1-3歲 今日: 0 | 主題: 19611

積分: 1391

1^#

發表於 21-6-23 16:42 |只看該作者 |倒序瀏覽 |打印

本帖最後由 BerniceL 於 21-6-23 16:48 編輯

響BB歲半時去健康院打針, 姑娘覺得佢反應未達標同言語遲緩, 經電話問病情調查之後, 轉介去大口環根德公爵夫人兒童醫院CHECK(其實佢冇講係見姑娘定醫生, 做TEST定問診, CHECK乜同之後點), 排期係今年既9月尾尾有位見.

我本身係打算一路等到去大口環, 因為佢地話2歲前CHECK其實唔準確, BB都未發展到咁完善.

但我見好多媽媽都出去做私家評估, 如確診就立即做training/上私人program, 攪到我都有D動搖.

因為我覺得如確診既話, 之後既醫療/training係好漫長, 如果全程都係上private course, 我應該攪唔掂, 最後都要去返政府津貼既計劃, 如果做做下private先再排政府, 到時就太遲.

而家6月尾, 仲有3個月先有得CHECK, 但我唔知佢CHECK完之後如果係確診, 之後係咪仲有好多野又要排又要等, 攪一年半載先有得上堂/訓練…

我有四圍搵資料希望了解多D, 有網頁描述話->

到衛生署轄下既CAC->作診斷及評估(要等1.5年)->社會福利署中央輪候排隊(要等4-12個月)->排到先有E/I/S位.

我估” 大口環根德公爵夫人兒童醫院”就係CAC (因為我睇CAC條 list: https://www.dhcas.gov.hk/tc/center_info.html, 冇港島, 所以我都唔太肯定有冇估錯), 咁即係我3個月之後見完大口環/CAC 仲要等1.5年先可以排社會福利署既中央輪候排隊, 再排4-12個月先有位? 咁咪成4歲?!

唔知有冇媽媽可以分享吓個流程…到底係咪最後都係要做私家既assessment同上private course, 其實係等唔到政府野….謝謝

0 0 0

私人傳訊

honeybid2

男爵府

積分: 8127

2^#

發表於 21-6-23 20:48 |只看該作者

BerniceL 發表於 21-6-23 16:42
響BB歲半時去健康院打針, 姑娘覺得佢反應未達標同言語遲緩, 經電話問病情調查之後, 轉介去大口環根德公爵夫 ...

唔係同路人，但通常提早私家做評估嗰啲係都幾明顯既特徵：唔望人/ 簡單指令都唔識/ 情緒差（唔係普通扭計）/ 連BB話/ 手指指都冇/ 叫名唔應/ 鍾意自己玩/ 執著某排列等等之類。照顧者應該好易分得出係咪有啲問題。咁既話就唔好排直接去私家做評估。如果其他野冇特別問題只係歲半講野未達標其實可以等2歲先，我女歲半都未講野但2歲已經講句子。

私人傳訊

fasola

子爵府

積分: 11192

3^#

發表於 21-6-23 21:17 |只看該作者

私家評估完, 唔係純做私家.
拎住結果(當然係寫明差), 已經可以去社署輪候各類sen 位.

未派到位前. 會有過渡性補貼, 可以拎去報NGO 療程. 唔多. 但好過無. 都慳唔少.

點評

BerniceL

發表於 21-6-23 21:29

私人傳訊

積分: 1391

4^#

發表於 21-6-23 21:28 |只看該作者

回覆 honeybid2 的帖子

謝謝你呀佢而家都冇講過有意思既野，「媽」都唔識，叫佢名佢唔知叫緊佢/唔回應，教一千次都唔識bye bye, 唔識比野我，好鍾意睇同玩轉既野同睇巴士，我諗佢聽得明"No"(10次叫no應該有2次會停一停，但當然係再衝唔理我）
所以想check吓...唉...

私人傳訊

積分: 1391

5^#

發表於 21-6-23 21:30 |只看該作者

回覆 fasola 的帖子

謝謝你呀即係早做assessment可以早排隊！
有津貼都好過冇...出面上堂真係唔少野...

私人傳訊

fasola

子爵府

積分: 11192

6^#

發表於 21-6-23 21:33 |只看該作者

如果好嚴重, 可以早啲評估. 唔通見到大小肌肉差, 有啲BB 連坐都坐唔好, 已經要做物理治療.

但如果只係灰色. 例如行為固執, 講野慢少少, 都係過兩歲先至分到邊類問題

私人傳訊

fasola

子爵府

積分: 11192

7^#

發表於 21-6-23 21:54 |只看該作者

BerniceL 發表於 21-6-23 21:28
回覆 honeybid2 的帖子

謝謝你呀佢而家都冇講過有意思既野，「媽」都唔識，叫佢名佢唔知叫緊佢/唔回應，教 ...

歲半健康院實有問講幾多個單字/詞, 20個先至合格. 多數BB 都做得到. 我個當時有接近20個. 但後來都證實言語遲緩.

如果歲半唔合格, 好多媽媽分享兩歲補考就要求50個詞. 仲要講到兩個詞合成嘅組合詞. 情況就差轉去CAC, 普通就兩歲半再補考多一次.

私人傳訊

積分: 1391

8^#

發表於 21-6-23 22:24 |只看該作者

回覆 fasola 的帖子

嘩，原來要講到咁多野架

我果個仲係零...唔通因為咁，佢排期6個月就比我...

愈講愈覺得要出去搵私家...

私人傳訊

積分: 4960

9^#

發表於 21-6-27 22:57 |只看該作者

BerniceL 發表於 21-6-23 22:24
回覆 fasola 的帖子

嘩，原來要講到咁多野架

cac評估完如果要排s位就大約排1至2年，中間會有過渡性既服務如e位或i位，如果小朋友考到幼稚園係有o位既都可以選o位。一般每年既4至5月派位，所以如果你係2或3月做評估就會剛好開始排下一年度既服務。
其他jm有錯請指正。
你仔仔癥狀明顯，我認為唔好拖。

私人傳訊

積分: 4960

10^#

發表於 21-6-27 23:00 |只看該作者

回覆樓主:

我經驗係排過渡性既訓練都要半年，所以你仔仔9月睇完可能要到下年3或4月才有服務。

私人傳訊

積分: 1391

11^#

發表於 21-6-28 01:21 |只看該作者

回覆 campbell 的帖子

多謝你既回覆同指引！原來真係要咁耐，我仲錯過左個排隊timing

而家已經7月，即係我點排都要下年3/4月，如果有位既話。隨時係後年先有位...
我揀左間有兼收計劃既幼稚園n班，就係希望有機會偷雞請教兼收老師作為家長可以點幫助小朋友...
我上星期先打去協康會申請做言語評估，都係等排隊...

比較安慰既係，bb今日有同我玩，我諗應該係同我玩（定我單方面join左佢既「自己玩」然後以為有互動

），玩fing 頭...

私人傳訊

積分: 1391

12^#

發表於 21-6-28 01:36 |只看該作者

回覆 campbell 的帖子

我教極佢都係零講野，bb話就有。用手指指野都好似冇乜，或1-2次，好稀有。但生活反應又好似都有d 學到/習慣到, 例如我幫佢除曬衫（因為要沖涼）佢就會自己跑去廁所；我去廚房拎奶咀，我人都未出返黎，佢就會自動跑入房（等奶咀到埗之後訓覺）。其實我唔知呢d咁簡單既野，係咪人地bb好細個就識同真係好基本，由奶咀既習慣我假設佢係有留意我做/拎咩...我同自己講佢（唔正常）中就中硬，但應該唔係好嚴重...呱...唉

私人傳訊

積分: 4960

13^#

發表於 21-6-28 02:41 |只看該作者

BerniceL 發表於 21-6-28 01:36
回覆 campbell 的帖子

我教極佢都係零講野，bb話就有。用手指指野都好似冇乜，或1-2次，好稀有。但生活反 ...

一般評估都好睇佢言語，認知，社交，大小肌肉發展，言語差認知和社交就差。
我見我小朋友第一次見私人言語治療師係在遊戲中引發佢有溝通既意欲，例如同佢玩煮飯仔，睇下佢有冇玩假想遊戲，又比個bb公仔和梳仔比佢，睇下識唔識幫公仔梳頭咁。遊戲中遇到問題時會唔會發出求助既聲音等。
我係去中環樂寧中心做評估和1對1言語治療的，上年未去cac前就年頭做，疫情停左，你可以睇下依家情況點，可能唔駛排。

點評

BerniceL

發表於 21-6-28 12:57

私人傳訊

積分: 4960

14^#

發表於 21-6-28 02:44 |只看該作者

BerniceL 發表於 21-6-28 01:21
回覆 campbell 的帖子

多謝你既回覆同指引！原來真係要咁耐，我仲錯過左個排隊timing而家已經7月 ...

排隊既安排我都係聽社工咁講，唔知有冇理解錯，因我咁啱係3月份做評估，社工就話剛剛好趕得及遞上去同一個年度咁。
聽聞港島中西區既過渡位和s位算排得快，九龍區果d排好耐。

私人傳訊

sylingcccc

積分: 4152

15^#

發表於 21-6-28 12:47 |只看該作者

fasola 發表於 21-6-23 21:17
私家評估完, 唔係純做私家.
拎住結果(當然係寫明差), 已經可以去社署輪候各類sen 位.

過渡性補貼唔一定有，問過社工係要相關部門覺得你合資格至會寄信比你話有，唔係自己申請就有
有啲NGO訓練申請補貼，但都要等一輪至有
（利申，我家申請唔到，私家訓練要金額自費，排緊政府訓練）
就算私人評估，都要等幾個星期至幾個月至有得做

私人傳訊