吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 0-6個月› 去醫院抽血，又心痛，又憤怒

0-6個月今日: 4|主題: 37496

收藏本版

回覆發帖

返回列表

跳至頁

查看: 4816 | 回覆: 6

去醫院抽血，又心痛，又憤怒 [複製鏈接]

terrywan2003

洋房

積分: 63

1^#

發表於 26-2-13 11:30 |只看該作者 |倒序瀏覽 |打印

希望各位爸爸媽媽都可以睇到呢編文，雖然有d長，但都希望可以睇曬，唔想見到同樣嘅BB有一樣嘅遭遇。

去健康院檢查後，因為BB全人奶餵食，所以黃有少少唔係好落到，就被轉介去明愛醫院做抽血檢查。

下午1點左右到步明愛醫院，先做好登記，諗住抽血好快，之前抽都係姑娘係腳踭抽，點知去到話一定要醫生抽。我努力要求過但唔比，話係程序嚟。

準備好所有文件之後就係要等見醫生，等到我2:30，阿B要食奶都仲未見到醫生，一直都有問可唔可以比我地餵咗奶先，結果話唔比，因為未見到醫生，叫我地等。我已經好有耐心咁講，阿B喊緊要食，係咪要我地去廁所，或者出面食？我地無所謂，可唔可以比阿B食咗先？姑娘話唔得，要等見醫生。(emoji)(emoji)‍♂️

等咗勁耐，終於見到初級醫生，問完資料開始檢查身體。明明按肚仔可以解開件衫下面d 衫鈕就按到，但醫生唔知點解係到要打開曬件衫，果下我好怕會凍親，無暖機，又要落凍都冰咁嘅聽診器聽，心諗快d搞點佢啦，我都覺得凍。檢查過程，差d比佢個聽診器整到阿B隻眼，姑娘見到都即刻幫醫生拎住。

檢查之後我再要求餵奶，終於肯比個位我地餵啦。餵飽掃風，又開始準備搞入院手續，要阿B戴手帶係腳。我同姑娘講，有無d好少少質量嘅帶？上次出世果時帶到阿B嘅皮損晒，又有血。姑娘話我盡量戴好d，應該唔會好似上次咁慘。結果好明顯事後我檢查對腳仔，又搞到甩皮啦，咁短時間都搞到咁。

放阿B上個兜，有個姐姐幫手換衫，度高磅重。搞咗一陣，我問姑娘，唔係話我可以全程睇住阿B咩？點解無人同我講佢去咗邊？姑娘都搵咗一陣先搵到阿B(emoji)

之後又係等，等醫生幫佢抽血。我再問姑娘可唔可以姑娘抽，我地有經歷，醫生唔識抽血，一定會出事，我地生阿B果時，正正就有個醫生插左隻手4個針窿都抽唔到血，最後姑娘一下就搞掂。(emoji)(emoji)‍♂️姑娘都係果句，唔得，程序上一定要醫生抽，而且唔可以比我地跟入去睇抽血。我就補一句要求唔好拎我阿B嚟練手，拜托。

終於等到醫生嚟，推咗阿B入房之後好快就聽到阿B爆喊，間房同我嘅距離有d遠，有一個護士站距離，好大聲，入曬耳，心諗應該好快搞點。等咗一個鐘，阿B喊足一個鐘，我已經問姑娘幾次，仲要抽幾耐，喊咗成個鐘啦喎，姑娘話醫生抽緊，因為阿B嘅血管細，抽前要做好多準備，喊唔代表抽緊血，所以叫我地放心，我再次相信佢。

無耐聽到佢地叫換人入去幫手，心諗呢鑊食得屎啦。

又等多15分鐘左右，我追問姑娘，得未？仲喊緊喎。姑娘表示有個高級醫生嚟緊，放心。有個醫生走嚟好似想將入面發生緊咩事講我知，但聽完都姑娘講嘅無分別。媽咪嘅心好似碎咗咁，聽到阿B喊咗成個幾鐘，出世以來都未試過，媽咪都頂唔住爆喊啦。我同姑娘講，你地抽果少少血都搞到咁，你唔好嚟安撫我，你安撫下媽咪先。

一句車埋嚟就話媽咪有情緒喎，不如出去門口行開下唔好聽到阿B喊會好d，我覺得係好難聽囉，媽咪喊係因為阿B喊咗個幾鐘，你叫佢行開？

一邊同姑娘了解，一邊搞出院手續，無啦啦個醫生又走嚟講解入面發生咩事。心諗你比我走啦，快d比返阿B我。

終於出返嚟，輕輕咁話抽咗兩個位，一隻手一隻腳。我忍，忍住心中所有嘅怒火，我話我自己嚟幫佢換返衫就得。醫生同我講阿B面仔有粒粒，怕佢係奶蘚，想開類固醇比我，我心諗唔係嘛？佢真係唔識架喎，咁少嘅事都要開類固醇？我話唔洗啦，我地會自己留意返，唔該。

17:30左右離開明愛醫院。

快快手搞掂走人，返到屋企第一時間就係沖涼，我幫阿B著返衫果時睇到，一隻腳有3個針窿，兩隻腳加埋6個針窿，對手我都無數啦(emoji)抽果少少血，比10個8個針窿阿B?要佢喊咗個半鐘？合理咩？

我問返陪月依依，抽血其實好快5分鐘左右搞掂，我聽到真係心都碎埋。

我已經盡最大努力去想將呢件事唔好發生，給果衰過練手。真係好希望所有醫生都練習一下抽血先好執業，唔好出嚟害人。醫院係醫人嘅地方，唔係傷人嘅地方，唔係比醫生練習嘅地方。實習唔緊要，但唔該搵其他有經驗嘅醫生跟著，唔好等出事先嚟後悔。

希望睇到呢度嘅爸爸媽媽唔會有同樣嘅遭遇。

0 0 0

私人傳訊回覆引用

Caleb

大宅

積分: 2528

2^#

發表於 26-2-13 13:02 |只看該作者

公立醫護日日對住咁多病人，佢地已經唔會有咩同理心，唔會心痛

bb抽血真係唔易，我朋友個b出世就要抽血，腳板仔有至少2個傷口，到出院前又抽多次，我朋友心痛死，好在佢唔在場，唔知bb有冇喊死

不過我都睇唔過眼，點解唔先俾bb飲奶，要佢餓住等醫生，個醫生又唔知幾時到，雖然知道醫生忙，但初生bb又有黃，唔係更加應該及時飲奶咩

私人傳訊回覆引用

HappyBB

複式洋房

積分: 307

3^#

發表於 26-3-3 12:29 |只看該作者

私人傳訊回覆引用

lovelyfarm

別墅

積分: 617

4^#

發表於 26-3-12 12:46 |只看該作者

回覆樓主:

醫生同護士實話餓一陣唔會死，針拮多幾下好小事

私人傳訊回覆引用

SiussLeung

複式洋房

積分: 162

5^#

發表於 26-3-15 07:41 |只看該作者

私人傳訊回覆引用

wingyee1230

男爵府

積分: 5572

6^#

發表於 2 小時前 |只看該作者

terrywan2003 發表於 26-2-13 11:30
希望各位爸爸媽媽都可以睇到呢編文，雖然有d長，但都希望可以睇曬，唔想見到同樣嘅BB有一樣嘅遭遇。

去健 ...

我同你情況一樣又係黃要去明愛抽血，10點左右到又係問一大輪阿b就入左bb房，反而姑娘叫我地餵左bb先等佢食飽飽心情平靜啲先抽血，之後有個醫生過黎同我講解完就走，又係一定要醫生抽，等到中午都未得我又過哂鐘泵奶，好彩佢地有機比我泵，泵完都未見醫生，可能咁岩又lunch time我心諗唔係要等到2點呀，姑娘話已經call左醫生但未到，之後總算黎左聽到爆喊聲，之前姑娘有講解會最多拮3針，到出院時姑娘話抽左腳背，返比屋企見到2隻手背都瘀左有針孔，見到都肉赤，最後2點幾先走得，飢寒交迫等左4個鐘，真係好黑仔