本帖最後由 my005 於 24-5-12 17:50 編輯
有次商場飲茶我都好谷氣。
12點幾飲完茶埋單,電子支付要單。
跟住行左幾個鐘,就攞住張單去攞免費泊車鐘數,排到去,唔得,話張單俾人用左先。
點有可能,張單全程在我地手,跟住叫去返酒樓傾,暗示呢啲事件時有發生,酒樓會攞人單俾其他熟客。好嬲囉。
去到酒樓問點解張單俾人用左,個內地口音經理仲惡過我地,話點解攞單時唔講明係泊車用喎。
我話張單係我地消費既,咩用途唔使佢理,而且收銀都無問我有咩用。佢黑面大聲話張單係屬於酒樓既,佢地鍾意俾邊個都得喎!
真係人都癲呀!我消費埋單,張單屬於酒樓咁都講得出!
我都費事同佢再拗!我話叫商場管理人落黎,佢都唔驚,跟住我作勢報警,另
一經理至出黎(本來黎遠望)死死氣咁印過另一張唔知邊個既單俾我。
以後都唔會再幫襯。浪費我時間。
這個世界上所有的愛都是以聚合為最終目的,只有一種愛以分離為目的,那就是父母對孩子的愛。 父母真正成功的愛,就是讓孩子盡早成為一個獨立的分個體﹗