吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 沙紙貶值硬食減薪　大學畢業愈搵愈奀

自由講場今日: 2381|主題: 1360191

收藏本版

發帖

返回列表

跳至頁

查看: 3978 | 回覆: 33

沙紙貶值硬食減薪　大學畢業愈搵愈奀 [複製鏈接]

elbar

公爵府

積分: 26983

1^#

發表於 25-1-20 09:04 |只看該作者 |倒序瀏覽 |打印

本帖最後由 elbar 於 25-1-20 09:57 編輯

大學生原是職場天之驕子，但自2003年的沙士到新冠之後的2023年的20年中，本港大學生卻恍如進入迷失20年！有研究追蹤本港大學學歷人士收入變化，發現大學學歷打工仔的月入中位數，過去20年不升反跌，收入增幅更跑輸高中學歷者，如2003年還有36,418元，到2023年卻跌至35,071元，跌幅約3.7%。期間，高中或以下學歷打工仔的月入中位數，則由2003年的13,657元升至2023年的17,061元，增幅達24.9%。數據反映學歷貶值、沙紙價殘。研究團隊直言，大學學歷勞工的收入優勢持續被削弱，憂慮有關情況，或長期負面影響大學學歷勞工的收入趨勢。

新青年論壇昨公布《香港各世代大學生收入比較研究報告》，參考1988年至2023年綜合住戶統計調查中，具有大學學歷人士的收入數據作分析，並以每5年劃分歷代大學畢業生的收入差異。結果發現，經通脹調整後，在35年間，大學學歷勞工收入雖有上升，惟收入水平愈高，升幅愈低。以不同世代收入最高10%精英大學學歷勞工為例，由1988年至2023年，其月入中位數僅升4.2%，而同期收入最低10%大學學歷勞工，其月入中位數則飆升69.2%。

同樣的情況亦出現在最近20年間，甚至有收入下跌的迹象。研究發現，整體大學學歷勞工的月入中位數，由2003年的36,418元跌至2023年的35,071元，跌幅約3.7%。其中，最高收入的10%大學學歷勞工收入跌幅最大，從2003年的97,875元跌至2023年的90,047元，跌幅達8%。至於收入最低的10%大學學歷勞工，則上升18.4%。

與大學學歷勞工收入對比，在最近35年、30年和20年內，高中或以下學歷勞工收入升幅更高。以最近20年為例，整體高中或以下學歷勞工收入中位數，由2003年的13,657元升至2023年的17,061元，增幅達24.9%。其中收入最低的10%高中或以下學歷勞工，更急升37.4%。而收入最高的10%高中或以下學歷勞工，亦上升1.5%。

過去35年，整體高中或以下學歷勞工收入升幅擴大至69.2%，較同期大學學歷勞工收入升幅22.9%，高出46.3個百分點，顯示大學學歷勞工的收入優勢持續被削弱。

此外，研究又發現，最新一代大學畢業生扭轉過往「愈年輕收入愈低」的趨勢，第八代大學畢業生，即1999至2003年出生、年約20至24歲的人士，2023年初入職收入中位數是18,957元，創下歷史新高。

研究團隊指出，2019年社會運動熾熱，再加上其後爆發的新冠肺炎疫情，令香港長遠發展與年輕世代的流動問題再次遭社會密切關注。雖然是次研究發現利好初入職大學學歷勞工的短期趨勢，但礙於中美貿易戰、美國利率高企以及中國大陸經濟轉型等因素，香港經濟恐怕不能獨善其身，對初入職場的大學學歷勞工而言，挑戰尤為嚴峻。團體估計，年輕大學學歷勞工收入及增速改善的情況將難以持續。

高技能職位供不應求　大學生焗向下流

大學學歷貶值之下，從事低技能職位的大學學歷勞工亦在過去20年激增。新青年論壇的研究發現，在2023年有高達17.1%大學學歷勞工從事低技能職位，創下歷史新高，而從事低技能職位的大學學歷勞工，亦從2003年的66,200人，增長至2023年的194,000人，升幅近兩倍。大學學歷勞工未能有效學以致用，情況不容樂觀。

團體的研究是將1988年至2023年的大學畢業生，以每5年一個世代作比較，第一代即1964至1968年出生、年約55至59歲的人士，只有10.6%擁有大學學歷。至第六代起、即1989至1993年出生，開始有過半數人擁有大學學歷。而第七代、即1994至1998年出生，約61.8%擁有大學學歷。

不過，過去20年大學學歷勞工供應不斷增加，惟高技能職位僧多粥少，有部分大學學歷勞工需要任職低技能職位。研究發現，高技能勞工職位的增長量已在近10年快速放緩，僅增加5個百分點，惟大學學歷勞工數量仍然保持較高速增長，過去10年增加9.5個百分點，令僧多粥少的情況日趨嚴重。

在所有大學學歷勞工之中，從事低技能職位的比例亦從2003年的12.4%升至2023年的17.1%。從事低技能職位的大學學歷勞工數量和比例均創新高。數據反映大學學歷貶值的情況持續，大學學歷勞工不能有效地學以致用，發揮他們的專業所長，情況不容樂觀。

0 0 0

私人傳訊

TinyTomato

侯爵府

積分: 21633

2^#

發表於 25-1-20 09:14 |只看該作者

本帖最後由 TinyTomato 於 25-1-20 09:15 編輯

30年前每10學生大約只有1人可以讀大學，20年前約5人有1人，現在約2人有1人。
平均水平下降，人工下跌很正常。

私人傳訊

anna59

珍珠宮

積分: 49623

3^#

發表於 25-1-20 09:17 |只看該作者

趨勢好似外國咁
大學畢業去做藍領
其實20年前已經有白領轉去做藍領

私人傳訊

李露眉

水晶宮

積分: 59002

4^#

發表於 25-1-20 09:19 |只看該作者

緊係啦, 一大班大陸碩士, 同埋你地搶
而家大陸本科又黎香港做優材

香港人就快都無掟企,
高學歷又唔夠佢地黎.

藍領, 送貨, 飲食, 又唔夠班外勞黎.
香港人就快被比家超搞死.

私人傳訊

my005

瑪瑙宮

積分: 141956

父親節2025勳章母親節2025勳章 2025勳章蛇年勳章 2024年龍年勳章牛年勳章 2018父親節勳章 2018復活節勳章開心吸收勳章醒目開學勳章 15週年勳章親子王國15週年勳章

5^#

發表於 25-1-20 09:20 |只看該作者

本帖最後由 my005 於 25-1-20 09:21 編輯

而家只要肯讀，又有錢交學費，讀得上大學，真係有幾難？

問題係究竟想唔想讀，同埋要俾幾多時間去讀啫﹗

就算係讀博士，有錢有時間，又有幾難？問題係係唔係真係有需要讀，而又有時間同錢啫﹗

博士生既光環都失色唔少啦，仲講咩大學生。

這個世界上所有的愛都是以聚合為最終目的，只有一種愛以分離為目的，那就是父母對孩子的愛。父母真正成功的愛，就是讓孩子盡早成為一個獨立的分個體﹗

私人傳訊

李露眉

水晶宮

積分: 59002

6^#

發表於 25-1-20 09:21 |只看該作者

就黎好似大陸咁,
公務員全部要碩士,
本科穩唔到野做穩到都5千人工.

私人傳訊

李露眉

水晶宮

積分: 59002

7^#

發表於 25-1-20 09:23 |只看該作者

香港不斷認受大陸學歷, 香港學歷愈唔值錢,
阿豬阿狗都落到黎.

香港濫收碩士, 搞到碩士畢業又同香港人爭.
以前香港人都係本科就穩工,
而家多左批碩士爭.

私人傳訊

volan

侯爵府

積分: 21650

8^#

發表於 25-1-20 09:24 |只看該作者

數字不代表啲乜重要係自己feel到整體趨勢健康

To achieve my individual 1000000 Miracles.
Every second is the golden time with Sun and Wind.

私人傳訊

Yeung456

男爵府

積分: 9914

9^#

發表於 25-1-20 09:24 |只看該作者

第一份工既人工真係咁緊要 ? 頭幾年都係學野 , 勤力又有料就可以叫高好多啦

私人傳訊

esmehouse

寶石宮

積分: 401974

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(2) HiPP勳章(1) 2018父親節勳章 2018復活節勳章 15週年勳章親子王國15週年勳章畀面勳章醒目開學勳章 hashtag影視迷勳章貓狗褓姆認識瑞士牛牛第一回美好大世界2017勳章開心吸收勳章

10^#

發表於 25-1-20 09:25 |只看該作者

周街都係大學生，人工就自然低㗎啦，依個係定律嚟㗎喎，所以讀唔到書嘅真係唔好夾硬上，就算俾你上返大學但又唔係讀啲靚嘅學位，真係晒錢晒時間，去學一門手藝仲好，啲人只會揀啲有牌讀牌嘅嚟讀

我鐘意你同我講 I Love U, I Love U Too！
You are the sunshine of my life. That's why I'll always stay around. You are the apple of my eye. Forever you'll stay in my heart.

私人傳訊

ilovebb2019

公爵府

積分: 27361

2025勳章蛇年勳章

11^#

發表於 25-1-20 09:26 |只看該作者

李露眉發表於 25-1-20 09:21
就黎好似大陸咁,
公務員全部要碩士,
本科穩唔到野做穩到都5千人工.

大陸碩士而家好多做外賣員

私人傳訊

gilgilgilgil

公爵府

積分: 29611

12^#

發表於 25-1-20 09:38 |只看該作者

TinyTomato 發表於 25-1-20 09:14
30年前每10學生大約只有1人可以讀大學，20年前約5人有1人，現在約2人有1人。
平均水平下降，人工下跌很正常 ...

國內因為大學生越來越多、藍領或基層工作無人做、所以好似會調整政策、調高讀大學門檻

私人傳訊

李露眉

水晶宮

積分: 59002

13^#

發表於 25-1-20 09:46 |只看該作者

ilovebb2019 發表於 25-1-20 09:26
大陸碩士而家好多做外賣員

有好多直頭穩唔到工.

私人傳訊

領養喵回家

大宅

積分: 2389

14^#

發表於 25-1-20 09:50 |只看該作者

所以話，葉劉姐姐同超哥改革erb真係一大德政。班細蚊讀完大專係本港無乜發展又唔想去大灣。佢哋好崇尚西方世界價值觀。留港一係再變2019，有啲去咗大嶼山住精舍修佛，有啲就趟平打散。另外，有啲會去英國、加拿大做藍領。erb技能課程為我哋依班細蚊送上咗最後一份禮物。希望因依份禮物，佢哋將來仲會記依笪成長嘅地方。支持實事派姐姐同超哥連任。