發脾氣話唔聽, 一係就聽完唔出聲, 到依家我就算唔開心都唔想同佢講...再係咁不如我自己一個人, 因為阿仔所有野都係我安排, 我仲洗乜佢係黎個屋企做大爺....

私人傳訊

superbaby101306

大宅

積分: 3923

14^#

發表於 08-9-9 15:15 |只看該作者

原文章由 beagledog 於 08-9-9 14:27 發表
真係唔明點解呢種男人一街都係, 可能男人開初掩飾得好好, 但你睇清楚佢為人之後, 你唔一定要忍架.

幸福係要自己爭取, 唔係靠人比你架.

係,我真係後悔自己點解要忍佢?我家姐都成日話我開頭同佢一齊好似癲左咁日日以哭洗面,個陣真係好唔開心, 以前成日怕你又好似以前咁瞞住我識女仔...到我諗清楚如果日日都要咁唔開心又要check住你既電話message...不如放開d, 所以我已經無再check住, 佢唔鍾意聽電話, 我就一日都唔打一次比佢...我既付出佢係睇唔到定唔想睇?

私人傳訊

peterhopingtak

別墅

積分: 712

15^#

發表於 08-9-9 15:58 |只看該作者

你仲係男人嗎？我係男人都唔幫你！

兒童是世界上最快樂的人兒。

私人傳訊

superbaby101306

大宅

積分: 3923

16^#

發表於 08-9-9 16:00 |只看該作者

原文章由 angelmak 於 08-9-9 15:02 發表
幸福要自己爭取, 其實離妳不遠, 就喺妳面前咋! 同妳老公講清楚, 話佢知妳想佢點, 要D咩嘢! 結果佢話比唔到妳, 妳仲要等嗎? 確實好多男人都係後知後覺, 我隻佬都係咁, 但係我已經同佢講清楚晒我嘅要求, 佢E+可以做到, ...

其實我已經對佢無期望, 我既流眼淚係因為自己而流, 怪就怪自己命苦! D朋友成日話佢既男朋友唔夠錫佢, 但係對我黎講, 比老公錫係遙不可及…如果結婚係男人既墳墓, 咁對我黎講結婚係地獄, 佢做左爸爸之後不見得壓力多了, 仲可以做自己想做既事, 得閒讀夜校增值, 完左夜校又學音樂…而我就失去所有時間, 有邊樣野唔係先為左佢同個仔諗先, 我真係唔知佢諗咩, 我只係知佢最愛佢自己.

私人傳訊

superbaby101306

大宅

積分: 3923

17^#

發表於 08-9-9 16:16 |只看該作者

原文章由 bigbighei 於 08-9-9 14:31 發表
如果乜都你做晒, 咁你要佢係做咩呢??? 放生自已吧, 你可能仲會開心D.

係呀, 叫佢幫手真係好難叫得聽...我都覺得佢係黎個屋企係黎激我, 我成日樣樣野都係為左佢同個仔先, 好似個陣有左醫院都係我自己搵, 佢一d都無理, 之後到個仔搵育嬰院, 佢又係乜都唔理, 到左下年搵幼稚園又係我自己搵資料, 佢一d承誓都無...我似單身多d~仲要成日幫佢做阿四...

私人傳訊

cy101

象牙宮

積分: 210127

18^#

發表於 08-9-9 16:53 |只看該作者

同佢bye bye la!!!! 妳咁young, 為咗個男人waste your time!!!

私人傳訊

superbaby101306

大宅

積分: 3923

19^#

發表於 08-9-9 17:28 |只看該作者

原文章由 cy101 於 08-9-9 16:53 發表
同佢bye bye la!!!! 妳咁young, 為咗個男人waste your time!!!

我都有叫佢好多次但佢就成日當我玩咁,我同佢講佢唔鐘意可以搬, 我都同佢講同佢一齊好辛苦佢又一D都唔care我, 但係佢有時只係會講笑咁同我講話個仔佢都有份喎~

同佢玩佢就有份, 一有要佢煩佢就無份lor.

私人傳訊

nikiwong926

大宅

積分: 4605

畀面勳章

20^#

發表於 08-9-9 17:43 |只看該作者

樓主,睇到你既留言,個心有d唔知點,因為自己細個響home都係好唔開心,宜家結左婚,我老公雖然佢都冇咩錢比我ga,但對我都ok,我地又未有小朋友.

2公婆要對成世ga,如果佢有甘多樣唔啱我覺得你一定要比佢知你既想法囉,你唔出聲佢又愛理不理問題永遠唔會解決ga,我覺得一個家好應該大家都要付出,你老公成日遲返home同埋學呢學路,唔係學野唔好,但好應該係經濟上幫輕下你先再諗ma.