本帖最後由 rose-mag 於 21-10-5 11:08 編輯
我果兩個差18個月，果陣有換不完嘅尿片同餵不完嘅奶，我第二個仲要係全人奶B，夜奶食到歲半至由一晚三次到兩次到一次，我同你一樣有媽咪幫手日頭照顧，但媽咪都湊唔到兩個，尤其是大果個係男仔，識行已經周屋走，仲要成日蝦個妹，我到放完產假就送大仔去托兒所，等婆婆湊細女。足足幾年直到佢地兩個都返學，我至比較自由，但周末基本上冇自己時間，平日佢地早瞓，我或老公要陪瞓，等佢地瞓咗我至有少少時間做下他嘢。餵人奶時又要戒飲咖啡、咖喱同好多其他嘢，兩個細路都有遺傳自老公果邊嘅濕疹同哮喘，去到而家個仔15歲至好番好多，細個果陣幾乎每隔兩個月就要睇醫生，連ICU都去過，咁多年係唔覺唔覺就過咗，當然而家又要煩其他嘢。
JM，向前看，我同老公睇住兩個小朋友食飯、玩、瞓就好滿足，而家唔捨得佢地長大。
我有朋友一個湊3個，佢第二個直情係惡夢，要全程抱住至瞓，離開佢視線範圍就喊，出街係唔可以停低，BB車要一直推，全人奶B要帶埋出街，否則佢爸爸冇辦法照顧到，朋友老公已經係十分之好嘅爸爸都搞唔掂。。。後來朋友話有咗第三個，三個年齡係每個差兩三歲，可想而知，我朋友真係鑯打都唔掂，佢冇長老幫到手，全部住喺另一個國家，而家佢三個都上晒中學小學，朋友可以做下PT，之前佢係小朋友返學就去揸Uber同喺屋企接PT。
花旗太太生活在花旗國，留意時差，你問我未必即時答到。
，個妹跟晒哥哥鍾意打機動漫，兩兄妹嗜好一樣，感情好好
發表於 
返回列表
